3 एचे हुजु बरु म्हीत स्य्हेस लज्यीम्, “ज्यबे ग्लारी जोरी स्य्हुगो” बी पङ्ब, ओसेम् हुजु प्रङ्नतमी, “ए हुजुरीनो रपो, की हुचुरी सरी टीउ” बी पङ्ब पङ्सम्,
हेरोदतेङ् थेइ सीपाहीमाचे येसुत ङोःज्यीम् पेत्न लज्यी। हुजु लीप्चे येसुत ग्यल्बोचे येन्ब र्हङ्बे येन् येन्पीन्ज्यीम् पीलातस्जनो दोःज्यीम् पीत्ज्यी।
ङ्य्हङ्की प्रभु येसु ख्रीस्ट्चे स्य्हेङ्जेत्पे अनुग्रह एङ्यीमाचे स्येःबलनो मुब। थेङ् बरु मुबल, होलेतलेनो एङ्यीमाकी लागीरी प्रङ्न तजेत्ज्यी। तलेपङ्सम् र्हङ् प्रङ्न तज्यीम् एङ्यीमात बरु तनलबरी थेङ्चे चोले स्य्हेङ्जेत्पल य्हीन्ब।
एङ्यीमा र्हुब तबे ग्लारी यारी म्हर्की च्यप् ओसेम् ज्यब ज्यबे गोइल येन्बे बरु म्ही ओसेम् ल्हो-ल्हो अज्यबे बोक्ट येन् येन्बे प्रङ्न म्हीएनो खबतेङ्,
तर एङ्यीमाचेम् प्रङ्नमात स्य्हेस अस्य्हेङ्। एङ्यीमात दुख पीन्ज्यीम् न्याय स्य्हेङ्बे म्हीमाज बरु म्हीमाचे बोर्बल अय्हीनो स्यीम्?
चु म्हीमा खेमेएनो सन्तोक् अत, खेम पङ्लेनो ल्हो-ल्होइ दोस् ङोन्ब ओसेम् र्हङ्की अज्यबे सेम् अनुसार् ब्रब, र्हङ्चे र्हङ्त घमन्ड लबलमा ओसेम् र्हङकी लक् स्य्हेङ्बे लागीरी ल्हो-ल्होत छ्युगु फोर्ब।