हीब्रु 12:14 - पश्‍चिम तामाङ

¹⁴ जम्‍मनो म्‍हीमातेङ् थुन्‍ज्‍यीम् टीबरी ओसेम् पबीत्र जीवन् सोबरी बङ् लउ, तलेपङ्‍सम् पबीत्र अतसम् खल्‍चेएनो प्रभुत म्रङ्‌ब खम्‍स्‍ये अरे।

हीब्रु 12:14 ပူးပေါင်းရင်းမြစ်များ

मर्‌कुस् 9:50

चद ज्‍यबे स्‍हे य्‍हीन्‍ब। तर चदइ ब्रोत् य्‍हर्‌ज्‍यी पङ्‌सम् ताचे दोःज्‍यीम् ब्रोत् खनलस्‍ये? एङ्‍यीमा चद र्‌हङ्‌ब तउ। ओसेम् र्‌हङ्‌न्‍हङ्‌री थुन्‍ज्‍यीम् टीउ।”

लुका 1:75

होत्‍तज्‍यीम् ङ्‌य्‍हङ्‌मा सोगदेसम्‍म थेङ्‌की ङोन्‍ग्‍यम् पबीत्रतेङ् धर्‌मी तथोब।

रोमी 12:18

खम्‍ब सम्‍म जम्‍मनो म्‍हीमातेङ् थुन्‍ज्‍यीम् टीउ।

रोमी 14:19

होत्‍तज्‍यीम् ङ्‌य्‍हङ्‌माचे सान्‍ती पीन्‍बतेङ् गी:चे गी:त बीस्‍वास्‍री कोङनलबे तम्‍रीकीनो सेम् पीन्‍गे।

रोमी 6:22

तर देरेम् एङ्‍यीमा पाप् ग्‍यम्‍से छुटकारा यङ्‌ज्‍यीम् पर्‌मेस्‍वर्‌की बानामा तबल मुब। हुजुचेमी पबीत्रता ओसेम् ज्‍युरी खेमेएनो अबेबे जीवन्‍री दोनलब।

१ कोरीन्‍थी 1:10

बीस्‍वासी र्‌होमा, ङ्‍य्‍हङ्‍की प्रभु येसु ख्रीस्‍ट्‍की छेन्‍री ङ एङ्‌यीमात फ्‍या लब, एङ्‍यीमा गी:चे गी:तेङ् थुनो, एङ्‌यीमाकी गुङ्‍री थीबे तम्‍मा अतखइ ओसेम् एङ्‌यीमाकी बीचारतेङ् उदेस्‍य गीः तउ।

१ कोरीन्‍थी 13:12

देरे ङ्‍य्‍हङ्‍माचे दुलु मुबे दर्‌बन्‍री म्रङ्‌ब र्‌हङ्‌ले र्‌हीदीदीले म्रङ्‌ब, तर हुजु खस्‍येकी बेलोरीम् ज्‍यनले म्रङ्‌स्‍ये मुब। देरे ङचे गोबे तम् अपुरो मुब, तर हुजु खस्‍येकी बेलोरीम् पर्‌मेस्‍वर्‌चे ङइ बारेरी जम्‍मनो खेम्‍जेत्‍प र्‌हङ्‌ले ङ्‍चेएनो स्‍येःस्‍ये मुब।

२ कोरीन्‍थी 6:17

होत्‍तज्‍यीम् परमप्रभुचे सुङ्‍जेत्‍प, “थेङ्‍यीमाकी गुङ्‌से डोङ्‍ज्‍यीम् खोउ, ओसेम् थेङ्‍यीमा ग्‍यम्‍से फेःज्‍यीम् टीउ, असुद्‍द स्‍हेमा थछुउ, ओसेम् ङ एङ्‍यीमात ग्रहन् स्‍य्‍हेङ्‍स्‍ये मुब।”

