हीब्रु 3:18 - पश्‍चिम तामाङ

¹⁸ पर्‌मेस्‍वर्‌चे कुल्‍जेत्‍पे अर्‌ती अङ्‍येन्‍बलमा थेङ्‌की दुःब न्‍हबे ग्‍लारी खेमेएनो वङ्‍म्‍यङ्‍स्‍ये अरे बी थेङ्‍चे सपथ सोल्‍जेत्‍पल मुबल अय्‍हीन् स्‍यीम्?

हीब्रु 3:18 ပူးပေါင်းရင်းမြစ်များ

युहन्‍ना 3:36

ओसेम् खल्‍चे पर्‌मेस्‍वर्‌की जत बीस्‍वास् लब थेतेङ् खेमेएनो अबेबे जीवन मुब। खल्‍चे जचे कुल्‍बे अर्‌ती अङ्‍येन्, थेचे खेमेएनो अबेबे जीवन् खेमेएनो यङ्‍स्‍ये अरे, तर पर्‌मेस्‍वर्‌की बोमो थेइ जोरी तस्‍यीनो टीस्‍ये मुब।

रोमी 11:30

ङोन्‍ग्‍यम्, एङ्‌यी यहुदी अय्‍हीन्‍बे म्‍हीमा पर्‌मेस्‍वर्‌चे कुल्‍जेत्‍पे अर्‌तीमा अङ्‌येन्‍ब मुबल, तर देरे इस्राएलीमाचे पर्‌मेस्‍वर्‌चे कुल्‍जेत्‍पे अर्‌तीमा अङ्‍येन्‍बल तज्‍यीम् एङ्‌यीमाचे पर्‌मेस्‍वर्‌की दय यङ्‌बल य्‍हीन्‍ब।

हीब्रु 3:11

होत्‍तज्‍यीम् ङचे र्‌हङ्‍की बोमोरी चोले सपथ चज्‍यी, ‘थेङ्‍यीमा ङचे दुःब न्‍हपुङ्‌बे ग्‍लारी खेमेएनो वङ्‍म्‍यङ्‍स्‍ये अरे।’”

हीब्रु 4:11

होत्‍तज्‍यीम् ङ्‍य्‍हङ्‍मा हुजु दुःब न्‍हबे ग्‍लारी वङ्‌बरी खम्‍गदे बङ् लइ, ओसेम् ङ्‍य्‍हङ्‍मा खलेएनो पर्‌मेस्‍वर्‌की अर्‌तीमा अङ्‍येन्‍बे इस्रएलीमा र्‌हङ्‌ले नास् तज्‍यीम् अय्‍हर्‌खइ।

हीब्रु 4:2

तलेपङ्‌सम् ङ्‍य्‍हङ्‍की म्‍हेम्‍हेमात र्‌हङ्‌ले ङ्‍य्‍हङ्‍मातएनो दुःब न्‍हबे ग्‍लाकी बारेरी स्‍येत्‍पल मुब। तर थेङ्‍यीमाकी लागीरी हुजु दुःब न्‍हबे ग्‍लाकी बारेइ तम् लक् अतबल तज्‍यी, तलेपङ्‍सम् थेङ्‍यीमाचे हुजु तम्‍त बीस्‍वास् लज्‍यीम् ग्रहन् अस्‍य्‍हेङ्।

हीब्रु 4:6

दुःब न्‍हबे ग्‍लाकी बारेरी ङोन्‍ग्‍यम् ज्‍यबे सम्‍तर् थेःबलमाचेमी हुजुरी वङ्‍अम्‍यङ्, तलेपङ्‍सम् थेङ्‍यीमाचे पर्‌मेस्‍वर्‌चे कुल्‍जेत्‍पे अर्‌तीमा अङ्‍येन्। होलेतलेनो हुजु दुःब न्‍हबे ग्‍लारी वङ्‍म्‍यङ्‍स्‍येकी ल्‍हो-ल्‍हो म्‍हीमा दवम् बाकी मुब।