याकुब 2:12 - पश्‍चिम तामाङ

¹² होत्‍तज्‍यीम् एङ्‍यीमाचे तइ तम् पङ्‌लेनो ओसेम् त स्‍य्‍हेङ्‍लएनो ङ्‍य्‍हङ्‍मात पाप ग्‍यम्‍से फे:पीन्‍बे नीयम अनुसार न्‍याय यङ्‍बलमाल र्‌हङ्‍ब तथोब।

याकुब 2:12 ပူးပေါင်းရင်းမြစ်များ

लुका 4:18

“प्रभुकी आत्‍मा ङतेङ् मुब, तलेपङ्‍सम् प्रङ्‌नमात ज्‍यबे सम्‍तर् स्‍येत्‍परी पर्‌मेस्‍वर्‌चे ङत दम्‍जेत्‍ज्‍यीम् पीत्‍युजेत्‍पल मुब। बन्‍दीरी मुबे म्‍हीमात पीत्‍परी, मीः अम्रङ्‌बमात म्रङ्‌न लबरी, ल्‍हो-ल्‍हो म्‍ही ग्‍यम्‍चे दुख यङ्‌बलमात पीत्‍परी,

युहन्‍ना 8:32

हुजु लीप्‍चे एङ्‍यीमाचे देमेन्‍त स्‍येस्‍ये मुब, ओसेम् देमेन्‍चे एङ्‌यीमात छुटकारा पीन्‍स्‍ये मुब।”

गलाती 6:2

एङ्‍यीमाचे गीःचे गीःकी दुखरी र्‌हो लउ। चोले एङ्‍यीमाचे ख्रीस्‍ट्‍की नीयम् ङ्‍येन्‍स्‍ये मुब।

फीलीप्‍पी 4:8

देरेम् ज्‍युःरी बीस्‍वासी र्‌होमा, खजु तम् देमेन् मुब, खजु तम् स्‍य्‍हेस यङ्‌बल मुब, खजु तम् ठीक् मुब, खजु तम् सुद्‍द मुब, खजु तम् म्‍होइबरी जेःबल मुब, खजु तम् म्‍हीमात सेम्‍री ङ्‌यीबल मुब, ओसेम् खजु तम् य्‍हक्‍को ज्‍यबतेङ् तोप्‍परी जेःबल मुब हुजु तम्‍मारी सेम् पीनो।

कलस्‍सी 3:17

एङ्‌यीमाचे ता पङ्‌लेनो वुइ स्‍य्‍हेङ्‌लेनो जम्‍मनो प्रभु येसुइ छेन्‍री स्‍य्‍हेङो, ओसेम् थेङ् ग्‍यम्सेनो पर्‌मेस्‍वर् अपत व्‍होर्‌छ्‌ये पीनो।

याकुब 1:25

तर एङ्‍यीमाचेम् म्‍हीमात पाप ग्‍यम्‍से फे:पीन्‍बे सीद्‍द नीयम्‍त ज्‍यनले ङ्‌येन्‍ज्‍यीम् एङ्‍यीमाचे थ्‍येःबे हुजु नीयम्‍त म्‍लेत्‍प अय्‍हीन्, तर नीयम अनुसार ब्रसम् पर्‌मेस्‍वर्‌चे एङ्‌यीमात मोलम् न्‍हङ्‌जेत्स्‍ये मुब।

याकुब 2:8

धर्‌म छ्‍ये:री यङ्‍बे, “र्‌हङ्‍की खीम्‍सेत र्‌हङ्‍त र्‌हङ्‌लेनो म्‍होइगो” पङ्‍बे पर्‌मेस्‍वर्‌की य्‍हुल्‍की नीयम्‍त एङ्‍यीमाचे ङ्‍येन्‍ज्‍यी पङ्‌सम् ज्‍यब स्‍य्‍हेङ्‌ब।