याकुब 4:8 - पश्‍चिम तामाङ

⁸ एङ्‍यीमा पर्‌मेस्‍वर्‌की रेइरी खोउ, थेङ् एङ्‌यीमाकी रेइरी ब्‍योन्‍खस्‍ये मुब। एङ्‌यी पापीमा अज्‍यबे लक्‍मा स्‍य्‍हेङ्‌ब पीतो! ओसेम् एङ्‌यी सेम् ङ्‌ही थोःबे म्‍हीमा चोखो तम्‍कीनो म्‍हेनो!

याकुब 4:8 ပူးပေါင်းရင်းမြစ်များ

मत्‍ती 12:33

“ज्‍यबे दोङ्‌बोरी ज्‍यबे रोःरो रोःब, ओसेम् अज्‍यबे दोङ्‌बोरी अज्‍यबे रोःरो रोःब। तलेपङ्‍सम् दोङ्‍बो खतेब बी रोःरो ग्‍यम्सेनो स्‍येःब।

मत्‍ती 15:2

“थेङ्‌की डबमाचे अप-म्‍हेमे य्‍हङ्‌से म्‍हन्‍दीज्‍यीम् खबे पेठीम्‍मा तले अम्‍हान्‍दीबल? तलेपङ्‍म् थेङ्‍यीमाचे चब चब बीम ङोन्‍ग्‍यम् या अख्रु।”

मत्‍ती 27:24

देरेम् पीलातसचे र्‌हङ्‌चे तएनो स्‍य्‍हेङ्‍ अखम्‍बल म्रङ्‍ज्‍यी, ओसेम् खइल बइल तल म्‍हेन्‍ज्‍यीम् जम्‍मनो म्‍हीमाइ ङ्‍होन्‍सङ् र्‌हङ्‌की या ख्रुज्‍यीम्, “चु म्‍हीइ काइ दोस् ङत अटखइ एङ्‍यीमातनो टखइ” पङ्‍ज्‍यी।

प्रेरीत् 15:9

“पर्‌मेस्‍वर्‌चे यहुदीमातेङ् यहुदी अय्‍हीन्‍बे म्‍हीमाकी गुङ्‍री सो-सो स्‍य्‍हेङ्‍अजेत्। तर थेङ्‍यीमाचे स्‍य्‍हेङ्‌बे बीस्‍वास् ग्‍यम्सेनो थेङ्‌यीमाकी सेम्‍त चोखो स्‍य्‍हेङ्‌ज्‍यी।

२ कोरीन्‍थी 7:1

होत्‍तज्‍यीम् म्‍होइबे र्‌होमा, पर्‌मेस्‍वर्‌चे ङ्‍य्‍हङ्‍मातेङ् चोतेबे बाचामा स्‍य्‍हेङ्‌जेत्‍पल तज्‍यीम् ल्‍हीःतेङ् आत्‍मात असुद्‍द तनलबे जम्‍मा तम्‍मा ग्‍यम्‍से ङ्‍य्‍हङ्‍मा थारीङ्‍नो टीथोब, ओसेम् पर्‌मेस्‍वर्‌तेङ् लोङ्‍ज्‍यीम् पुरा पबीत्र म्‍ही तथोब।

१ तीमोथी 2:8

अपकोलमा थुन्‍ज्‍यीम् ओसेम् बोमो अलनले जम्‍मनो ग्‍लामारी पबीत्र या रेःज्‍यीम् प्रार्‌थना स्‍य्‍हेङ्‌खइ पङ्‍बे सेम् ङल मुब।

हीब्रु 10:22

ङ्‍य्‍हङ्‍माकी अज्‍यबे बीबेक्‍मात ख्रीस्‍ट्‍की का फ्रोक्‍ज्‍यीम् चोखो स्‍य्‍हेङ्‍बल मुब, ओसेम् ङ्‍य्‍हङ्‍माकी ल्‍हीःत सुद्‍द यीचे ख्रुबल मुब। होत्‍तज्‍यीम् ङ्‍य्‍हङ्‍मा ज्‍यबे सेम् थोज्‍यीम ओसेम् थेङ्‍री पुरा बीस्‍वास् लज्‍यीम् ङ्‍य्‍हङ्‍मा पर्‌मेस्‍वर्‌ज ङ्‍यीइ।

हीब्रु 7:19

तलेपङ्‍सम् मोसाचे ब्रीबे नीयम्‍चे तेएनो सीद्‍द तनलब अखम्‍बल मुबल। तर देरेम् हुजु बीम झेन् ज्‍यबे आस् ङ्‍य्‍हङ्‍मात न्‍हङ्‌जेत्‍पल मुब, हुजुचे ङ्‍य्‍हङ्‍मात पर्‌मेस्‍वर्‌की ज्‍यदङ् बोर्‌ब।

याकुब 1:8

होतेबे म्‍हीचेम् सेम् ङ्‍य्‍ही थोःब ओसेम् थे जम्‍मनो तम्‍मारी स्‍थीर् अत।

याकुब 3:17

तर पर्‌मेस्‍वर् ग्‍यम्‍से यङ्‍बे बुद्‍दी ङोन्‍नो सुद्‍द तब, सान्‍तीरी टीब, र्‌होकी तम्‍तेङ् डीःब ओसेम् थुन्‍ज्‍यीम् टीब। चोतेबे बुद्‍दी दयचे प्‍लीङ्‍बल तब ओसेम् ज्‍यबे लक्‍मा स्‍य्‍हेङ्‌ब, बेख्‍लेतेङ् कपटी अत

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 3:21

हुजु यीचे बप्‍तीस्‍माकी सङ्‍केत् स्‍य्‍हेङ्‌ब, हुजुचे देरेम् एङ्‍यीमात थर्‌नलब। चु ल्‍हीइ ख्रीती ख्रुप र्‌हङ्‍ब अय्‍हीन्, तर चोखो बीबेक्‍चे पर्‌मेस्‍वर्‌तेङ् स्‍य्‍हेङ्‌बे बाचा य्‍हीन्‍ब। येसु ख्रीस्‍ट् स्‍यीजेत्‍ज्‍यीम् सोजेत्‍पल ग्‍यम्‍से एङ्‍यीमा थर्‌ब।

१ युहन्‍ना 3:3

ओसेम् ख्रीस्‍ट्‍री चोतेबे आस् थेन्‍बलमा जम्‍मचे ख्रीस्‍ट् चोखो तब र्‌हङ्‌लेनो र्‌हङ्‍त चोखो थेन्‍स्‍ये मुब।