याकुब 5:3 - पश्‍चिम तामाङ

³ एङ्‌यीमाकी म्‍हर् म्‍हुइमा चे:चे चबल मुब। हुजु चे:नो एङ्‌यीमाकी बीरुद्‍दरी साक्षी तस्‍ये मुब ओसेम् हुजु चेःचे मेचे र्‌हङ्‌ले एङ्‌यीमाइ ल्‍हीः क्रोस्‍ये मुब। एङ्‍यीमाचे र्‌हुब् लबे चु स्‍हेःमानो न्‍यायकी दीन्‍री एङ्‌यीमाकी बीरुद्‍दरी साक्षी तस्‍ये मुब।

याकुब 5:3 ပူးပေါင်းရင်းမြစ်များ

प्रेरीत् 2:17

पर्‌मेस्‍वर्‌चे सुङ्‍जेत्‍प, ‘ज्‍युकी दीन्‍मारी ङ ङइ आत्‍मा जम्‍म म्‍हीमाइ जोरी पीत्‍युस्‍ये मुब, ओसेम् एङ्‌यीमाकी ज-जमेमाचे अगम्बानी पङ्‌स्‍ये मुब एङ्‌यीमाकी ठीटमाचे दर्‌सन म्रङ्‌स्‍ये मुब, ओसेम् एङ्‌यीमाकी म्‍हेमेमाचे म्‍हङ्‌मा म्रङ्‌स्‍ये मुब।

रोमी 2:5

तर एङ्‌यीमाकी सेम् कोङ्‍बल ओसेम् पस्‍चताप् अस्‍य्‍हेङ्‌बल तज्‍यीम् एङ्‌यीमाचे पर्‌मेस्‍वर्‌की बोमोइ दीन्‍री य्‍हक्‍को ङ्‍हच्‍छ्‍यङ् सजाय यङ्‍स्‍ये मुब। हुजु बेलोरी पर्‌मेस्‍वर्‌चे जम्‍मनो म्‍हीमाकी न्‍याय ठीक्-ठीक्‍ले स्‍य्‍हेङ्‍जेत्‍स्‍ये मुब।

२ तीमोथी 2:17

होतेबे तम्‍मामी क्रम्‍ज्‍यीम् जेब्‍ब तबोर्‌बे म्‍हग र्‌हङ्‍ब तब। हुमेनीयसतेङ् फीलेतस पङ्‍बे म्‍ही ङ्‍य्‍हीचे लोप्‍पे तमएनो होतेब य्‍हीन्‍ब।

२ पत्रुस 3:3

ओसेम् गोदोब्‍न्‍हङ् ङोन्‍ग्‍यम् एङ्‍यीमाचे चु तम् गोथोब, ज्‍युकी दीन्‍मारी र्‌हङ्‍की अज्‍यबे सेम्‍चे म्‍हेन्‍ब र्‌हङ्‌ले ब्रबे म्‍हीमा डोङ्‍स्‍ये मुब। ओसेम् थेङ्‍यीमाचे एङ्‍यीमात ङो:ज्‍यीम्,

प्रकास 17:16

एचे म्रङ्‌बे हुजु रु ङ्‍यीस्‍तेङ् दुस्‍ट सेम्‍ज्‍येन्‍चे हुजु बेस्‍या अमकोलत अखोस्‍ये मुब। ओसेम् थेङ्‍यीमाचे थेतेङ् मुबे जम्‍मनो स्‍हेःमा ब्‍येन्‍ज्‍यीम् थेत क्‍लीङ्‍दो स्‍य्‍हेङ्‍स्‍ये मुब। थेङ्‌यीमाचे थेइ स्‍य चस्‍ये मुब, ओसेम् थेङ्‍यीमाचे अचपलतमी मेरी ख्रङ्‍लास्‍ये मुब।

प्रकास 20:15

ओसेम् खजु म्‍हीमाकी मीन् जीवन्‍की छ्‍येःन्‍हङ् ब्रीबल अयङ् थेङ्‌यीमात हुजु लुम्‍टीबे मेइ ग्‍येन्‍हङ् ख्‍लापीत्‍ज्‍यी।

प्रकास 21:8

तर लोङ्‍बलमा, बीस्‍वास् अलबलमा, नेइबे लक् स्‍य्‍हेङ्‌बलमा, म्‍ही सेत्‍पलमा, बेस्‍य स्‍य्‍हेङ्‌बलमा, जादु ङोन्‍बलमा, ख्‍लत तेन्‍बलमातेङ् भ्‍यु पङ्‍बलमाकी ग्‍लामी लुम्‍टीबे मेतेङ् गन्‍धक्‍की ग्‍ये य्‍हीन्‍ब। हुजुरी दोःबमी दोस्रो स्‍यीब य्‍हीन्‍ब।”