हीब्रु 13:1 - पश्‍चिम तामाङ

¹ गीःचे गीः त अज्‍यो अले अन अङत र्‌हङले म्‍होइस्‍यीनो टीउ।

हीब्रु 13:1 ပူးပေါင်းရင်းမြစ်များ

युहन्‍ना 15:17

ङ एङ्‌यीमात कुल्‍ब, एङ्‍यीमाचे गीःचे गीःत म्‍होइगो।

प्रेरीत् 2:1

पेन्‍तीकोस् पङ्‍बे पर्‌बइ दीन्‍री येसुत बीस्‍वास् स्‍य्‍हेङ्‌बे म्‍हीमा जम्‍मनो तीत्‍छङ् र्‌हुब तबल मुबल।

प्रेरीत् 4:32

बीस्‍वासीमा जम्‍मनो सेम्‍तेङ् लोरी गीःनो तब मुबल। ओसेम् खल्‍चेएनो “चु स्‍हे ङल य्‍हीन्‍ब” बी अपङ्नले जम्‍मचेनो थेङ्‍यीमातेङ् मुबे स्‍हेमात कुङ्‍की स्‍हे म्‍हेन्‍ब मुबल।

गलाती 5:13

बीस्‍वासी र्‌होमा, एङ्‍यीमामी स्‍वतन्‍त्र तबरी ङ्‌होत्‍जेत्‍पल य्‍हीन्‍ब। चु स्‍वतन्‍त्रत ल्‍हीकी स्‍वभाब अनुसार ब्रबरी थकोलो। बरु गीःचे गीःत म्‍होइज्‍यीम् ज्‍यब स्‍य्‍हेङो।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

गलाती 5:6

तलेपङ्‍सम् ङ्‍य्‍हङ्‍माचे येसु ख्रीस्‍ट्‍त बीस्‍वास् लब बीसेम् खतन स्‍य्‍हेङ्‌लेनो अस्‍य्‍हेङ्‍लेनो तएनो अत। तर तोबे तम्‍मी चु य्‍हीन्‍ब, ङ्‍य्‍हङ्‍माकी बीस्‍वास्‍चे लज्‍यीम् ङ्‍य्‍हङ्‍माचे ल्‍हो-ल्‍होमात म्‍होइब।

एफीसी 4:3

एङ्‍यीमाचे गीःचे गीःतेङ् सान्‍तीरी टीज्‍यीम् पबीत्र आत्‍मारी गीः तबरी बङ् लउ।

एफीसी 5:2

ख्रीस्‍ट्‍चे ङ्‍य्‍हङ्‍मात म्‍होइजेत्‍ज्‍यीम् ज्‍यबे थङ् खबे सङ्‍स्‍युतेङ् ठा र्‌हङ्‌ले र्‌हङ्‌तनो ङ्‍य्‍हङ्‍माकी लागीरी पर्‌मेस्‍वर्‌री सोप्‍तीजेत्‍ज्‍यी। होलेनो एङ्‌यीमाचेएनो गीःचे गीःत म्‍होइज्‍यीम् ब्रथोब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

हीब्रु 10:24

ङ्‍य्‍ङ्‍मा गीःचे गीःत म्‍होइबतेङ् ज्‍यबे लक् स्‍य्‍हेङ्‌बे लागीरी खले आर् पीन्‍ब पङ्‍बे तम् म्‍हेन्‍के।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 2:17

जम्‍मनो म्‍हीमात स्‍य्‍हेस स्‍य्‍हेङो, ओसेम् बीस्‍वासी र्‌होमात म्‍होइगो। पर्‌मेस्‍वर्‌तेङ् लोङो, ओसेम् ग्‍यल्‍बोत स्‍य्‍हेस स्‍य्‍हेङो।

१ पत्रुस 3:8

ज्‍युरी ङ पङ्‍ब, एङ्‍यीमा सेम् गी: तज्‍यीम् गीचे गीइ दुख गोउ। दीम् गी:की म्‍हेम्‍यत र्‌हङ्‌ले गी:चे गी:त म्‍होइगो ओसेम् दयालुतेङ् नम्र तउ।

१ पत्रुस 4:8

जम्‍मन्‍हङ्‍री ङ्‍हच्‍छ्‍यङ् तम्‍मी र्‌हङ्‍की सेम् य्‍हङ्‌सेनो गीःचे गीःत म्‍होइज्‍यीम् टीब य्‍हीन्‍ब, तलेपङ्‍सम् म्‍होइबचे य्‍हक्‍को पापमा गप्‍प।

२ पत्रुस 1:7

ओसेम् पर्‌मेस्‍वर्‌त सेम्‍री ङ्‌यीबे लक्‍री अज्‍यो अलेमाकी वास्‍त, अज्‍यो अलेमाकी वास्‍तरी म्‍होइब कबो।

१ युहन्‍ना 3:23

पर्‌मेस्‍वर्‌चे कुल्‍जेत्‍पे अर्‌तीम् चुनो य्‍हीन्‍ब- ङ्‍य्‍हङ्‍चे थेङ्‌की ज येसु ख्रीस्‍ट्‍की छेन्‍री बीस्‍वास् स्‍य्‍हेङ्‍थोःब। ओसेम् ख्रीस्‍ट्‍चे कुल्‍जेत्‍प र्‌हङ्‌लेनो ङ्‍य्‍हङ्‍माचे गीःचे गीःत म्‍होइथोब।

१ युहन्‍ना 4:20

खल्‍चे पङ्‌लेनो पर्‌मेस्‍वर्‌त म्‍होइब पङ्‍ब, ओसेम् ल्‍हो-ल्‍हो बीस्‍वासी र्‌होमात हेल लब पङ्‌सम् थे भ्‍यु य्‍हीन्‍ब। र्‌हङ्‌चे म्रङ्‌बे ल्‍हो-ल्‍हो बीस्‍वासी र्‌होमात अम्‍होइबलचे अम्रङ्‍बे पर्‌मेस्‍वर्‌त खले म्‍होइब?

प्रकास 2:4

तर एइ बीरुद्‍दरी ङतेङ् तम् गीः मुब एचे ङोन्‍ग्‍यम् म्‍होइब र्‌हङ्‌ले म्‍होइब पीत्‍पल मुब।