हीब्रु 7:19 - पश्चिम तामाङ19 तलेपङ्सम् मोसाचे ब्रीबे नीयम्चे तेएनो सीद्द तनलब अखम्बल मुबल। तर देरेम् हुजु बीम झेन् ज्यबे आस् ङ्य्हङ्मात न्हङ्जेत्पल मुब, हुजुचे ङ्य्हङ्मात पर्मेस्वर्की ज्यदङ् बोर्ब। အခန်းကိုကြည့်ပါ။ |
हीब्रु 7:19
29 ပူးပေါင်းရင်းမြစ်များ
होलेपङ्सम् ङ्य्हङ्माचे ता पङ्स्ये? ता मोसाचे ब्रीबे पर्मेस्वर्की नीयम्नो पाप् य्हीन्ब? होतेबमी य्हीन्नो अय्हीन्! मोसाचे ब्रीबे पर्मेस्वर्की नीयम्चे लज्यीम् ङचे पाप् स्येज्यी, तलेपङ्सम् मोसाचे ब्रीबे पर्मेस्वर्की नीयम्चे, “लोभ थलउ” बी पङ्बल अरेसम् ङचे लोभ स्य्हेङ्ब अत पङ्ज्यीम् स्येस्येनो अरेबल।
म्हीइ पाप स्वभाब्चे लज्यीम् मोसाचे ब्रीबे नीयम्चे म्हीमात पाप् ग्यम्से फेःपीन्ब अखम्बे लक् पर्मेस्वर्चे स्य्हेङ्जेत्ज्यी। पर्मेस्वर्चे र्हङ्की जत पापी स्वभाब् मुबे म्हील र्हङ्बे ल्हीःरी पीत्युजेत्ज्यी। ओसेम् म्हीइ पाप्की लागीरी थेङ्त सजाय न्हङ्जेत्ज्यी, ओसेम् थेङ्की ल्हीः ग्यम्से पाप्की सक्तीत नास् स्य्हेङ्जेत्ज्यी।
होलेतलेनो ङ्य्हङ्माचे स्येःब, मोसाचे ब्रीबे पर्मेस्वर्की नीयम् म्हन्दीज्यीम् म्ही धर्मी अत, तर येसु ख्रीस्ट्त बीस्वास् स्य्हेङ्ज्यीम्कीनो धर्मी तब। होत्तज्यीम् मोसाचे ब्रीबे पर्मेस्वर्की नीयम् म्हन्दीज्यीम् अय्हीन् तर ख्रीस्ट्री थेन्बे बीस्वास् ग्यम्से धर्मी तबरी ङ्य्हङ्माचेएनो ङ्य्हङ्माकी बीस्वास् येसु ख्रीस्ट्री थेन्ज्यी, तलेपङ्सम् मोसाचे ब्रीबे पर्मेस्वर्की नीयम् ङ्येन्ज्यीम् खलएनो धर्मी अत।
पर्मेस्वर्चे चोले स्य्हेङ्जेत्ज्यी, तलेपङ्सम् एङ्यी यहुदी अय्हीन्बे म्हीमाचेएनो थेङ्की छुम्ज्यीम् थेन्बे महीमीत तम् गोब खम्खइ पङ्बे थुः लजेत्ज्यी। ओसेम् ख्रीस्ट् एङ्यीमातेङ् स्य्हुजेत्प पङ्बे तम्नो छुम्ज्यीम् थेन्बे तम् य्हीन्ब। चु पङ्बलमी एङ्यीमाचे पर्मेस्वर्की महीमा यङस्ये मुब पङ्बल य्हीन्ब।
तर पर्मेस्वर्चे येसुत न्हङ्जेत्पे लम्बुइ लक् हुजु ल्हो-ल्हो गोदोब्न्हङ्की ङ्हच्छ्यङ् लम्बुमाकी लक् बीम् य्हक्को ङ्हच्छ्यङ् मुब। होलेनो पर्मेस्वर्तेङ् थेङ्की म्हीमाकी गुङ्री येसुचे खीःजेत्पे छार् करार्एनो ङोन्ग्यम् स्य्हेङ्जेत्पे पुरानो करार् बीम ङ्हच्छ्यङ् य्हीन्ब, तलेपङ्सम् चु करार्री झेन् ज्यबे तम्माकी बाचामा मुब।
ကြော်ငြာတွေ