याकुब 2:15 - पश्‍चिम तामाङ

¹⁵ बीस्‍वासी अपकोल वुइ अमकोल खलइल पङ्‌लेनो डोनले येन्‍बे गोइल ओसेम् दीनइलनो योःबे चब अरेसम्,

याकुब 2:15 ပူးပေါင်းရင်းမြစ်များ

मर्‌कुस् 14:7

प्रङ्‍नमाम् खेम पङ्‍लेएनो एङ्‌यीमातेङ् तब। ओसेम् एङ्‍यीमाचे थेङ्‌यीमात खेम पङ्‍लेएनो र्‌हो लब खम्‍ब। तर ङमी एङ्‌यीमातेङ् खेम पङ्‍लेएनो अत।

लुका 3:11

युहन्‍नाचे थेमात पङ्‌ज्‍यी, “गोइ्‌ल ङ्‌य्‍ही मुबे म्‍हीचे अरेबे म्‍हीत गीः पीनो। ओसेम् चबे स्‍हे मुबे म्‍हीचे अरेबे म्‍हीत जुज्‍यीम् पीनो।”

प्रेरीत् 9:29

थेचे ग्रीक् ग्‍योत् पङ्‍बे यहुदीमातेङ्‍एनो तम् ज्‍योप्‍ज्‍यी। तर थेङ्‍यीमाचे साऊलत सेत्‍प म्‍हइज्‍यी।

हीब्रु 11:37

थेङ्‍यीमा डेत्‍डेत्‍तमी युङ्‌बचे प्रुङ्‌ज्‍यीम् सेत्‍ज्‍यी, करउतीचे ग्रेत्‍ज्‍यी ओसेम् तरवार्‌चे थाज्‍यी। थेङ्‍यीमा प्रङ्‍न तज्‍यीम् ग्‍युतेङ् रइ डीमा येन्‍ज्‍यी, ओसेम् म्‍हीमाचे पीन्‍बे दुखमातेङ् अज्‍यबे ब्‍यबहार्‌मा नाज्‍यीम् ब्रथोज्‍यी।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?

१ युहन्‍ना 3:17

जम्‍बुलीङ्‌री सोबरी तोःबे स्‍हेःमा मुबलचे र्‌हङ्‍की बीस्‍वासी र्‌होमात हुजु स्‍हेः तोबल म्रङ्‍ज्‍यीमएनो सेम् कोङ्‍ज्‍यीम् अपीन्‍ज्‍यी पङ्‌सम् थेमाचे खले पर्‌मेस्‍वर्‌त म्‍होइब?