२ कोरीन्‍थी 7:1

होत्‍तज्‍यीम् म्‍होइबे र्‌होमा, पर्‌मेस्‍वर्‌चे ङ्‍य्‍हङ्‍मातेङ् चोतेबे बाचामा स्‍य्‍हेङ्‌जेत्‍पल तज्‍यीम् ल्‍हीःतेङ् आत्‍मात असुद्‍द तनलबे जम्‍मा तम्‍मा ग्‍यम्‍से ङ्‍य्‍हङ्‍मा थारीङ्‍नो टीथोब, ओसेम् पर्‌मेस्‍वर्‌तेङ् लोङ्‍ज्‍यीम् पुरा पबीत्र म्‍ही तथोब।

गलाती 3:21

होले पङ्‌सम् ता मोसाचे ब्रीबे नीयम् पर्‌मेस्‍वर्‌चे स्‍य्‍हेङ्‍जेत्‍पे बाचामाइ बीरोधी य्‍हीन्‍ब? य्‍हीन्‍नो अय्‍हीन्। मोसाचे ब्रीबे नीयम् म्‍हीचे जीवन् यङ्‍खइ पङ्‍ज्यीम् पीन्‍बल य्‍हीन्‍सम् मोसाचे ब्रीबे नीयम् ङ्‌येन्‍ज्‍यीम्‍नो म्‍हीमा पर्‌मेस्‍वर्‌की ङोन्‍ग्‍यम् धर्‌मी ङोन्‍स्‍ये मुबल।

एफीसी 5:5

एङ्‍यीमाचे चु तम् स्‍येःनोथोब, बेस्‍या स्‍य्‍हेङ्‌बे म्‍ही, असुद्‍द म्‍ही ओसेम् लोभ् स्‍य्‍हेङ्‌बे म्‍हीचे पर्‌मेस्‍वर्‌तेङ् ख्रीस्‍ट्‍की य्‍हुल्‍री वङ्‍म्‍यङ्‍स्‍ये अरे। (लोभ् स्‍य्‍हेङ्‍बमी ख्‍लत तेन्‍ब र्‌हङ्‍बे पाप् य्‍हीन्‍ब)

फीलीप्‍पी 3:12

ङचे जम्‍मनो यङ्‍ज्‍यीन्‍बल मुब ओसेम् सीद्‍द तज्‍यीन्‍बल मुब बी, ङ अपङ्। ङचे चु बक्सीस् यङ्‍बरी बङ् लटीब मुब, हुजुइ लागीरी येसु ख्रीस्‍ट्‍चे ङत ङोन्‍ग्‍यम्‍नो र्‌हङ्‌ल स्‍य्‍हेङ्‌जेत्‍पल मुब।

१ थेस्‍लोनीकी 3:13

ओसेम् प्रभु येसुचे एङ्‌यीमात होले एङ्‍यीमान्‍हङ् म्‍होइन लजेत्‍ज्‍यीम् ङ्‍य्‍हङ्‍की प्रभु येसु र्‌हङ्‌की पबीत्र म्‍हीमातेङ् ब्‍योन्‍युबे बेलोरी ङ्‍य्‍हङ्‍की पर्‌मेस्‍वर् अपइ ङोन्‍ग्‍यम् तइ दोस्‍एनो अतबरी ओसेम् पबीत्र तनलबरी एङ्‌यीमाकी सेम्‍त कोङ्‍न लजेत्‍खइ।

१ थेस्‍लोनीकी 4:7

तलेपङ्‍सम् पर्‌मेस्‍वर्‌चे ङ्‌य्‍हङ्‌मात अपबीत्र तबे लागीरी अय्‍हीन्, तर पबीत्र जीवन सोबरी दम्‍जेत्‍पल य्‍हीन्‍ब।

१ थेस्‍लोनीकी 5:15

खल्‍चे पङ्‌लेनो अज्‍यब स्‍य्‍हेङ्‍सम् एङ्‌यीमाकी गुङ्‍री खल्‍चेएनो खीत् थफागो। तर एङ्‍यीमाचे खेम पङ्‌लेनो गीःचे गीःत ओसेम् जम्‍मतनो ज्‍यब स्‍य्‍हेङ्‌बे सेम् थोःगो।

