याकुब 1:12 - पश्‍चिम तामाङ

¹² ओसेम् दुखमा खबे बेलोरी आर्‌ले नाज्‍यीम् टीबे म्‍हीमा पर्‌मेस्‍वर् ग्‍यम्‍से मोलम् यङ्‍बे म्‍हीमा य्‍हीन्‍ब। ओसेम् चोतेबे जाच्‍री डाबतेङ् पर्‌मेस्‍वर्‌चे थेङ्‍त म्‍होइबलमाकी लागीरी न्‍हङ्‍ब पङ्‍ज्‍यीम् बाचा स्‍य्‍हेङ्‍जेत्‍पे जीवन्‍की क्रेःकी थेङ्‍यीमाचे यङ्‍स्‍ये मुब।

याकुब 1:12 ပူးပေါင်းရင်းမြစ်များ

मत्‍ती 10:22

एङ्‍यीमा ङल य्‍हीन्‍बल तज्‍यीम् जम्‍मचेनो अखोस्‍ये मुब। तर लीक्‍यम् सम्‍म बीस्‍वास्‍री कोङ्‍ज्‍यीम् टीबलमा थर्‌स्‍ये मुब।

मत्‍ती 25:34

हुजुलीप्‍चे ग्‍यल्‍बोचे र्‌हङ्‌की केत्‍पट्‍टीचे मुबलमात पङ्‌स्‍ये मुब, ‘ङइ अप ग्‍यम्‍से मोलम् यङ्‍बलमा खोउ! जम्‍बुलीङ् ठुङब य्‍हङ्‌सेनो एङ्‌यीमाकी लागीरी टोप् लज्‍यीम् थेन्‍बे य्‍हुल्‍री यङ्‌बे हक् कीनो।

लुका 6:22

“म्‍हीइ जत बीस्‍वास् स्‍य्‍हेङ्‌बल पङ्‌ज्‍यीम् म्‍हीमाचे एङ्‌यीमात अखोस्‍ये, ख्‍लास्‍ये, ओसेम् खीसइतीस्‍ये मुब। ओसेम् थेङ्‍यीमाचे एङ्‌यीमात अज्‍यब स्‍य्‍हेङ्‌बे म्‍हीमा पङ्‌लेनो पर्‌मेस्‍वर्‌चेमी एङ्‌यीमात मोलम् न्‍हङ्‌स्‍ये मुब।

रोमी 5:4

नाप खम्‍बे बङ्‍चे ङ्‍य्‍हङ्‍माकी चालचलन्‍त ज्‍यब तन लब, ओसेम् ज्‍यबे चालचलन्‍चे ङ्‍य्‍हङ्‍त आसा खन लब।

रोमी 8:28

ओसेम् ङ्‍य्‍हङ्‍माचे स्‍येःब, पर्‌मेस्‍वर्‌त म्‍होइबतेङ् थेङ्‍की थुः टोप् लबरी थेङ्‌चे ङ्‌होत्‍जेत्‍पे जम्‍मनो म्‍हीइ लागीरी जम्‍मनो तम्‍मारी पर्‌मेस्‍वर्‌चे ज्‍यब स्‍य्‍हेङ्‌जेत्‍प।

१ कोरीन्‍थी 2:9

तर धर्‌म छ्‌येःरी चोले ब्रीबल मुब, “खल्‍चेएनो खेमेएनो अम्रङ्‌बलतेङ् खेमेएनो अथ्‍येःबल, ओसेम् सेम्‍री खेमेएनो अम्‍हेन्‍बे चु तम् पर्‌मेस्‍वर्‌चे थेङ्‍त म्‍होइबलमाकी लागीरी टोप् लजेत्‍पल मुब।”

१ कोरीन्‍थी 8:3

तर खजु म्‍हीचे पर्‌मेस्‍वर्‌त म्‍होइब थेत पर्‌मेस्‍वर्‌चे खेम्‍जेत्‍प।

१ कोरीन्‍थी 9:25

छ्‍योङ्‍बरी बो कीन्‍बे म्‍हीमाचे र्‌हङ्‍की ल्‍ही:त ज्‍यनले दुल्‍ब। थेङ्‍यीमाचेम् नास् तज्‍यीम् य्‍हर्‌बे पुरस्‍कार् यङ्‍बरी होले स्‍य्‍हेङ्‍ब, तर ङ्‍य्‍हङ्‍मामी खेमेएनो नास् अतबे पुरस्‍कार् यङ्‍बे लागीरी चोले स्‍य्‍हेङ्‍ब।

