याकुब 5:6 - पश्‍चिम तामाङ

⁶ एङ्‍यीमाचे र्‌हङ्‍त बीरोद् अलबे म्‍हीमात दोस् ल्‍हइदीज्‍यीम् सेत्‍पल मुब।

याकुब 5:6 ပူးပေါင်းရင်းမြစ်များ

मत्‍ती 21:38

तर पीमा स्‍य्‍हेङ्‌बे म्‍हीमाचे न्‍याबोइ जत म्रङ्‌ब बीसेम् थेमान्‍हङ् गीचे गीत पङ्‍ज्‍यी, ‘क्‍युजुम् न्‍याबोइ ज य्‍हीन्‍ब, लो थेत सेत्‍लागे, ओसेम् थेइ सम्‍पती ङ्‌य्‍हङ्‌माल तस्‍ये मुब।’

मत्‍ती 27:20

तर ङ्‍हच्‍छ्‍यङ् लम्‍बुमातेङ् एल्‍डरमाचे म्‍हीमात फुलीइतीज्‍यी, ओसेम् बारब्‍बत पीत्‍लाज्‍यीम् येसुत सेत्‍पुङ्‌ज्‍यी।

मत्‍ती 5:39

तर ङ एङ्‌यीमात पङ्‍ब, दुस्‍ट म्‍हीइ बीरोद् थस्‍येङो। खल्‍चे पङ्‌लेनो एइ केत्‍पट्‍टी ग्रम्‍बरी पातल्‍चे ग्‍यङ्‌ज्‍यी पङ्‌सम् थेत एइ गीःब ग्रम्‍बएनो तापीनो।

प्रेरीत् 22:14

हुजु लीप्‍चे थेचे ङत पङ्‍ज्‍यी, ‘एचे ङ्‍य्‍हङ्‍की म्‍हेमेकी पर्‌मेस्‍वर्‌की थुः स्‍येःब खम्‍खइ, ओसेम् हुजु धर्‌मी म्‍हीत म्रङबरीतेङ् थेङ्‌की स्‍य्‍हल् ग्‍यम्‍से सुङ्‍बे फ्रोइत ङ्‌येन्‍बरी थेङ्‌चे एत दम्‍जेत्‍पल मुब।

प्रेरीत् 7:52

एङ्‌यीमाइ म्‍हेमेमाचे अगम्‍बक्‍तमा जम्‍मतनो दुख पीन्‍बल मुबल। ओसेम् पर्‌मेस्‍वर्‌की फ्रोइकीनो ङ्‌येन्‍ज्‍यीम् ब्रबे म्‍ही ब्‍योन्‍युस्‍ये मुब पङ्‍बे तम् स्‍येत्‍पलमात थेङ्‍यीमाचे सेत्‍लाज्‍यी। ओसेम् देरे एङ्‍यीमाचेम् थेङ्‌त म्‍हीमाइ यारी सोप्‍तीपीन्‍ज्‍यीम् सेत्‍ज्‍यी।

प्रेरीत् 8:32

थेचे खेत्‍टीबे धर्‌मइ छ्‍येःरी चोले ब्रीबल मुबल- “थेङ् सेत्‍परी बोर्‌बे ग्‍यु र्‌हङ्‍ब मुबल, ओसेम् थेङ् पेइ ब्रबतेङ् कुटीले टीबे ग्‍यु र्‌हङ्‌ले तएनो असुङ्‍नले कुटीले स्‍य्‍हुज्‍यी।

हीब्रु 10:38

“ङइ धर्‌मी म्‍हीम् बीस्‍वास् ग्‍यम्‍से सोस्‍ये मुब, तर खल पङ्‌लेनो ङत पीत्‍ज्‍यीम् य्‍हर्‌ज्‍यी पङ्‌सम्, ङ थेतेङ् तङ्‍स्‍ये अरे।”

याकुब 2:6

तर एङ्‍यीमाचेम् प्रङ्‌नमात स्‍य्‍हेस अस्‍य्‍हेङ्। एङ्‌यीमात दुख पीन्‍ज्‍यीम् न्‍याय स्‍य्‍हेङ्‌बे म्‍हीमाज बरु म्‍हीमाचे बोर्‌बल अय्‍हीनो स्‍यीम्?

याकुब 4:2

एङ्‍यीमाचे स्‍हे: यङ्‍बे सेम् लब तर एङ्‍यीमाचे अय्‍हङ्, होत्‍तज्‍यीम् र्‌होत सेत्‍प। र्‌होकी स्‍हे:त स्‍हेर्‌ब तर एचे हुजु यङ्‍ब अखम्, होत्‍तज्‍यीम् र्‌होतेङ् छेत्‍प ओसेम् बङ्‍ब। एचे ता यङ्‍बे सेम् लज्‍यी हुजु अय्‍हङ् तलेपङ्‍सम् एचे पर्‌मेस्‍वर्‌तेङ् अर्‌हीत्।

१ पत्रुस 4:18

धर्‌म छ्‍येरी चोले ब्रीबल मुब, “धर्‌मी म्‍हीत थर्‌बरी गारो तब पङ्‌सम् पर्‌मेस्‍वर्‌त अङ्‍येन्‍बे पापीमालमी झेन् गदे गारो तल?”