हीब्रु 4:16 - पश्‍चिम तामाङ

¹⁶ होत्‍तज्‍यीम् चेकेएनो अलोङ्‌नले पर्‌मेस्‍वर्‌की अनुग्रहकी ठीइ ङोन्‍री ङ्‍यीइ, ओसेम् तोःबे बेलोरी ङ्‍य्‍हङ्‍माचे र्‌हो यङ्‍बे लागीरी कृपातेङ् अनुग्रह यङ्‍स्‍ये मुब।

हीब्रु 4:16 ပူးပေါင်းရင်းမြစ်များ

एफीसी 2:18

ओसेम् थेङ् ग्‍यम्सेनो यहुदीतेङ् यहुदी अय्‍हीन्‍बे म्‍हीमा ङ्‌य्‍हङ् जम्‍मनो थो गीःइ पबीत्र आत्‍मारी पर्‌मेस्‍वर् अपइ ङोन्‍री ङ्‍यीम्‍यङ्‍बल मुब।

एफीसी 3:12

ओसेम् ङ्‍य्‍हङ्‍मा ख्रीस्‍ट्‍री तज्‍यीम् ओसेम् थेङ्‍री बीस्‍वास् लज्‍यीम्‍नो ङ्‍य्‍हङ्‍माचे पर्‌मेस्‍वर्‌की ङोन्‍री ङ्‌यीबे आर्‌तेङ् भर् यङ्‌बल मुब।

हीब्रु 13:6

होत्‍तज्‍यीम् ङ्‍य्‍हङ्‍माचे ढुक्‍कले पङ्‍ब खम्‍ब, “प्रभुचेनो ङत र्‌हो लजेत्‍प। ङ खेमेएनो लोङ्‍स्‍ये अरे। म्‍हीचे ङत तएनो लअखम्।”

हीब्रु 3:6

तर ख्रीस्‍ट्‍मी पर्‌मेस्‍वर्‌की जम्‍मनो म्‍हीमाइ गुङ्‍री अधीकार् यङ्‍बे ज र्‌हङ्‌बे बीस्‍वासीलो मुब। ओसेम् ङ्‍य्‍हङ्‍माचे ख्रीस्‍ट्‌री थेन्‍बे ङ्‍य्‍हङ्‍माकी आस्‍री र्‌हङ्‍की आर्‌तेङ् भर् थेन्‍स्‍यीनो टीज्‍यी पङ्‌सम् ङ्‍य्‍हङ्‍मा पर्‌मेस्‍वर्‌की म्‍हीमा य्‍हीन्‍ब।

हीब्रु 7:19

तलेपङ्‍सम् मोसाचे ब्रीबे नीयम्‍चे तेएनो सीद्‍द तनलब अखम्‍बल मुबल। तर देरेम् हुजु बीम झेन् ज्‍यबे आस् ङ्‍य्‍हङ्‍मात न्‍हङ्‌जेत्‍पल मुब, हुजुचे ङ्‍य्‍हङ्‍मात पर्‌मेस्‍वर्‌की ज्‍यदङ् बोर्‌ब।

हीब्रु 7:25

होत्‍तज्‍यीम् थेङ् ग्‍यम्‍से पर्‌मेस्‍वर्‌ज खबलमात थेङ्‍चे खेम पङ्‌लेनो थर्‌नलजेत्‍प खम्‍ब, तलेपङ्‌सम् थेङ्‌यीमाकी लागीरी पर्‌मेस्‍वर्‌तेङ् प्रार्‌थना स्‍य्‍हेङ्‌बरी थेङ् खेम पङ्‌लेनोइ लागीरी सोस्‍यीनो टीजेत्‍पल मुब।

हीब्रु 9:5

पर्‌मेस्‍वर् हुजुरी मुब पङ्‍ज्‍यीम् ङोन्‍बरी हुजु डोम्‍की जोरी ब्‍यप् मुबे करुब् पङ्‍बे स्‍वर्‌गदुत् ङ्‌ही मुबल, हुजु ङ्‌य्‍हीकी ब्‍यप् पाप क्षमा स्‍य्‍हेङ्‌बे ग्‍लाकी जोसम्‍म दोःबल मुबल। तर देरेम् चु जम्‍मनो तम्‍मा गीः गीः लज्‍यीम् स्‍येत्‍स्‍ये अरे।

१ पत्रुस 2:10

तीख्‍यप्‍की बेलोरी एङ्‍यीमा तएनो अय्‍हीन्‍ब मुबल, तर देरेम् पर्‌मेस्‍वर्‌की म्‍हीमा तबल मुब। तीख्‍यप्‍की बेलोरी एङ्‍यीमाचे पर्‌मेस्‍वर्‌की कृपा यङ्‌बल अरेबल, देरेम् थेङ्‌की कृपा यङ्‌बल मुब।