हीब्रु 13:16 - पश्‍चिम तामाङ

¹⁶ गीःचे गीःत ज्‍यब स्‍य्‍हेङ्‌बतेङ् र्‌हो स्‍य्‍हेङ्ब थम्‍लेतो। चुमानो पर्‌मेस्‍वर् तङ्‌बे ठा:मा य्‍हीन्‍ब।

हीब्रु 13:16 ပူးပေါင်းရင်းမြစ်များ

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

प्रेरीत् 10:38

ओसेम् पर्‌मेस्‍वर्‌चे नासरतकी येसुइ जोरी पबीत्र आत्‍मातेङ् सक्‍ती न्‍हङ्‍जेत्‍ज्‍यी। हुजु लीप्‍चे येसु खन बीबीनो स्‍येःज्‍यीम् ज्‍यबे लक्‍मातेङ् म्‍हङ्‍चे ननलबे म्‍हीमात फेन्‍न लजेत्‍ज्‍यी। तलेपङ्‍सम् पर्‌मेस्‍वर् थेङ्‍तेङ् बक्‍च्‍य मुबल।

प्रेरीत् 9:36

ओसेम् योप्‍पा पङ्‍बे सहर्‌री तबीता पङ्‍बे डब अमकोल गीः मुबल। थेत ग्रीक् ग्‍योत्‍री डोरकास पङ्‍ब मुबल। (डोरकास पङ्‍बलम् तेङ्‍की य्‍हीन्‍ब।) थेचे खेम पङ्‍लेएनो प्रङ्‌नमात र्‌हो लज्‍यीम् ज्‍यबे लक् स्‍य्‍हेङ्‌ब मुबल।

रोमी 12:13

पर्‌मेस्‍वर्‌की म्‍हीमाकी अयोब अख्‍युप्‍पमारी र्‌हो स्‍य्‍हेङो, दीम्‍री खबे डोम्‍बोमात ज्‍यनले क्‍योङ्‍बे सेम् लस्‍यीनो टीउ।

गलाती 6:10

होत्‍तज्‍यीम् मौक यङ्‍ब अनुसार ङ्‍य्‍हङ्‍माचे जम्‍मा म्‍हीमात ज्‍यब स्‍य्‍हेङ्‌थोब, बीसेस लज्‍यीम् ङ्‍य्‍हङ्‍की बीस्‍वास्‍की म्‍हेम्‍यमाला।

गलाती 6:6

पर्‌मेस्‍वर्‌की फ्रोइकी सीक्षा यङ्‍बलमा जम्‍मचेनो र्‌हङ्‍तेङ् मुबे ज्‍यबे स्‍हे:मा फ्रोइ लोप्‍पीन्‍बलमातेङ् जुथोःब।

एफीसी 4:28

खल्‍ल पङ्‌लेनो य्‍हो लबे बानी मुसम् देरेम् य्‍हो लब पीत्‍थोब। तर थेचे र्‌हङ्‍चेनो दुख लज्‍यीम् इमान्‍दार्‌ले लक् स्‍य्‍हेङ्‍थोब, ओसेम् थेचे तोःबे म्‍हीमात ता पङ्‌लेनो पीन्‍ब खम्‍थोब।

फीलीप्‍पी 4:14

होलेतलेनो, एङ्‍यीमाचे ङत दुखमा तबे बेलोरी र्‌हो लस्‍यीनो टीज्‍यीम् य्‍हक्‍को ज्‍यब स्‍य्‍हेङ्‌ज्‍यी।

फीलीप्‍पी 4:18

ङचे तोःबल बीमएनो य्‍हक्‍को यङ्‌बल मुब। एङ्‌यीमाचे इपाफ्रोडीटस्‍त पीत्‍खबे टङ ङचे यङ्‌ज्‍यी, हुजु पर्‌मेस्‍वर्‌त तङ्‍नलबतेङ् ग्रहन् लजेत्‍परी जेःबे ङोर्‌थङ् खबे ठा र्‌हङ्‍ब य्‍हीन्‍ब।

१ थेस्‍लोनीकी 5:15

खल्‍चे पङ्‌लेनो अज्‍यब स्‍य्‍हेङ्‍सम् एङ्‌यीमाकी गुङ्‍री खल्‍चेएनो खीत् थफागो। तर एङ्‍यीमाचे खेम पङ्‌लेनो गीःचे गीःत ओसेम् जम्‍मतनो ज्‍यब स्‍य्‍हेङ्‌बे सेम् थोःगो।

२ थेस्‍लोनीकी 3:13

तर अज्‍यो-अलेमा, एङ्‍यीमामी ज्‍यबे लक् स्‍य्‍हेङ्‌बरी खेमेएनो थदुगो।

१ तीमोथी 6:18

ओसेम् थेङ्‍यीमात ज्‍यबे लक्‍मा स्‍य्‍हेङो, ज्‍यबे लक्‍मा य्‍हक्‍को स्‍य्‍हेङ्‌बरी बरु सेम् थोको, तोःबलमात स्‍हेः पीन्‍बे सेम् थोको बी पङो।

फीलेमोन 1:6

एचे बीस्‍वासीमातेङ् सङ्‍गतीमा य्‍हक्‍को स्‍य्‍हेङ्‌खइ ओसेम् पर्‌मेस्‍वर्‌चे ङ्‍य्‍हङ्‍मात न्‍हङ्‍जेत्‍पे जम्‍मनो ज्‍यबे तम्‍मा एङ्‍यीमाचे ज्‍यनले गोब खम्‍बे सक्‍ती यङ्‍खइ बी ङचे प्रार्‌थना स्‍य्‍हेङ्‍ब, तलेपङ्‍सम् ङ्‍य्‍हङ्‍माचे ख्रीस्‍ट्‍री बीस्‍वास् स्‍य्‍हेङ्‍ब।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

३ युहन्‍ना 1:11

म्‍होइबे र्‌हो, अज्‍यबे लक् खल ग्‍यम्‍सेएनो थलोपो, तर ज्‍यबे लक्‍कीनो लोपो। ज्‍यबे लक् स्‍य्‍हेङ्‍बल पर्‌मेस्‍वर्‌की म्‍ही य्‍हीन्‍ब, अज्‍यबे लक् स्‍य्‍हेङ्‌बलचे पर्‌मेस्‍वर्‌त खेमेएनो म्रङ्‌बलनो अरे।