युहन्ना 1:29 - पश्चिम तामाङ29 न्हम्स्य्होर्हङ् येसु र्हङ्ज ब्योन्खटीबल म्रङ्ज्यीम् युहन्नाचे पङ्ज्यी, “च्याको, पर्मेस्वर्की थुमा, थेङ्चे जम्बुलीङ्की जम्मनो म्हीमाकी पापमा नोम्जेत्स्ये मुब! အခန်းကိုကြည့်ပါ။ |
युहन्ना 1:29
65 ပူးပေါင်းရင်းမြစ်များ
मोसाचे ब्रीबे पर्मेस्वर्की नीयम् अङ्येन्बल तज्यीम् ङ्य्हङ्मात फोःथोबे केम्लङ् ख्रीस्ट्चे ङ्य्हङ्माकी लागीरी नाजेत्ज्यी, ओसेम् थेङ्चे ङ्य्हङ्मात हुजु केम्लङ् ग्यम्से फेःपीन्जेत्पल मुब। तलेपङ्सम् धर्म छ्येःरी, “दोङ्बोरी च्योलाबलमा जम्मनो केम्लङ् फोःबल तब” बी ब्रीबल मुब।
थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब।
होत्तज्यीम् थेङ्एनो जम्मनो तम्री ङ्य्हङ्मा थेङ्की अले-अङमा र्हङ्बनो तपीन्थोःजेत्ज्यी, ओसेम् म्हीमाकी पाप क्षमा स्य्हेङ्बे लागीरी र्हङ्चे र्हङ्त ठाकी रुप्री सोप्तीपीन्जेत्ज्यी, ओसेम् पर्मेस्वर्की सेवारी थेङ् कृपालुतेङ् बीस्वासीलो गोदोब्न्हङ्की ङ्य्हच्छ्यङ् लम्बु तजेत्ज्यी।
बीस्वास्योग्य साक्षी ओसेम् स्यीब ग्यम्से सोबलमान्हङ्री जम्मन्हङ्री ङोन्ग्यम् सोजेत्पल, ओसेम् जम्बुलीङ्की ग्यल्बोमाकी ग्यल्बो येसु ख्रीस्ट् ग्यम्से एङ्यीमात अनुग्रहतेङ् सान्ती। येसु ख्रीस्ट्चे ङ्य्हङ्मात म्होइजेत्प ओसेम् र्हङ्की काचे ङ्य्हङ्मात ङ्य्हङ्माकी पाप्मा ग्यम्से फेःपीन्जेत्पल मुब।
हुजु लीप्चे ङचे ठीइ रेइरी थुमा गीः रप्जेत्टीबल म्रङ्ज्यी, हुजु ठीतेङ् थुमाकी कोरोरो सोम्बो सेम्ज्येन्मा ब्ली मुबल, ओसेम् थेङ्यीमा जम्मइ कोरोरो खल् गीः स्यी ब्ली एल्डर्मा मुबल। हुजु थुमामी ङोन्ग्यम् सेत्ज्यीम् सोबल र्हङ्ब म्रङ्ब मुबल। थेङ्ल रुमा ङ्यीस्तेङ् फेन्मा ङ्यीस् मुबल, हुजुमामी जम्बुलीङ्की जम्मनो ग्लामारी पीत्जेत्पे पर्मेस्वर्की आत्मामा ङ्यीस् य्हीन्ब।
हुजु गुइज्यीम् थेन्बे डीइ छ्येः थेङ्चे कीन्जेत्प साच्चेनो हुजु सोम्बो सेम्ज्येन् ब्लीतेङ् खल् गीः स्यी ब्ली एल्डर्माचे थुमाकी ङोन्री पुइ जुःज्यीम् फ्या लज्यी। थेङ्यीमा जम्मइ यारीनो बीनातेङ् ङोर् थङ् खबे सङ्स्युचे प्लीङ्बे म्हर्की खोरेमा मुबल। हुजु ङोर् थङ् खबे सङ्स्युमी पर्मेस्वर्की म्हीमाकी प्रार्थना य्हीन्ब।
ကြော်ငြာတွေ