युहन्ना 1:14 - पश्चिम तामाङ14 फ्रोइ म्ही तजेत्ज्यीम् ङ्य्हङ्माकी गुङ्री स्य्हुजेत्ज्यी। थेङ् अनुग्रहतेङ् देमेन्चे प्लीङ्जेत्पल मुबल। ङ्य्हङ्माचे थेङ्की महीमा म्रङ्ज्यी। हुजु महीमा अप ग्यम्से गीकीनो मुबे जत युबल मुबल। အခန်းကိုကြည့်ပါ။ |
युहन्ना 1:14
60 ပူးပေါင်းရင်းမြစ်များ
ओसेम् पीलातसचे येसुत, “होले पङ्सम् ए ग्यल्बोनो य्हीन्बो स्यीम्?” बी ङ्योत्ज्यी। येसुचे सुङ्ज्यी, “ङ ग्यल्बो य्हीन्ब बी थेङ्चेनो सुङ्ज्यी। ङ चुइ लागीरी न्हबल मुबल ओसेम् जम्बुलीङ्री देमेन्की बारेरी स्येत्परी खबल य्हीन्ब। देमेन्त सेम्री ङ्यीबलमा जम्मचेनो ङइ तम् ङ्येन्ब।”
म्हीइ पाप स्वभाब्चे लज्यीम् मोसाचे ब्रीबे नीयम्चे म्हीमात पाप् ग्यम्से फेःपीन्ब अखम्बे लक् पर्मेस्वर्चे स्य्हेङ्जेत्ज्यी। पर्मेस्वर्चे र्हङ्की जत पापी स्वभाब् मुबे म्हील र्हङ्बे ल्हीःरी पीत्युजेत्ज्यी। ओसेम् म्हीइ पाप्की लागीरी थेङ्त सजाय न्हङ्जेत्ज्यी, ओसेम् थेङ्की ल्हीः ग्यम्से पाप्की सक्तीत नास् स्य्हेङ्जेत्ज्यी।
ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी।
थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब।
ठी ग्यम्से ङ्हच्छ्यङ् केत्री चोले पङ्बल ङचे थेःज्यी, “च्यागो! देरेम् पर्मेस्वर् म्हीमातेङ् स्य्हुजेत्प। पर्मेस्वर् थेङ्यीमातेङ् स्य्हुजेत्स्ये मुब, ओसेम् थेङ्यीमा पर्मेस्वर्की म्हीमा तस्ये मुब। ओसेम् पर्मेस्वर् र्हङ्नो थेङ्यीमातेङ् तजेत्ज्यीम् थेङ् थेङ्यीमाकी पर्मेस्वर् तजेत्स्ये मुब।
ကြော်ငြာတွေ