युहन्‍ना 10:27 - पश्‍चिम तामाङ

²⁷ ङइ ग्‍युमाचेम् ङइ केत् ङ्‍येन्‍ब, ओसेम् ङचेएनो थेङ्‌यीमात स्‍येब, ओसेम् थेङ्‍यीमा ङइ लीप्‍चे ब्रब।

युहन्‍ना 10:27 ပူးပေါင်းရင်းမြစ်များ

मत्‍ती 16:24

हुजु लीप्‍चे येसुचे थेङ्‌की डबमात सुङ्‌ज्‍यी, “खजु पङ्‌लेनो ङइ डब तब म्‍हेन्‍सम् थेचे र्‌हङ्‌चे र्‌हङ्‌तनो म्‍लेत्‍थोब। ओसेम् र्‌हङ्‌की क्रुस् नाज्‍यीम् ङइ लीप्‍चे ब्रथोब।

मत्‍ती 17:5

पत्रुसचे चोले तम् पङ्‍न पङ्‍ननो सर्‌बे मुक्‍प खज्‍यीम् थेङ्‌मात गप्‍ज्‍यी, ओसेम् हुजु मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, थेतेङ् ङ य्‍हक्‍को तङ्‍बल मुब, थेइ तम् ङ्‌येनो।”

मत्‍ती 25:12

तर दुलहचे जोहाप् पीन्‍ज्‍यीम् पङ्‍ज्‍यी, ‘ङ एङ्‌यीमात देमेन्‍नो पङ्‍ब, ङचे एङ्‌यीमात स्‍येबल अरे।’”

मत्‍ती 7:23

हुजु बेलोरी ङ थेङ्‌यीमात पङ्‌स्‍ये मुब, ‘एङ्‍यीमा दुस्‍ट म्‍हीमा, एङ्‌यीमात ङचे खेमेएनो स्‍येबल अरे। एङ्‌यीमा ङ ग्‍यम्‍से थारीङ् य्‍हरो!’

मर्‌कुस् 10:21

येसुचे थेत म्‍होइज्‍यीम् स्‍हीजेत्‍ज्‍यी ओसेम् सुङ्‌ज्‍यी, “एचे दवम् लक् गीः स्‍य्‍हेङ्‌थोस्‍ये मुब। ङ्‍यीउ ओसेम् एइ मुब थम्‍चे स्‍हेमा चुङ्‌ज्‍यीम् प्रङ्‌नमात पीनो, एचे स्‍वर्‌गरी सम्‍पती यङ्‍स्‍ये मुब। हुजु लीप्‍चे खज्‍यीम् ङइ लीप्‍चे ब्रउ।”

मर्‌कुस् 8:34

हुजु लीप्‍चे येसुचे र्‌हङ्‌की डबमातेङ् हुजुरी मुबे म्‍हीमात ङ्‌होत्‍ज्‍यीम् सुङ्‌ज्‍यी, “खल म्‍ही पङ्‌लेनो ङइ लीप्‍चे ब्रबे सेम् लज्‍यी पङ्‌सम् थेचे र्‌हङ्‌तनो म्‍लेत्‍थोब। ओसेम् थेचे र्‌हङ्‌की क्रुस् नाज्‍यीम् ङइ लीप्‍चे ब्रथोब।

लुका 13:27

ओसेम् थेचे देबेएनो पङ्‌स्‍ये मुब, ‘एङ्‌यीमा खनचे खबल? ङचे एङ्‌यीमात स्‍येःबल अरे। अज्‍यबे लक् स्‍य्‍हेङ्‌बे म्‍हीमा, ङ ग्‍यम्‍चे थारीङ् य्‍हरो!’

लुका 9:23

येसुचे जम्‍मा म्‍हीमात सुङ्‌ज्‍यी, “एङ्‌यीमा ङइ डब तइ म्‍हेन्‍ज्‍यी पङ्‌सम् एङ्‍यीमाचे र्‌हङ्‌चे र्‌हङ्‌तनो म्‍लेत्‍थोब, ओसेम् दीन् र्‌हङ्‌स्‍यीनो एङ्‌यीमाइ् क्रुस् नाज्‍यीम् ङइ लीप्‍चे ब्रउ।

युहन्‍ना 10:14

“ङ ज्‍यबे गोर्‌तेन् य्‍हीन्‍ब। अपचे ङत स्‍येःब ओसेम् ङचे अपत स्‍येब, होलेनो ङचे ङइ ग्‍युमात स्‍येःब ओसेम् ग्‍युमाचेएनो ङत स्‍येब। ग्‍युमाकी लागीरी ङ र्‌हङ्‌की जीवन पीन्‍ब।

युहन्‍ना 10:16

“ङइल ल्‍हो-ल्‍हो ग्‍युमाएनो मुब, थेङ्‍यीमा चु गोरल अय्‍हीन्। ङचे थेङ्‍यीमातएनो बथोपल मुब, थेङ्‍यीमाचे ङइ केत् ङ्‍येन्‍स्‍ये मुब, ओसेम् जम्‍मनो ग्‍युमा बगेल् गीः तज्‍यीम् थेङ्‌यीमाकी गोर्‌तेन् गीःकीनो तस्‍ये मुब।

युहन्‍ना 10:8

ङ बीम ङोन्‍ग्‍यम् खबलमा जम्‍मनो य्‍होतेङ् डाकुमा य्‍हीन्‍ब, तर ग्‍युमाचे थेङ्‌यीमाकी तम् अङ्‍येन्।

