याकुब 5:8 - पश्‍चिम तामाङ

⁸ होलेनो एङ्‌यीमाएनो धैर्‌य लज्‍यीम् टीउ, ओसेम् प्रभुरी भरोसा कोङनले थेनो, तलेपङ्‌सम् प्रभु ब्‍योन्‍युबे दीन् ज्‍यदङ् खटीबल मुब।

याकुब 5:8 ပူးပေါင်းရင်းမြစ်များ

लुका 21:19

खतेबे दुख खलेएनो ना:ज्‍यीम् टीज्‍यी पङ्‌सम् एङ्‍यीमाचे खेमेएनो अबेबे जीवन् यङ्‌स्‍ये मुब।”

युहन्‍ना 21:22

येसुचे पत्रुसत सुङ्‌ज्‍यी, “ङ अयु गदेसम्‍म थे सोटीखइ पङ्‍बे सेम् ङल मुलेएनो एत ता तोज्‍यी स्‍यीम्? एमी ङइ लीप्‍चे ब्रउ।”

रोमी 8:25

तर ङ्‍य्‍हङ्‍माचे देरेसम्‍म अम्रङ्‍बे स्‍हेःकी आसा थेन्‍ज्‍यी पङ्‌सम् ङ्‍य्‍हङ्‍माचे हुजुइ लागीरी धैर्‌यले ब्रेन्‍ब।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

फीलीप्‍पी 4:5

एङ्‍यीमाचे जम्‍मतेङ्‍नो स्‍य्‍हेङ्‌बे ज्‍यबे ब्‍यबहार् जम्‍मनो म्‍हीमाचे स्‍येःखइ। प्रभु ग्‍योनेनो ब्‍योन्‍खजेत्‍स्‍ये मुब।

१ थेस्‍लोनीकी 1:10

ओसेम् थेङ्‍यीमाचे चोलेएनो पङ्‍ब, एङ्‍यीमा पर्‌मेस्‍वर्‌चे स्‍यीब ग्‍यम्‍से सोनलजेत्‍पे थेङ्‌की ज येसु स्‍वर्‌ग ग्‍यम्‍से दोःज्‍यीम् ब्‍योन्‍युब पङ्‍ज्‍यीम् ब्रेन्‍टीब। ओसेम् खस्‍येकी सजाय ग्‍यम्‍से ङ्‍य्‍हङ्‍त येसुचेनो थर्‌न लजेत्‍प।

१ थेस्‍लोनीकी 2:19

ङ्‌य्‍हङ्‌माकी प्रभु येसु दोःज्‍यीम् ब्‍योन्‍युजेत्‍पे बेलोरी थेङ्‌की ङ्‍होन्‍सङ् ङ्‍यीमाकी आस्तेङ् तङ्‍ब ओसेम् स्‍य्‍हेस यङ्‌बे मुकुट् एङ्‍यीमानो य्‍हीन्‍ब।

१ थेस्‍लोनीकी 3:13

ओसेम् प्रभु येसुचे एङ्‌यीमात होले एङ्‍यीमान्‍हङ् म्‍होइन लजेत्‍ज्‍यीम् ङ्‍य्‍हङ्‍की प्रभु येसु र्‌हङ्‌की पबीत्र म्‍हीमातेङ् ब्‍योन्‍युबे बेलोरी ङ्‍य्‍हङ्‍की पर्‌मेस्‍वर् अपइ ङोन्‍ग्‍यम् तइ दोस्‍एनो अतबरी ओसेम् पबीत्र तनलबरी एङ्‌यीमाकी सेम्‍त कोङ्‍न लजेत्‍खइ।

२ थेस्‍लोनीकी 3:5

पर्‌मेस्‍वर्‌चे एङ्‌यीमात स्‍य्‍हेङ्‍जेत्‍पे म्‍होइबत गोबरी प्रभुचेनो एङ्‍यीत र्‌हो स्‍य्‍हेङ्‌जेत्‍खइ, ओसेम् एङ्‌यीमात ख्रीस्‍ट्‍चे नाप खम्‍बे सक्‍ती न्‍हङ्‍खइ पङ्‍ज्‍यीम् ङ्‌यीमाचे प्रार्‌थना स्‍य्‍हेङ्‌ब।

याकुब 5:3

एङ्‌यीमाकी म्‍हर् म्‍हुइमा चे:चे चबल मुब। हुजु चे:नो एङ्‌यीमाकी बीरुद्‍दरी साक्षी तस्‍ये मुब ओसेम् हुजु चेःचे मेचे र्‌हङ्‌ले एङ्‌यीमाइ ल्‍हीः क्रोस्‍ये मुब। एङ्‍यीमाचे र्‌हुब् लबे चु स्‍हेःमानो न्‍यायकी दीन्‍री एङ्‌यीमाकी बीरुद्‍दरी साक्षी तस्‍ये मुब।

याकुब 5:9

ङइ बीस्‍वासी र्‌होमा, एङ्‍यीमा गी:चे गी:की बीरुद्‍दरी थम्‍हुरुको, होलेलसम् एङ्‍यीमात प्रभुचे न्‍याय स्‍य्‍हेङ्‍जेत्‍स्‍ये मुब। च्‍याको, न्‍याय स्‍य्‍हेङ्‍जेत्‍स्‍येकी प्रभु म्रङ्‍खजेत्‍परी टोप तबल मुब।

१ पत्रुस 4:7

जम्‍बुलीङ्‌की जम्‍मनो स्‍हेमा बेबे बेलो ज्‍यतङ् खबल मुब। होलेतज्‍यीम् एङ्‍यीमा प्रार्‌थनाकी लागीरी सेम् दुल्‍ज्‍यीम् चोङ्‍ले टीउ।

प्रकास 22:20

चु तम्‍की गवाही न्‍हङ्‍बलचे सुङ्‍जेत्‍प, “देमेन्‍नो, ङ ग्‍योने युटीब।” आमेन्। ब्‍योन्युजेतो, ओ प्रभु येसु!