हीब्रु 9:12 - पश्चिम तामाङ12 थेङ्चे बोकमातेङ् ग्लब् य्हरुमाइ का नोम्अजेत्, तर र्हङ्की का नोम्ज्यीम् गोदोब्न्हङ्की पबीत्र ग्लारी खेमपङ्लेनोइ लागीरी तीक्ख्यप्कीनो वङ्जेत्ज्यी, ओसेम् चोले ङ्य्हङ्मात खेम पङ्लेनोइ लागीरी टीबे मुक्ती न्हङ्जेत्ज्यी। အခန်းကိုကြည့်ပါ။ |
हीब्रु 9:12
32 ပူးပေါင်းရင်းမြစ်များ
थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब।
तर ख्रीस्ट्की कारी ङ्य्हङ्मात सुद्द तनलबे झेन् य्हक्को ङ्हच्छ्यङ् सक्ती मुब। खेमपङ्लेनो तस्यीनो टीजेत्पे पर्मेस्वर्की आत्मा ग्यम्से सीद्द ठा रुप्री ख्रीस्ट्चे र्हङ्तनो पर्मेस्वर्त सोप्तीजेत्ज्यी। होले पङ्सम् ङ्य्हङ्माचे सोम्बो पर्मेस्वर्की सेव स्य्हेङ्ब खम्खइ पङ्ज्यीम् ख्रीस्ट्की काचे लक् अतबे पेठीम् ग्यम्से ङ्य्हङ्माकी बीबेक्त झेन् य्हक्को सुद्द तनलब खम्ब।
होत्तज्यीम् पर्मेस्वर्चे बाचा स्य्हेङ्जेत्पे खेम पङ्लेनो तबे मोलम्मा थेङ्चे ङ्होत्जेत्पलमाचे यङ्खइ पङ्ज्यीम् ख्रीस्ट्चे चु छार् करार् नोम्खजेत्पल य्हीन्ब। ङोन्ग्यम्की करार्की बेलोरी म्हीमाचे स्य्हेङ्बे पाप्मा ग्यम्से फेःपीन्जेत्पे लागीरी ख्रीस्ट् स्यीपीन्जेत्पल मुब।
तर पर्दइ ग्यप्की गोदोब्न्हङ्की पबीत्र ग्लारीमी गोदोब्न्हङ्की ङ्हच्छ्यङ् लम्बु बर्सल तीख्यप्कीनो ङ्यीम्यङ्ब मुबल। थेचे का अबोर्नले हुजु गोदोब्न्हङ्की पबीत्र ग्लारी वङ्नोअम्यङ्ब मुबल। थेचे हुजु का र्हङ्चे स्य्हेङ्बे पाप्की लागीरी ओसेम् म्हीमाचे अस्येःन स्य्हेङ्बे पाप्की लागीरी पीन्ब मुबल।
बीस्वास्योग्य साक्षी ओसेम् स्यीब ग्यम्से सोबलमान्हङ्री जम्मन्हङ्री ङोन्ग्यम् सोजेत्पल, ओसेम् जम्बुलीङ्की ग्यल्बोमाकी ग्यल्बो येसु ख्रीस्ट् ग्यम्से एङ्यीमात अनुग्रहतेङ् सान्ती। येसु ख्रीस्ट्चे ङ्य्हङ्मात म्होइजेत्प ओसेम् र्हङ्की काचे ङ्य्हङ्मात ङ्य्हङ्माकी पाप्मा ग्यम्से फेःपीन्जेत्पल मुब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