युहन्‍ना 1:41 - पश्‍चिम तामाङ

⁴¹ ङोन्‍ग्‍यम् आन्‍द्रीयासचे थेइ अज्‍यो सीमोनत खतु लज्‍यीम् पङ्‍ज्‍यी, “ङ्‌यीमाचे मसीहत दोज्‍यी” (हीब्रु ग्‍योत्‍री मसीह पङ्‍बलमी मुक्‍ती न्‍हङ्‌बे ख्रीस्‍ट् य्‍हीन्‍ब।)

युहन्‍ना 1:41 ပူးပေါင်းရင်းမြစ်များ

मत्‍ती 1:23

“च्‍यागो, कङ्‍य अमकोलइ फोरी कोल खज्‍यीम् थेचे ज गी न्‍हस्‍ये मुब। ओसेम् म्‍हीमाचे थेङ्‌त इम्‍मानुएल पङ्‌स्‍ये मुब।” (इम्‍मानुएल पङ्‍बलमी, “पर्‌मेस्‍वर् ङ्‍य्‍हङ्तेङ्” य्‍हीन्‍ब।)

लुका 2:17

गोर्‌तेन्माचे कोलत म्रङ्‌ब बीसेम् थेङ्‌की बारेरी स्‍वर्‌गदुत्‍चे पङ्‍बे तम्‍मा म्‍हीमात स्‍येत्‍पीन्‍ज्‍यी।

लुका 2:38

थेचेएनो मरीयमतेङ् योसेफकी रेइरी खज्‍यीम् पर्‌मेस्‍वर्‌त ह्‍वोर्‌छ्‌ये पीन्‍ज्‍यीम् यरुसलेमकी म्‍हीमात थर्‌न लस्‍ये म्‍ही ब्रेन्‍टीबलमात येसुइ बारेरी स्‍येत्‍ज्‍यी।

युहन्‍ना 1:45

फीलीपचे नथानेलत खतु लबरी ङ्‌यीज्‍यीम् पङ्‍ज्‍यी, “ङ्‌यीमाचे थेङ्‌त दोज्‍यी, थेङ्‌की बारेरी मोसातेङ् अगम्‍बक्‍तमाचे धर्‌म छ्‍येःरी ब्रीबल मुबल, थेङ्‍मी नासरतकी योसेफकी ज येसु य्‍हीन्‍ब।”

युहन्‍ना 4:25

ओसेम् अमकोलचे पङ्‍ज्‍यी, “ङत था मुब, मसीह ब्‍योन्‍युस्‍ये मुब (मसीह पङ्‍बलमी मुक्‍ती न्‍हङ्‌बे ख्रीस्‍ट् य्‍हीन्‍ब), ओसेम् थेङ्‌चेनो ङ्‍यीमात जम्‍मनो तम् स्‍येनलजेत्‍स्‍ये मुब।”

प्रेरीत् 10:38

ओसेम् पर्‌मेस्‍वर्‌चे नासरतकी येसुइ जोरी पबीत्र आत्‍मातेङ् सक्‍ती न्‍हङ्‍जेत्‍ज्‍यी। हुजु लीप्‍चे येसु खन बीबीनो स्‍येःज्‍यीम् ज्‍यबे लक्‍मातेङ् म्‍हङ्‍चे ननलबे म्‍हीमात फेन्‍न लजेत्‍ज्‍यी। तलेपङ्‍सम् पर्‌मेस्‍वर् थेङ्‍तेङ् बक्‍च्‍य मुबल।

प्रेरीत् 4:27

“चु तम् देमेन्‍नो तबल मुब, तलेपङ्‍सम् थेङ्‌की पबीत्र योक्‍पो येसुत थेङ्‌चे मुक्‍ती न्‍हङ्‌बे ख्रीस्‍ट् स्‍य्‍हेङ्‌जेत्‍ज्‍यी। ओसेम् हुजु येसुइ बीरोद् स्‍य्‍हेङ्‌बरी हेरोदतेङ् पन्‍तीयस् पीलातस ओसेम् यहुदी अय्‍हीन्‍बे म्‍हीमातेङ् इस्राएलीमा चु सहर्‌री र्‌हुब् तबल मुबल।

१ युहन्‍ना 1:3

एङ्‌यीमाकी सङ्‍गती ङ्‌यीमातेङ् तखइ पङ्‍ज्‍यीम् ङ्‌यीमाचे ता म्रङ्‌बतेङ् थ्‍ये:ज्‍यी हुजु एङ्‌यीमात स्‍येत्‍प। ङ्‍यीमाकी सङ्‍गती अपतेङ् थेङ्‌की ज येसु ख्रीस्‍ट्‍तेङ् बक्‍च्‍य मुब।