हीब्रु 2:9 - पश्चिम तामाङ9 तर य्हम्की लागीरी स्वर्गदुत्मा बीम ज्यीद तन लजेत्बे येसुत ङ्य्हङ्माचे म्रङब। ओसेम् पर्मेस्वर्की अनुग्रहचे लज्यीम् थेङ् जम्म म्हीमाकी लागीरी स्यीपीन्जेत्ज्यी। हुजु स्यीबे दुख नापीन्जेत्पल तज्यीम् पर्मेस्वर्चे थेङ्त महीमातेङ् स्य्हेसइ क्रेकी कुःपीन्जेत्ज्यी। အခန်းကိုကြည့်ပါ။ |
हीब्रु 2:9
39 ပူးပေါင်းရင်းမြစ်များ
पर्मेस्वर् अपचे येसुत स्हेस न्हङ्ज्यीम् थेङ्की केत्पट्टीचे थेन्जेत्ज्यी। ओसेम् र्हङ्चे स्य्हेङ्जेत्पे बाचा अनुसार येसुत पबीत्र आत्मा न्हङ्जेत्ज्यी। येसुचे हुजु पबीत्र आत्मा ङ्य्हङ्मात पीत्युजेत्पल मुब, तीन्हम्स्यो एङ्यीमाचे म्रङ्बतेङ् थ्येःबे चु तम्मा हुजुनो य्हीन्ब।
म्हीइ पाप स्वभाब्चे लज्यीम् मोसाचे ब्रीबे नीयम्चे म्हीमात पाप् ग्यम्से फेःपीन्ब अखम्बे लक् पर्मेस्वर्चे स्य्हेङ्जेत्ज्यी। पर्मेस्वर्चे र्हङ्की जत पापी स्वभाब् मुबे म्हील र्हङ्बे ल्हीःरी पीत्युजेत्ज्यी। ओसेम् म्हीइ पाप्की लागीरी थेङ्त सजाय न्हङ्जेत्ज्यी, ओसेम् थेङ्की ल्हीः ग्यम्से पाप्की सक्तीत नास् स्य्हेङ्जेत्ज्यी।
ङ्य्हङ्माकी बीस्वास् तीप्जेत्पतेङ् टोप् लजेत्पे येसुत च्यास्यीनो टीइ। क्रुस्की दुखचे लज्यीम् थेङ् ग्यप्चे सार्तीअजेत्, तर हुजुइ देब्री दुख नाब बीसेम् यङ्स्येकी तङ्बइ लागीरी म्हीमाचे क्रुस्री पेत्नलबे तम्त तएनो अय्हीन् बी म्हेन्जेत्ज्यी। देरेम् थेङ् पर्मेस्वर्की ठीःइ केत् फ्या पट्टी स्य्हुजेत्पल मुब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