२ तीमोथी 2:15

देमेन्‍की फ्रोइत ज्‍यनले लोप्‍पे ओसेम् पेत् अथोबे लक् स्‍य्‍हेङ्‌बे म्‍ही र्‌हङ्‌ले पर्‌मेस्‍वर्‌की ङोन्‍री ग्रहन् तबे लक् स्‍य्‍हेङ्‌ब म्‍हइगो।

२ तीमोथी 4:8

देरेम् पर्‌मेस्‍वर्‌चे ङइ लागीरी धार्‌मीक्‍ताकी क्रेःकी थेन्‍जेत्‍पल मुब। हुजु क्रेःकी ज्‍यनले न्‍याय स्‍य्‍हेङ्‍जेत्‍पे पर्‌मेस्‍वर्‌चे ङत कुःपीन्‍जेत्‍स्‍ये मुब, ओसेम् ङतकीनो अय्‍हीन् तर थेङ् ब्‍योन्‍युस्‍येकी ग्‍यम् च्‍याज्‍यीम् टीबलमा जम्‍मतनो क्रेःकी कुपीन्‍जेत्‍स्‍ये मुब।

हीब्रु 10:32

एङ्‍यीमाचे पर्‌मेस्‍वर्‌की य्‍हल् यङ्‍बे हुजु ङोन्‍ग्‍यम्‍की दीन्‍मात व्‍हल् लउ, होदे बेलोरी एङ्‍यीमाचे य्‍हक्‍को दुखमा नाथोलेएनो एङ्‌यीमा बीस्‍वास्‍री कोङ्‍ज्‍यीम् टीज्‍यी।

हीब्रु 11:17

पर्‌मेस्‍वर्‌चे अब्राहामकी जाच स्‍य्‍हेङ्‍जेत्‍पे बेलोरी बीस्‍वास् ग्‍यम्सेनो अब्राहामचे र्‌हङ्‍की ज इसहाक्‍त ठा पीन्‍बरी टोप् लज्‍यी। पर्‌मेस्‍वर् ग्‍यम्सेनो अब्रहामचे बाचा यङ्‌बल मुबल, तर अब्राहाम र्‌हङ्‍की गीःकीनो जत ठा पीन्‍बरी तयार् तज्‍यी।

हीब्रु 12:5

पर्‌मेस्‍वर्‌चे धर्‌म छ्‌येरी र्‌हङ्‍की जमात र्‌हङ्‌ले चोतेबे आर् पीन्‍बे फ्रोइ सुङ्‌बल ता एङ्‍यीमाचे म्‍लेत्‍ज्‍यी? “ङइ ज, पर्‌मेस्‍वर्‌चे एत दुल्‍जेत्‍पतेङ् एचे हुजुत ज्‍यनले ङ्‌येनो, थेङ्‍चे बराजेत्‍पतेङ् ए नीरास् थतउ,

हीब्रु 6:15

होत्‍तज्‍यीम् अब्राहाम्‍चे धैर्‌य लज्‍यीम् ब्रेन्‍ज्‍यीम् टीज्‍यी, ओसेम् पर्‌मेस्‍वर्‌चे न्‍हङ्‍ब बी स्‍य्‍हेङ्‍जेत्‍पे बाचा थेचे यङ्‌ज्‍यी।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?

