युहन्‍ना 1:27 - पश्‍चिम तामाङ

²⁷ ङइ लीप्‍चे ब्‍योन्‍खस्‍येल थेङ्‍नो य्‍हीन्‍ब, ओसेम् ङ थेङ्‌की पनेइ तन फ्रेन्‍बरीएनो जेःबल अरे।”

युहन्‍ना 1:27 ပူးပေါင်းရင်းမြစ်များ

मत्‍ती 3:11

“ङचेम् एङ्‍यीमाचे पस्‍चताप स्‍य्‍हेङ्‌बल ङोन्‍बे लागीरी यीचे बप्‍तीस्‍मा पीन्‍ब। तर ङ बीम ङ्‍हच्‍छ्‍यङ् गीः ब्‍योन्‍खय्‍हम्‍बल मुब, ङम् थेङ्‌की पनेइ नाबरीएनो जेबल अरे। थेङ्‌चे एङ्‌यीमात पबीत्र आत्‍मातेङ् मेग्‍यम्‍से बप्‍तीस्‍मा न्‍हङ्‌स्‍ये मुब।

मर्‌कुस् 1:7

युहन्‍नाचे चोले प्रचार स्‍य्‍हेङ्‌ज्‍यी, “ङइ लीप्‍चे ङ बीम ङ्‍हच्‍छ्‌यङ् गी ब्‍योन्‍खटीब मुब। ङ थेङ्‌की पनेइ तन फ्रेन्‍बरीएनो जेःबल अरे।

लुका 3:16

ओसेम् युहन्‍नाचे थेङ्‌यीमात पङ्‌ज्‍यी, “ङचेम् एङ्‌यीमात कीचे बप्‍तीस्‍मा पीन्‍ब। ङ बीम ङ्‌हच्‍छ्‌यङ् गीः ब्‍योन्‍खटीब। ङ थेङ्‌की पनेइ तन फ्रेन्‍बरीएनो ज्‍योबल अरे। थेङ्‍चेम् एङ्‌यीमात पबीत्र आत्‍मातेङ् मेचे बप्‍तीस्‍मा न्‍हङ्‌जेत्स्‍ये मुब।

युहन्‍ना 1:15

युहन्‍नाचे थेङ्‌की बारेरी स्‍येत्‍ज्‍यी, ओसेम् क्रीङ्‌ज्‍यीम् पङ्‍ज्‍यी, “थेङ्‍नो हुजु म्‍ही य्‍हीन्‍ब, ङचे थेङ्‌की बारेरी चोले पङ्‍बल मुबल, ‘ङइ लीप्‍चे ब्‍योन्‍खस्‍येकी थेङ् ङ बीमम् ङ्‍हच्‍छ्‍यङ् मुब, तलेपङ्‍सम् थेङ् ङ न्‍हब बीम ङोन्‍ग्‍यम् य्‍हङ्‌सेनो मुबल।’”

युहन्‍ना 1:30

थेङ्‌की बारेरी ङचे पङ्‍बल मुबल, ‘ङ बीमम् लीक्‍यम् गीः ब्‍योन्‍खस्‍ये मुब, थेङ् ङ बीमम् य्‍हक्‍को ङ्‍हच्‍छ्‍यङ् मुब, तलेपङ्‍सम् थेङ् ङ न्‍हब बीम ङोन्‍ग्‍यम् य्‍हङ्‌सेनो मुबल।’

युहन्‍ना 10:41

ओसेम् य्‍हक्‍को म्‍हीमा थेङ्‌ज खज्‍यीम् थेङ्‍यीमान्‍हङ् चोले पङ्‍ज्‍यी, “युहन्‍नाचेम् तएनो अचम्‍मइ लक् अस्‍य्‍हेङ्, तर युहन्‍नाचे येसुइ बारेरी पङ्‍बे जम्‍मनो तम्‍मा देमेन् तज्‍यी।”

प्रेरीत् 13:25

युहन्‍नाचे र्‌हङ्‌की लक् ज्‍यीन्‍ब म्‍हइबे बेलोरी चोले पङ्‍ज्‍यी, ‘एङ्‍यीमाचे ङत खल य्‍हीन्‍ब म्‍हेन्‍ब? एङ्‍यीमाचे ब्रेन्‍ज्‍यीम् टीबे म्‍ही ङ अय्‍हीन्, तर थेङ् ङ बीम् लीप्‍चे ब्‍योन्‍खटीब मुब। ओसेम् ङ थेङ्‌की पनेइ तन प्‍लोक्‍परीएनो जेःबल अरे।’

प्रेरीत् 19:4

ओसेम् पावलचे पङ्‍ज्‍यी, “युहन्‍नाचे पीन्‍बे बप्‍तीस्‍मा पाप ग्‍यम्‍से पस्‍चताप स्‍य्‍हेङ्‌बे लागीरी य्‍हीन्‍ब। युहन्‍नाचे, ‘ङ बीम लीक्‍यम् ब्‍योन्‍खस्‍येकी म्‍हीत बीस्‍वास् स्‍य्‍हेङो’ बी म्‍हीमात पङ्‍ज्‍यी। हुजु म्‍ही येसुनो मुबल।”