याकुब 1:6 - पश्‍चिम तामाङ

⁶ तर र्‌हीत्‍पे म्‍हीचे सङ्‍क अलनले बीस्‍वास् लज्‍यीम् र्‌हीत्‍थोःब। सङ्‍क लबे म्‍हीम् लाबचे य्‍होङ्‍बे समुन्‍द्रइ छाल् र्‌हङ्‍ब य्‍हीन्‍ब।

याकुब 1:6 ပူးပေါင်းရင်းမြစ်များ

मत्‍ती 14:28

ओसेम् पत्रुसचे पङ्‍ज्‍यी, “प्रभु, थेङ्‌नो य्‍हीन्‍ब पङ्‌सम् ङतएनो यी जोसे ब्रज्‍यीम् थेङ्‌ज खोउ बी कुल्‍जेतो।”

प्रेरीत् 10:20

रेःज्‍यीम् दुङ्‌री ङ्‍यीउ। ओसेम् सेम्‍री तेए अम्‍हेन्‍नले थेङ्‍यीमातेङ् बक्‍च्‍य ङ्‍यीउ। तलेपङ्‍सम् थेङ्‍यीमा ङचे पीत्‍खबल य्‍हीन्‍ब।”

एफीसी 4:14

हुजु लीप्‍चे लाबतेङ् छाल्‍चे खन नाबोर्‌ज्‍यी होलेचेनो नाबोर्‌बे ज्‍यीद दोङ्‍ग र्‌हङ्‍बे ज्‍यीद कोलमा र्‌हङ्‌ले ङ्‍य्‍हङ्‍मा भ्‍युकी तम् लोप्‍पे म्‍हीमाकी तम्‍मा ङ्‌येन्‍ज्‍यीम् होलेचेनो य्‍हर्‌स्‍ये अरे। थेङ्‍यीमाचे लोप्‍पे भ्‍यु तम्‍मा ग्‍यम्‍से ल्‍हो-ल्‍होमात अज्‍यबे ग्‍यम्‍री बोर्‌ब म्‍हइब।

१ तीमोथी 2:8

अपकोलमा थुन्‍ज्‍यीम् ओसेम् बोमो अलनले जम्‍मनो ग्‍लामारी पबीत्र या रेःज्‍यीम् प्रार्‌थना स्‍य्‍हेङ्‌खइ पङ्‍बे सेम् ङल मुब।

हीब्रु 10:23

ङ्‍य्‍हङ्‍माचे थेन्‍बे आस्‍री य्‍हङ्‌य्‍होङ् अतनले कोङ्‍ज्‍यीम् टीइ, तलेपङ्‌सम् बाचा स्‍य्‍हेङ्‌जेत्‍पे पर्‌मेस्‍वर् बीस्‍वासीलो मुब।

हीब्रु 11:6

बीस्‍वास् अस्‍य्‍हेङ्‍नले खल्‍चेएनो पर्‌मेस्‍वर्‌त तङ्‍नलब अखम्। तलेपङ्‍सम् पर्‌मेस्‍वर्‌ज खबलमा खल्‍चे पङ्‌लेनो पर्‌मेस्‍वर् मुब ओसेम् थेङ्‍त म्‍हइबलमात थेङ्‍चे बक्सीस् न्‍हङ्‍जेत्‍प पङ्‍ज्‍यीम् बीस्‍वास् स्‍य्‍हेङ्‌नोथोःब।

हीब्रु 13:9

भ्‍य्‍हुकी य्‍हक्‍को थोइ तम्‍मचे एङ्‌यीमात देमेन्‍की तम्‍म ग्‍यम्‍से थारीङ् अबोर्‌खइ। चब थुङ्‌बे नीयम्‍चे अय्‍हीन्, पर्‌मेस्‍वर्‌की अनुग्रह ग्‍यम्‍से एङ्‌यीमाकी सेम्‍त कोङ्‍न लब ज्‍यब य्‍हीन्‍ब। चब थुङ्‌बे नीयम् ङ्‌येन्‍बलमात हुजुचे तएनो फाइदा अस्‍य्‍हेङ्।

याकुब 1:7

होतेबे म्‍हीचे प्रभु ग्‍यम्‍से तएनो यङ्‌ल बी म्‍हेन्‍अथो।

याकुब 5:15

बीस्‍वास् लज्‍यीम् स्‍य्‍हेङ्‌बे प्रार्‌थनचे नबे म्‍ही फेन्‍स्‍ये मुब, ओसेम् प्रभुचे फेन्‍न लजेत्‍स्‍ये मुब। थेचे पाप स्‍य्‍हेङ्‍बल मुसम् क्षमा यङ्‍स्‍ये मुब।

२ पत्रुस 2:17

चोतेबे म्‍हीमामी यी खर्‌बे यी म्रुःमातेङ् लापलुङ्‍चे नाबोर्‌बे मुक्‍प र्‌हङ्‍ब य्‍हीन्‍ब। थेङ्‍यीमाकी लागीरी पर्‌मेस्‍वर्‌चे य्‍हक्‍को म्‍हुन्‍दुङ् ग्‍ला थेन्‍जेत्‍पल मुब।