युहन्‍ना 12:26

ङइ लक् स्‍य्‍हेङ्‌ब म्‍हेन्‍बलमा ङइ लीप्-लीप् ब्रथोब। ङ खन तज्‍यी, ङइ लक् स्‍य्‍हेङ्‍बलएनो हुजुरी तस्‍ये मुब। ङइ लक् स्‍य्‍हेङ्‍बलत ङइ अपचे स्‍य्‍हेस स्‍य्‍हेङ्‍जेत्‍स्‍ये मुब।

युहन्‍ना 21:22

येसुचे पत्रुसत सुङ्‌ज्‍यी, “ङ अयु गदेसम्‍म थे सोटीखइ पङ्‍बे सेम् ङल मुलेएनो एत ता तोज्‍यी स्‍यीम्? एमी ङइ लीप्‍चे ब्रउ।”

युहन्‍ना 5:25

देमेन्‍नो ङ एङ्‌यीमात पङ्‌ब, बेलो खटीब मुब, ओसेम् हुजु बेलो देरे य्‍हीन्‍ब, स्‍यीबलमाचे पर्‌मेस्‍वर्‌की जइ केत् थ्‍येःस्‍ये मुब, ओसेम् थ्‍येःबलमा सोस्‍ये मुब।

युहन्‍ना 8:12

येसुचे देबेएनो थेङ्‌यीमात सुङ्‌ज्‍यी, “जम्‍बुलीङ्‌की य्‍हल् ङनो य्‍हीन्‍ब। ङइ लीप्‍चे ब्रबलमा म्‍हुन्‍दुङ्‍री ब्रस्‍ये अरे, तलेपङ्‍सम् थेचे जीवनकी य्‍हल् यङ्‍स्‍ये मुब।”

युहन्‍ना 8:43

ङचे पङ्‍बे तम् एङ्‍यीमाचे गोअखम्, तलेपङ्‍सम् ङचे पङ्‍बे तम् एङ्‍यीमाचे ङ्‍येन्‍बे सेम् लअखम्।

प्रेरीत् 3:23

ओसेम् हुजु अगम्‍बक्‍तइ तम् अङ्‍येन्‍बे म्‍हीमाम् पर्‌मेस्‍वर्‌की म्‍हीमा ग्‍यम्‍से फेःस्‍ये मुब, ओसेम् नास् तस्‍ये मुब।’

१ कोरीन्‍थी 8:3

तर खजु म्‍हीचे पर्‌मेस्‍वर्‌त म्‍होइब थेत पर्‌मेस्‍वर्‌चे खेम्‍जेत्‍प।

गलाती 4:9

तर देरेम् एङ्‍यीमाचे पर्‌मेस्‍वर्‌त स्‍येःबल मुब, य्‍हीन्‍बरीम् पर्‌मेस्‍वर्‌चेक एङ्‍यीमात खेम्‍जेत्‍पल मुब। होले पङ्‌सम् देबेएनो खले हुजु कम्‍जोर्‌तेङ् तइ लक् अतबे पेठीम्‍मारी दोःज्‍यीम् य्‍हर्‌बे सेम् लब? ओसेम् तले थेङ्‍यीमाकी बाना तबरी सेम् लब?

२ तीमोथी 2:19

तर पर्‌मेस्‍वर् र्‌हङ्‍चेनो स्‍य्‍हेङ्‍जेत्‍पे जग कोङ्‍ब ओसेम् हुजुरी चोले ब्रीबल मुब- “प्रभुचे र्‌हङ्‍लमात खेम्‍जेत्‍प” ओसेम् “प्रभुइ छेन् कीन्‍बलमा अज्‍यबे लक्‍मा ग्‍यम्‍से थारीङ् टीथोब।”

हीब्रु 3:7

होत्‍तज्‍यीम् पबीत्र आत्‍माचे सुङ्‍जेत्‍प, “तीङ्‌यी एङ्‍यीमाचे पर्‌मेस्‍वर्‌की केत् ङ्‌येनो,

प्रकास 14:4

थेङ्‍यीमा अमकोलमातेङ् अन्‍हुब मुबल, ओसेम् कङ्‍य अपकोलमा मुबल। थेङ्‍यीमा थुमाकी लीप्‍चेकीनो ब्रबल मुबल। थेङ्‌यीमात पर्‌मेस्‍वर्‌चे जम्‍बुलीङ्‌की म्‍हीमा ग्‍यम्‍से सइ फाजेत्‍ज्‍यीम् फेःपीन्‍जेत्‍पल मुबल, ओसेम् थेङ्‌यीमा पर्‌मेस्‍वर्‌तेङ् थुमाकी लागीरी गोदोब्‍न्‍हङ् ङोन्‍ग्‍यम् पीन्‍बे भेटी मुबल।

प्रकास 3:20

ङ्‌येनो! ङ म्रप्‍री रप्‍ज्‍यीम् डोङ्-डोङ् लब। खल्‍चे पङ्‌लेनो ङइ केत् थेःज्‍यीम् म्रप् ठोङ्‍पीन्‍ज्‍यी पङ्‌सम्, ङ न्‍हङ्‍री वङ्‍स्‍ये मुब ओसेम् थेतेङ् चब चस्‍ये मुब, ओसेम् थेचे ङतेङ् बक्‍च्‍य चस्‍ये मुब।