हीब्रु 3:19 - पश्‍चिम तामाङ

¹⁹ होत्‍तज्‍यीम् ङ्‍य्‍हङ्‍माचे म्रङ्‌ब, बीस्‍वास् अस्‍य्‍हेङ्‌बल तज्‍यीम्‍नो थेङ्‍यीमाचे थेङ्‍की दुःब न्‍हबे ग्‍लारी वङ्‍अम्‍यङ्।

हीब्रु 3:19 ပူးပေါင်းရင်းမြစ်များ

मर्‌कुस् 16:16

बीस्‍वास् स्‍य्‍हेङ्‌ज्‍यीम् बप्‍तीस्‍मा कीन्‍बलमा थर्‌स्‍ये मुब। तर बीस्‍वास् अस्‍य्‍हेङ्‌बलमाचे न्‍यायकी दीन्‍री सजाय यङ्‍स्‍ये मुब।

युहन्‍ना 3:18

थेङ्‌त बीस्‍वास् स्‍य्‍हेङ्‌बलमा दोसी तस्‍ये अरे, तर थेङ्‌त बीस्‍वास् अस्‍येङ्‍बलमाम् दोसी तज्‍यीन्‍बल मुब। तलेपङ्‍सम् थेङ्‍यीमाचे पर्‌मेस्‍वर्‌की गीःकीनो मुबे जत बीस्‍वास् स्‍य्‍हेङ्‍बल अरे।

युहन्‍ना 3:36

ओसेम् खल्‍चे पर्‌मेस्‍वर्‌की जत बीस्‍वास् लब थेतेङ् खेमेएनो अबेबे जीवन मुब। खल्‍चे जचे कुल्‍बे अर्‌ती अङ्‍येन्, थेचे खेमेएनो अबेबे जीवन् खेमेएनो यङ्‍स्‍ये अरे, तर पर्‌मेस्‍वर्‌की बोमो थेइ जोरी तस्‍यीनो टीस्‍ये मुब।

रोमी 11:23

इस्राएलीमाचे अबीस्‍वास् स्य्‍हेङ्‌ब पीत्‍ज्‍यीम् बीस्‍वास् स्‍य्‍हेङ्‌ब तीप्‍ज्‍यी पङ्‌सम् पर्‌मेस्‍वर्‌चे थेङ्‌यीमात ङोन्‍ग्‍यम्‍की य्‍हर्‌ङइ ग्‍लारीनो कलमी स्‍य्‍हेङ्‍जेत्‍स्‍ये मुब, तलेपङ्‌सम् थेङ्‍चे थेङ्‍यीमात देबेएनो कलमी लब खम्‍जेत्‍प।

२ थेस्‍लोनीकी 2:12

थेङ्‍यीमाचे देमेन्‍त बीस्‍वास् अस्‍य्‍हेङ्‍नले य्‍हक्‍को पापमा स्‍य्‍हेङ्‍बरीनो तङ्‍बल तज्‍यीम् थेङ्‍यीमात सजाय न्‍हङ्‍बरी पर्‌मेस्‍वर्‌चे चोले स्‍य्‍हेङ्‌जेत्‍पल य्‍हीन्‍ब।

हीब्रु 3:12

बीस्‍वासी र्‌होमा, होसीयार् तउ एङ्‍यीमान्‍हङ्‍री खलएनो दुस्‍टतेङ् बीस्‍वास् अलबे सेम् थोःज्‍यीम् सोम्‍बो पर्‌मेस्‍वर् ग्‍यम्‍से थारीङ् अय्‍हर्‌खइ।

१ युहन्‍ना 5:10

होत्‍तज्‍यीम् खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेचे र्‌हङ्‍की सेम्‍री चु गबाही देमेन् य्‍हीन्‍ब बी ङ्‍येन्‍ब। तर खल्‍चे पर्‌मेस्‍वर्‌त बीस्‍वास् अस्‍य्‍हेङ् थेचे पर्‌मेस्‍वर्‌की गबाहीत भ्‍यु तन लब, तलेपङ्‍सम् जइ बारेरी न्‍हङ्‌बे गबाहीत थेचे बीस्‍वास् स्‍य्‍हेङ्‍बल अत।

यहुदा 1:5

एङ्‍यीमाचे चु तम् ङोन्‍नो स्‍येःबल मुलेएनो ङ देबेएनो व्‍हल् लपीन्‍ब की प्रभुचे र्‌हङ्‍की म्‍हीमात मीस्र ग्‍यम्‍से तेत्‍बजेत्‍ज्‍यी, तर बीस्‍वास् अस्‍य्‍हेङ्‍बलमात लीक्‍यम् नास् स्‍य्‍हेङ्‍जेत्‍ज्‍यी।