युहन्‍ना 10:35 - पश्‍चिम तामाङ

³⁵ पर्‌मेस्‍वर्‌की फ्रोइ यङ्‌बलमात पर्‌मेस्‍वर्‌चे ‘ख्‍लमा’ बी सुङ्‌बल मुब, होत्‍तज्‍यीम् धर्‌म छ्‍येः खेमेएनो भ्‍यु अत।

युहन्‍ना 10:35 ပူးပေါင်းရင်းမြစ်များ

मत्‍ती 24:35

मुतेङ् जम्‍बुलीङ् म्‍हज्‍यीम् य्‍हर्‌स्‍ये मुब, तर ङइ छीमा खेमेएनो म्‍हस्‍ये अरे।

मत्‍ती 27:35

हुजु लीप्‍चे थेङ्‍यीमाचे येसुत क्रुस्‍री खील् ठोक्‍ज्‍यीम् च्‍योलाज्‍यी। ओसेम् थेङ्‍यीमाचे थेङ्‌की न्‍हम्‍ज चीठ्‌ठ युज्‍यीम् जुज्‍यी।

मत्‍ती 5:18

ङ एङ्‌यीमात देमेन्‍नो पङ्‍ब, पर्‌मेस्‍वर्‌की नीयम्‍री ब्रीबे ज्‍यीद बीम ज्‍यीद तमएनो टोप अतगते स्‍वर्‌गतेङ् जम्‍बुलीङ् म्‍हज्‍यीम् य्‍हर्‌स्‍ये अरे।

लुका 16:17

मुतेङ् जम्‍बुलीङ् म्‍हज्‍यीम् य्‍हर्‌ब बीमएनो पर्‌मेस्‍वर्‌की फ्रोइकी छीःगीः म्‍हबरी य्‍हक्‍को गारो मुब।

युहन्‍ना 10:34

येसुचे थेङ्‌यीमात जोहाप् न्‍हङ्‌ज्‍यी, “पर्‌मेस्‍वर्‌चे ‘एङ्‍यीमा ख्‍लमा य्‍हीन्‍ब’ बी सुङ्‌बल एङ्‌यीमाकी धर्‌म छ्‍येरी ब्रीबल अरेउ स्‍यीम्?

युहन्‍ना 10:36

ङत अपचे दम्‍जेत्‍ज्‍यीम् जम्‍बुलीङ्‌री पीत्‍युजेत्‍पल य्‍हीन्‍ब। ङचे ङ पर्‌मेस्‍वर्‌की ज य्‍हीन्‍ब पङ्‍बतेङ् पर्‌मेस्‍वर्‌की नीन्‍द स्‍य्‍हेङ्‌बल तब बी खले एङ्‍यीमाचे पङ्‍ब?

युहन्‍ना 19:28

ओसेम् येसुचे देरेम् जम्‍मनो लक्‍मा बुत्‍ज्‍यी बी खेम्‍ज्‍यी, ओसेम् धर्‌म छ्‍येःरी ब्रीबे तम् टोप् तखइ पङ्‍ज्‍यीम्, “ङत यी फीःज्‍यी” बी सुङ्‌जेत्‍ज्‍यी।

प्रेरीत् 1:16

“र्‌होमा, धर्‌मइ छ्‍येःरी येसुत चुङ्‌बे म्‍हीमाकी अगुवा यहुदाकी बारेरी दाऊद ग्‍यल्‍बोचे पबीत्र आत्‍मा ग्‍यम्‍से य्‍हक्‍को बेलो ङोन्‍ग्‍यम्‍नो पङ्‍बल मुबल। हुजु तम् टोप् तनोथोब मुबल।

रोमी 13:1

जम्‍मनो म्‍हीमा य्‍हुल्‍की सासक्‍माकी अधीन्‍री टीथोब, तलेपङ्‍सम् पर्‌मेस्‍वर्‌की थुः बीम खल्‍चेएनो सासन् स्‍य्‍हेङ् अखम्। जम्‍मनो सासक्‍मात पर्‌मेस्‍वर्‌चेनो हुजु ग्‍लारी थेन्‍जेत्‍पल य्‍हीन्‍ब।