हीब्रु 6:12 - पश्‍चिम तामाङ

¹² एङ्‍यीमा ब्‍लेगु थतउ, तर खेम पङ्‌लेनो बीस्‍वास् स्‍य्‍हेङ्‌स्‍यीनो टीज्‍यीम् पर्‌मेस्‍वर्‌चे न्‍हङ्‍ब बी बाचा स्‍य्‍हेङ्‍जेत्‍पे स्‍हेमा यङ्‍स्‍येलमा र्‌हङ्‍ब तउ पङ्‍बे सेम् ङ्‍यीमाल मुब।

हीब्रु 6:12 ပူးပေါင်းရင်းမြစ်များ

मत्‍ती 22:32

पर्‌मेस्‍वर्‌चे सुङ्‌ज्‍यी, ‘ङ अब्रहामतेङ् इसहाक ओसेम् याकुबकी पर्‌मेस्‍वर् य्‍हीन्‍ब।’ होत्‍तज्‍यीम् थेङ् स्‍यीबलमाकी पर्‌मेस्‍वर् अय्‍हीन्, तर सोम्‍बोमाकी पर्‌मेस्‍वर् य्‍हीन्‍ब।”

मत्‍ती 25:26

ओसेम् न्‍याबोचे पङ्‍ज्‍यी, ‘ओ अज्‍यबतेङ् ब्‍लेकु योक्‍पो! ङ र्‌हङ्‌चे असुःबे ग्‍लाचे अन्‍न दुत्‍पे ओसेम् र्‌हङ्‌चे ब्‍लु अब्‍लुत्‍पे ग्‍लाचे अन्‍न र्‌हुब्‍पे म्‍ही य्‍हीन्‍ब बी एचे स्‍येःबल पङ्‌सम्,

लुका 16:22

“हुजु प्रङ्‌न म्‍ही स्‍यीज्‍यी, ओसेम् थेत स्‍वर्‌गदुत्माचे बोर्‌ज्‍यीम् अब्रहामकी रेइरी थेन्‍ज्‍यी। ओसेम् हुजु बरु म्‍हीएनो स्‍यीज्‍यीम् बुप्‍ज्‍यी।

लुका 8:15

ओसेम् स नारी दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे थ्‍येःबे फ्रोइ् ज्‍यनले ज्‍यबे सेम्‍री थेन्‍ब, ओसेम् फ्रोइ्‍त ङ्‌येन्‍ज्‍यीम् ब्रब। ओसेम् खतेबे दुख खलेनो ग्‍यप्‍चे अदोःनले र्‌हङ्‌की बीस्‍वास्‍री रोःरो रोःज्‍यीम् ङोन्‍ग्‍यम् य्‍हर्‌स्‍यीनो टीब।

रोमी 12:11

ब्‍लेकु अलनले लक् स्‍य्‍हेङो, सेम् य्‍हङ्‌सेनो प्रभुइ लक् स्‍य्‍हेङो।

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

रोमी 4:12

ओसेम् अब्राहाम खतना स्‍य्‍हेङ्‍बलमालएनो अप य्‍हीन्‍ब, थेङ्‍यीमाचे खतन स्‍य्‍हेङ्‍बल तज्‍यीम्‍कीनो अय्‍हीन् तर खतना स्‍य्‍हेङ्‍ब बीम ङोन्‍ग्‍यम् अब्रहाम्‍ल र्‌हङ्‍बे बीस्‍वास् थेङ्‍यीमातेङ् मुबल तज्‍यीम् य्‍हीन्‍ब।

१ थेस्‍लोनीकी 1:3

ङ्‌य्‍हङ्‌माकी पर्‌मेस्‍वर् अपइ ङोन्‍ग्‍यम् एङ्‍यीमाचे ङ्‍य्‍हङ्‍की प्रभु येसु ख्रीस्‍ट्‍री बीस्‍वास् लज्‍यीम् स्‍य्‍हेङ्‌बे लक्‍तेङ् म्‍होइज्‍यीम् स्‍य्‍हेङ्‌बे लक् ओसेम् एङ्‍यीमाचे थेङ्‍री धैर्‌य लज्‍यीम् थेन्‍बे आस्‍त ङ्‌यीमाचे व्‍हल् लब।

२ थेस्‍लोनीकी 1:4

ओसेम् एङ्‌यीमात म्‍हीमाचे पीन्‍बे दुखमा ओसेम् दुखमा नाज्‍यीमएनो एङ्‍यीमा र्‌हङ्‌की बीस्‍वास्‍री कोङ्‍नले टीबे तम्‍की बारेरी पर्‌मेस्‍वर्‌की मन्‍डलीमाकी गुङ्‍री ङ्‌यीमाचे न गङ् लज्‍यीम् स्‍येत्‍प।