१ तीमोथी 6:11

तर ए पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‌बे म्‍ही अज्‍यबे लक्‍मा ग्‍यम्‍चे फेज्‍यीम् टीउ। ओसेम् पर्‌मेस्‍वर्‌की ङोन्‍री ज्‍यबे लक्, सेम्‍री ङ्‌यीबे लक्, बीस्‍वासी तबे लक्, ल्‍हो-ल्‍होत म्‍होइबे लक् ओसेम् आर् यङ्‌बे लक्‍तेङ् र्‌होतेङ् थुन्‍बे लक् स्‍य्‍हेङ्‌बरी सेम् पीनो।

२ तीमोथी 2:22

ब्‍योन्‍की बेलोरी खबे अज्‍यबे लक्‍मा स्‍य्‍हेङ्‍गे म्‍हेन्‍बे सेम् ग्‍यम्‍से थारीङ् टीउ, ओसेम् ज्‍यबे सेम् थोज्‍यीम् प्रभुइ छेन् कीन्‍बलमातेङ् बक्‍च्‍य धार्‌मीक्‍ता, बीस्‍वास् ओसेम् म्‍होइबतेङ् सान्‍तीरी ब्रस्‍यीनो टीउ।

हीब्रु 12:10

ङ्‍य्‍हङ्‍माकी ल्‍हीःकी अपमाचे थेङ्‍यीमाकी सेम्‍चे ज्‍यब म्‍हेन्‍ब अनुसार् ङ्‍य्‍हङ्‍मात तोव बेलो दुल्‍जेत्‍ज्‍यी, तर पर्‌मेस्‍वर् अपचे ङ्‍य्‍हङ्‍मात ज्‍यब तबे लागीरी ओसेम् थेङ् र्‌हङ्‌ले पबीत्र तब खम्‍खइ बी ङ्‍य्‍हङ्‍मात खेम पङ्‌लेनो दुल्‍जेत्‍प।

हीब्रु 9:28

होलेनो य्‍हक्‍को म्‍हीमाकी पाप् ख्रुबरी ख्रीस्‍ट्‍एनो तीख्‍यप् ठा तपीन्‍जेत्‍ज्‍यी। थेङ् दबेएनो म्रङ्‍खजेत्‍स्‍ये मुब। हुजु बेलोरीमी ख्रीस्‍ट् पाप् ख्रुबरी अय्‍हीन् तर थेङ्‌की ग्‍यम् च्‍याज्‍यीम् टीबलमात थर्‌नलबरी ब्‍योन्‍खजेत्‍स्‍ये मुब।

१ पत्रुस 3:11

एङ्‍यीमाचे अज्‍यबे लक् स्‍य्‍हेङ्‍ब पीत्‍ज्‍यीम् ज्‍यबे लक् स्‍य्‍हेङ्‍थोब। एचे सेम् य्‍हङ्‌सेनो जम्‍मत थुन्‍न लज्‍यीम् टीबे लक् स्‍य्‍हेङ्‍थोःब।

१ पत्रुस 3:13

ओसेम् एङ्‍यीमाचे ज्‍यबे लक् स्‍य्‍हेङ्‌बे सेम् थो:ब पङ्‌सम् खल्‍चे एङ्‌यीमात न्‍होङ्‍नलब?

२ पत्रुस 3:11

जम्‍मनो स्‍हेमा चोले नास् स्‍य्‍हेङ्‍स्‍ये तबल तज्‍यीम् एङ्‍यीमाचे र्‌हङ् खतेबे म्‍ही तथोब? एङ्‍यीमा पबीत्रतेङ् पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‌ज्‍यीम् ब्रबे म्‍ही तथोब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!

३ युहन्‍ना 1:11

म्‍होइबे र्‌हो, अज्‍यबे लक् खल ग्‍यम्‍सेएनो थलोपो, तर ज्‍यबे लक्‍कीनो लोपो। ज्‍यबे लक् स्‍य्‍हेङ्‍बल पर्‌मेस्‍वर्‌की म्‍ही य्‍हीन्‍ब, अज्‍यबे लक् स्‍य्‍हेङ्‌बलचे पर्‌मेस्‍वर्‌त खेमेएनो म्रङ्‌बलनो अरे।