याकुब 3:6 - पश्चिम तामाङ6 लेएनो मे र्हङ्ब य्हीन्ब। ङ्य्हङ्की ल्हीरी मुबलमा न्हङ्री ले दुस्टइ जम्बुलीङ् य्हीन्ब। थेचे जम्मनो ल्हीत न्होङ्न लब, ओसेम् न्हब य्हङ्से स्यीबसम्मनो मे द्यबीन्ब, थे र्हङएनो नर्कइ मेरी स्य्होप्प। အခန်းကိုကြည့်ပါ။ |
याकुब 3:6
62 ပူးပေါင်းရင်းမြစ်များ
होत्तज्यीम् ङ हुजुरी खबे बेलोरी एङ्यीमा जम्मतनो थेचे ङ्यीमाकी बीरोद्री स्य्हेङ्बे अज्यबे लक्मा स्येत्पीन्स्ये मुब। होदेकीनो अय्हीन्, थेचे पर्मेस्वर्की लक् स्य्हेङ्ज्यीम् ब्रबे ल्हो-ल्हो बीस्वासीमात स्वागत् अस्य्हेङ्, ओसेम् थेङ्यीमाचे स्वागत् स्य्हेङ्ब म्हइबलमातएनो स्य्हेङ्अपुङ्ज्यीम् मन्डली ग्यम्से तेत्लाब।
दोस्रो दुस्ट सेम्ज्येन्त हुजु पहीलो दुस्ट सेम्ज्येन्की लागीरी लक् स्य्हेङ्बरी अचम्मइ चीनोमा ङोन्पुङ्ज्यी। हुजु चीनोमा ग्यम्सेनो दोस्रो दुस्ट सेम्ज्येन्चे जम्बुलीङ्की म्हीमात लुज्यी। ओसेम् तर्वाल्चे थाज्यीम् स्यीयम्ब गदेनो तज्यीम्एनो सोबे हुजु पहीलो दुस्ट सेम्ज्येन्त स्य्हेस पीन्बरी हुजु पहीलो दुस्ट सेम्ज्येन्की ख्ल स्य्हेङो पङ्ज्यीम् दोस्रो दुस्ट सेम्ज्येन्चे जम्बुलीङ्की म्हीमात हुकुम् पीन्ज्यी।
बत्तीइ य्हल् देरे य्हङ्से हुजुरी खेमेएनो म्रङ्स्ये अरे। ओसेम् छार् म्रीङ् र्हेम्बोइ केत्तएनो हुजुरी खेमेएनो थेःस्ये अरे। तलेपङ्सम् हुजु सहर्री छोङ् स्य्हेङ्बे म्हीमा जम्बुलीङ्की ङ्हच्छ्यङ्-ङ्हच्छ्यङ् म्हीमा मुबल, ओसेम् थेइ जादुमाचे जम्बुलीङ्की जम्मनो म्हीमात छल् स्य्हेङ्ज्यी।
हुजु दुस्ट सेम्ज्येन्तेङ् हुजु भ्युकी अगम्बक्त थेङ्हीतनो चुङ्ज्यी। हुजु भ्युकी अगम्बक्तचे दुस्ट सेम्ज्येन्की लागीरी अचम्मइ लक्मा ङोन्ज्यी। थेचे हुजु लक्मा ग्यम्सेनो हुजु दुस्ट सेम्ज्येन्की छाप् कीन्बलतेङ् हुजुइ ख्लत तेन्बलमात छल् लबल मुबल। हुजु ङ्हीतनो लुम्टीबे मेतेङ् गन्धक्की ग्येन्हङ् सोम्बोनो ख्लापीत्ज्यी।
ကြော်ငြာတွေ