याकुब 5:11

एङ्‍यीमाचे स्‍ये:ब दुख यङ्‍बे बेलोरी धैर्‌य लबलमात पर्‌मेस्‍वर्‌चे तङ्‍नलबे म्‍हीमा बी ङ्‌यीमाचे पङ्‍ब। अयुबचे दुख यङ्‍बे बेलोरी धैर्‌य लबल ओसेम् ज्‍यु:री प्रभुचे दय लजेत्‍पल एङ्‍यीमाचे थे:बल मुब। ङ्‍य्‍हङ्‍की प्रभु दयातेङ् क्रीपाचे प्‍लीङ्‍जेत्‍पल मुब।

१ पत्रुस 3:14

तर एङ्‍यीमाचे ज्‍यबे लक् स्‍य्‍हेङ्‌माएनो दुख यङ्‌ज्‍यी पङ्‌सम् एङ्‍यीमात पर्‌मेस्‍वर्‌चे मोलम् न्‍हङ्‌स्‍ये मुब। होत्‍तज्‍यीम् खल्‍तेङेनो थलोङो ओसेम् थछेरो।

१ पत्रुस 4:13

तर ख्रीस्‍ट्‍चे नाजेत्‍पे दुख जुज्‍यीम् एङ्‌यीमाचेएनो नाम्‍यङ्‍बल मुब पङ्‍ज्‍यीम् य्‍हक्‍को तङो। तलेपङ्‍सम् थेङ्‌की ङ्‍हच्‍छ्‍यङ् महीमा म्रङ्‍खबतेङ् एङ्‍यीमा तङ्‍म्‍यङ्‍ल।

१ पत्रुस 4:14

एङ्‍यीमाचे ख्रीस्‍ट्‍त बीस्‍वास् स्‍य्‍हेङ्‍ब पङ्‍ज्‍यीम् म्‍हीमाचे एङ्‌यीमाकी नीन्‍द स्‍य्‍हेङ्‌ब पङ्‌सम् एङ्‍यीमाचे र्‌हङ्‍त पर्‌मेस्‍वर् ग्‍यम्‍से मोलम् यङ्‌बल बी म्‍हेनो। तलेपङ्‍सम् एङ्‍यीमातेङ् पर्‌मेस्‍वर्‌की महीमाकी आत्‍मा स्‍य्‍हुजेत्‍प।

१ पत्रुस 5:10

जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।

१ पत्रुस 5:4

ओसेम् एङ्‍यीमाचे गोदोब्‍न्‍हङ् ङ्‍हच्‍छ्‍यङ् गोर्‌तेन् र्‌हङ्‍बे येसु ख्रीस्‍ट् ब्‍योन्‍युजेत्‍पतेङ् खेमेएनो सर्‌ब अम्‍हबे महीमाकी क्रेःकी यङ्‍स्‍ये मुब।

१ युहन्‍ना 4:19

ङोन्‍ग्‍यम् पर्‌मेस्‍वर्‌चे ङ्‍य्‍हङ्‍त म्‍होइजेत्‍पल तज्‍यीम् ङ्‍य्‍हङ्‍चेएनो म्‍होइब।

प्रकास 2:10

एत खय्‍हम्‍बे दुखमातेङ् थलोङो। एइ बीस्‍वास्‍त जाच्‍तीबरी सैतान्‍चे एङ्‍यीमान्‍हङ्‍री डेत्‍डेत्‍त जेल्‍री युस्‍ये मुब, ओसेम् एङ्‍यीमाचे च्‍यीरेत् सम्‍म दुख नाथोःस्‍ये मुब। ए स्‍यीथोःलेनो ङत बीस्‍वास् स्‍य्‍हेङ्‍ब थपीतो, ओसेम् ङचे एत खेमेएनो अबेबे जीवन्‍की इनाम् पीन्‍स्‍ये मुब।

प्रकास 3:19

खजु म्‍हीत ङचे म्‍होइब, थेत ङ बराब, ओसेम् दुल्‍ब। होत्‍तज्‍यीम् पाप् स्‍य्‍हेङ्‍ब पीत्‍ज्‍यीम् ज्‍यबे लक्‍मा स्‍य्‍हेङ्‌बरी आर् लउ।

प्रकास 3:21

खल्‍चे डाब, थेत ङ ङइ ठीरी ङतेङ् बक्‍च्‍य टीबुङ्‍स्‍ये मुब, खले ङ र्‌हङ्‍चेएनो डाबल तज्‍यीम् ङइ अपतेङ् बक्‍च्‍य थेङ्‍की ठीरी टीबल मुब।