हीब्रु 1:14

होत्‍तज्‍यीम् जम्‍मनो स्‍वर्‌गदुत्‍मा पर्‌मेस्‍वर्‌चे मुक्‍ती न्‍हङ्‍स्‍येलामाकी स्‍य्‍हप्‍तो स्‍य्‍हेङ्‌बरी पीत्‍जेत्‍पे आत्‍मामाकीनो य्‍हीन्‍ब।

हीब्रु 10:36

पर्‌मेस्‍वर्‌चे थुःलजेत्‍प अनुसार् स्‍य्‍हेङ्‌बरी ओसेम् थेङ्‍चे बाचा लजेत्‍पे तम्‍मा यङ्‍बरी एङ्‍यीमाचे नाज्‍यीम् टीथोब।

हीब्रु 11:33

बीस्‍वास् ग्‍यम्सेनो थेङ्‌यीमाचे य्‍हुल्‍मात डाज्‍यी ओसेम् न्‍याय लज्‍यीम् राज्‍य स्‍य्‍हेङ्‌ज्‍यी, पर्‌मेस्‍वर्‌चे बाचा स्‍य्‍हेङ्‍जेत्‍पे स्‍हेमा यङ्‌ज्‍यी, तमाकी सुङ्‍मा म्रुपीन्‍ज्‍यी,

हीब्रु 12:1

ङ्‍य्‍हङ्‍माकी कोरोरो चोत्‍ते य्‍हक्‍को दङबोइ साक्षीमा मुब। होत्‍तज्‍यीम् ङ्‍य्‍हङ्‍मात खबे जम्‍मनो बाधमातेङ् ङ्‍य्‍हङमात सजीलोलेनो उन्‍नलबे पाप्‍मात ख्‍लाके, ओसेम् ङ्‍य्‍हङ्‍माकी ङोन्‍री मुबे छ्‍योङ्‍थोबे ग्‍यम्‍री धैर्‌य लज्‍यीम् छ्‌योङ्‍के।

हीब्रु 13:7

एङ्‌यीमात ङोन्‍ग्‍यम् परमेस्‍वरकी फ्रोइ लोप्‍पे अगुवामात व्‍हल् लउ। थेङ्‌यीमा सोम्‍बो मुबे बेलोरी खतेबे जीवन सोज्‍यी व्‍हल् लउ। एङ्‌यीमाचेएनो थेङ्‍यीमाचे स्‍य्‍हेङ्‍ब र्‌हङ्‌बे वीस्‍वास स्‍य्‍हेङो।

हीब्रु 5:11

चुइ बारेरी पङ्‍थोस्‍येकी तम्‍मा ङ्‍यीमाल य्‍हक्‍को मुब, तर एङ्‍यीमात गोनलबरी गारो मुब, तलेपङ्‍सम् एङ्‌यीमाचे गोबरी सेम् अल।

हीब्रु 6:15

होत्‍तज्‍यीम् अब्राहाम्‍चे धैर्‌य लज्‍यीम् ब्रेन्‍ज्‍यीम् टीज्‍यी, ओसेम् पर्‌मेस्‍वर्‌चे न्‍हङ्‍ब बी स्‍य्‍हेङ्‍जेत्‍पे बाचा थेचे यङ्‌ज्‍यी।

याकुब 1:3

तलेपङ्‍सम् एङ्‌यीमाकी बीस्‍वास्‍की जाच ग्‍यम्‍से एङ्‌यीमाल नाब खम्‍बे सक्‍ती झेन् य्‍हक्‍को तब बी एङ्‍यीमाचे स्‍येःब।

२ पत्रुस 1:10

होत्‍तज्‍यीम् बीस्‍वासी र्‌होमा, पर्‌मेस्‍वर्‌चे एङ्‍यीमात ङ्‍होत्‍जेत्‍पलतेङ् दम्‍जेत्‍पल य्‍हीन्‍ब पङ्‍बे तम् पक्‍कले ङोनो। तलेपङ्‍सम् चु तम्‍मा स्‍य्‍हेङ्‌सम् एङ्‍यीमा बीस्‍वास्‍री खेमेएनो गुर्‌स्‍ये अरे।

१ युहन्‍ना 2:25

ख्रीस्‍ट्‍चे न्‍हङ्‍ब बी बाचा स्‍य्‍हेङ्‍जेत्‍पे खेमेएनो अबेबे जीवन् चुनो य्‍हीन्‍ब।

प्रकास 13:10

खल पङ्‌लेनो जेल्‍री च्‍युप्‍थोस्‍ये मुसम् थेत जेल्‍रीनो च्‍युप्‍स्‍ये मुब, ओसेम् खल पङ्‌लेनो तरवार्‌चे सेत्‍थोस्‍ये मुसम् तरवार्‌चेनो सेत्‍स्‍ये मुब। चुइ लागीरी पर्‌मेस्‍वर्‌की म्‍हीमातेङ् नाबे सक्‍तीतेङ् बीस्‍वास् मुथोःब।