युहन्‍ना 10:18 - पश्‍चिम तामाङ

¹⁸ खल्‍चेएनो ङइ जीवन ङ ग्‍यम्‍से ब्‍येन्‍ब अखम्, तर ङ र्‌हङ्‌की सेम्‍चेनो ङइ जीवन पीन्‍ब। ङइ जीवन पीन्‍बे हक् ङतेङ् मुब, ओसेम् दोःज्‍यीम् कीन्‍बे हक्‍एनो ङतेङ् मुब। ङइ अपचे ङत कुल्‍जेत्‍पे अर्‌तीएनो चुनो य्‍हीन्‍ब।”

युहन्‍ना 10:18 ပူးပေါင်းရင်းမြစ်များ

युहन्‍ना 10:11

“ङ ज्‍यबे गोर्‌तेन् य्‍हीन्‍ब। ज्‍यबे गोर्‌तेन्‍चे र्‌हङ्‌की ग्‍युकी लागीरी र्‌हङ्‌की जीवन् पीन्‍बरीएनो टोप् तब।

युहन्‍ना 10:17

“ङइ अपचे ङत म्‍होइजेत्‍प, तलेपङ्‍सम् ङ र्‌हङ्‌की जीवन् पीन्‍ब, होत्‍तज्‍यीम् ङचे दोःज्‍यीम् ङइ जीवन यङ्‍स्‍ये मुब।

युहन्‍ना 14:31

तर जम्‍बुलीङ्‌की जम्‍मनो म्‍हीमाचे ङचे अपत म्‍होइब पङ्‍बे तम् स्‍येखइ बी थेङ्‌चे कुल्‍जेत्‍प र्‌हङ्‌लेनो ङ स्‍य्‍हेङ्‌ब। ब्रे, ङ्‍य्‍हङ्‍मा चु ग्‍लासे य्‍हर्‌के।”

युहन्‍ना 15:10

अपचे कुल्‍जेत्‍पे तम्‍मा ङचे ङ्‌येन्‍ज्‍यीम् अपइ म्‍होइबरी टीब र्‌हङ्‌लेनो, एङ्‌यीमाचेएनो ङचे कुल्‍बे अर्‌तीमा ङ्‍येन्‍ज्‍यी पङ्‌सम् एङ्‍यीमा ङइ म्‍होइबरी टीस्‍यीनो टीस्‍ये मुब।

युहन्‍ना 19:11

ओसेम् येसुचे सुङ्‌जेत्‍ज्‍यी, “पर्‌मेस्‍वर्‌चे अन्‍हङ्‍बल य्‍हीन्‍सम् थेङ्‌ल ङइ जोरी तइ हकएनो अतस्‍येल। होत्‍तज्‍यीम् ङत थेङ्‌की यारी सोप्‍तीपीन्‍बलचे य्‍हक्‍को ङ्‍हच्‍छ्‍यङ् पाप स्‍य्‍हेङ्‌बल मुब।”

युहन्‍ना 5:26

तलेपङ्‍सम् खले अपतेङ् जीवनकी म्रु मुब, होलेनो थेङ्‌चे र्‌हङ्‌की जतएनो जीवनकी म्रुः स्‍य्‍हेङ्‌जेत्‍पल मुब।

युहन्‍ना 5:30

“ङ र्‌हङ्‌चेनोम् तएनो स्‍य्‍हेङ्‌ब अखम्। पर्‌मेस्‍वर्‌चे ङत खले सुङ्‌ज्‍यी होलेनो न्‍याय स्‍य्‍हेङ्‌ब। होत्‍तज्‍यीम् ङचे स्‍य्‍हेङ्‌बे न्‍याय देमेन् तब, तलेपङ्‍सम् ङ र्‌हङ्‌चे म्‍हेन्‍ब र्‌हङ्‌ले अय्‍हीन्, तर ङत पीत्‍युजेत्‍पे अपचे थुः लजेत्‍प र्‌हङ्‌ले स्‍य्‍हेङ्‌ब।

युहन्‍ना 6:38

तलेपङ्‍सम् ङ ङचे म्‍हेन्‍बल टोप् लबरी अय्‍हीन् तर ङत पीत्‍युजेत्‍पलइ थुः टोप् लबरी स्‍वर्‌ग ग्‍यम्‍से युबल य्‍हीन्‍ब।

प्रेरीत् 2:24

“तर पर्‌मेस्‍वर्‌चे येसुत स्‍यीब ग्‍यम्‍से सोनलजेत्‍ज्‍यी। तलेपङ्‍सम् येसुत स्‍यीबे सक्‍तीचे स्‍यीबलम् स्‍यीबनो लब अखम्‍ब मुबल।

प्रेरीत् 2:32

“ओसेम् येसुत पर्‌मेस्‍वर्‌चे सोनलजेत्‍ज्‍यी, चु तम् म्रङ्‌बल ङ्‌यीमा जम्‍मनो य्‍हीन्‍ब।

प्रेरीत् 3:15

ओसेम् जीवन् न्‍हङ्‌बलतम् एङ्‍यीमाचे सेत्‍ज्‍यी। तर पर्‌मेस्‍वर्‌चे थेङ्‌त स्‍यीब ग्‍यम्‍से सोनलजेत्‍ज्‍यी। चु तम् ङ्‌यीमाचे म्रङ्‌बल मुब।

तीतस 2:14

येसु ख्रीस्‍ट्‍चे ङ्‌य्‍हङ्‌मात जम्‍मनो थोइ पाप ग्‍यम्‍से फेःपीन्‍जेत्‍परी र्‌हङ्‌की बुः न्‍हङ्‍न्‍जेत्‍ज्‍यी। थेङ्‌चे ङ्‌य्‍हङ्‌मात चोखो स्‍य्‍हेङ्‍जेत्‍परी र्‌हङ्‌की म्‍ही स्‍य्‍हेङ्‍जेत्‍ज्‍यी, ओसेम् ङ्‌य्‍हङ्‍मात ज्‍यबे लक् स्‍य्‍हेङ्‌बरी आर् पीन्‍बे लागीरी चोले स्‍य्‍हेङ्‍जेत्‍ज्‍यी।

हीब्रु 2:9

तर य्‍हम्‍की लागीरी स्‍वर्‌गदुत्‍मा बीम ज्‍यीद तन लजेत्‍बे येसुत ङ्‍य्‍हङ्‍माचे म्रङब। ओसेम् पर्‌मेस्‍वर्‌की अनुग्रहचे लज्‍यीम् थेङ् जम्‍म म्‍हीमाकी लागीरी स्‍यीपीन्‍जेत्‍ज्‍यी। हुजु स्‍यीबे दुख नापीन्‍जेत्‍पल तज्‍यीम् पर्‌मेस्‍वर्‌चे थेङ्‌त महीमातेङ् स्‍य्‍हेसइ क्रेकी कुःपीन्‍जेत्‍ज्‍यी।