हीब्रु 11:25 - पश्‍चिम तामाङ

²⁵ पाप्‍री य्‍हम्‍की सुख नाब बीमम् बरु पर्‌मेस्‍वर्‌की म्‍हीमातेङ् दुख नाब थेचे दम्‍ज्‍यी।

हीब्रु 11:25 ပူးပေါင်းရင်းမြစ်များ

मत्‍ती 13:21

तर थेङ्‌यीमाकी सेम्‍री टा अङ्‍यीबल तज्‍यीम् य्‍हम्‍बगीकीनो टीब। ओसेम् पर्‌मेस्‍वर्‌की फ्रोइ ङ्‌येन्‍बल तज्‍यीम् दुख खब साच्‍चेनो थेङ्‍यीमाचे थेङ्‌की फ्रोइत बीस्‍वास् स्‍य्‍हेङ्‌ब पीत्‍लाब।

लुका 16:25

तर अब्रहामचे थेत पङ्‌ज्‍यी, ‘ङइ ज, व्‍हल् लो स्‍यीम्, एचे जम्‍बुलीङ्‌री मुबे बेलोरी ज्‍यबतेङ् रोङ्‌बे स्‍हेमा यङज्‍यी, लाजरस्‍चेमी अज्‍यबकीनो यङ्‌ज्‍यी। तर देरेम् थे चुरी सुखरी देनले टीटीब मुब। ओसेम् एमी य्‍हक्‍को दुख नाटीब।

प्रेरीत् 7:34

ङचे मीस्र य्‍हुल्‍री ङइ म्‍हीमाकी य्‍हक्‍को दुख म्रङ्‌बल मुब। ओसेम् हुजु दुखचे लज्‍यीम् थेङ्‍यीमा आस् म्‍हज्‍यीम् क्राटीबल ङचे थ्‍येःज्‍यी। ङ थेङ्‌यीमात हुजु दुख ग्‍यम्‍से फेःबरी युबल य्‍हीन्‍ब। देरे ङचे एत मीस्र य्‍हुल्‍री पीत्‍स्‍ये मुब।’

रोमी 5:3

होदेकीनो अय्‍हीन्, ङ्‍य्‍हङ्‍मा दुख यङ्‍बे बेलोरीएनो तङ्‍ब तलेपङ्‍सम् ङ्‍य्‍हङ्‍माचे स्‍येःब, दुखचे दुखइ बेलोरी नाप खम्‍बे बङ् पीन्‍ब,

२ कोरीन्‍थी 5:17

होत्‍तज्‍यीम् खल्‍चे पङ्‌लेनो ख्रीस्‍ट्‍त बीस्‍वास् स्‍य्‍हेङ्‌ज्‍यी पङ्‌सम् थे छार् म्‍ही तब। पुरानो जीवन् म्‍हबल मुब, देरेम् छार् जीवन् सुरु तबल मुब।

कलस्‍सी 1:24

देरेम् ङ एङ्‌यीमाकी लागीरी दुख नाथोलएनो तङ्‍ब, तलेपङ्‍सम् ख्रीस्‍ट्‍चे थेङ्‍की ल्‍हीः मन्‍डलीइ लागीरी खले दुखमा नाजेत्‍ज्‍यी, होलेनो ङएनो मन्‍डलीइ लागीरी नाथोस्‍येकी दुखमा ङइ ल्‍हीःरी नाज्‍यीम् टोप् तनलबरी र्‌हो लब।

२ तीमोथी 1:8

होत्‍तज्‍यीम् ङ्‍य्‍हङ्‍की प्रभुइ सम्‍तर् स्‍येत्‍परी थपेतो, ओसेम् ङतेङएनो थपेतो, ङचे थेङ्‌की बारेरी प्रचार स्‍य्‍हेङ्‍बल तज्‍यीम् ङ जेल्‍री दोःबल य्‍हीम्‍ब, बरु एचेएनो पर्‌मेस्‍वर् ग्‍यम्‍से बङ् यङ्‌ज्‍यीम् ज्‍यबे सम्‍तर् स्‍येत्‍परी दुख नाको।

हीब्रु 10:32

एङ्‍यीमाचे पर्‌मेस्‍वर्‌की य्‍हल् यङ्‍बे हुजु ङोन्‍ग्‍यम्‍की दीन्‍मात व्‍हल् लउ, होदे बेलोरी एङ्‍यीमाचे य्‍हक्‍को दुखमा नाथोलेएनो एङ्‌यीमा बीस्‍वास्‍री कोङ्‍ज्‍यीम् टीज्‍यी।

हीब्रु 11:37

थेङ्‍यीमा डेत्‍डेत्‍तमी युङ्‌बचे प्रुङ्‌ज्‍यीम् सेत्‍ज्‍यी, करउतीचे ग्रेत्‍ज्‍यी ओसेम् तरवार्‌चे थाज्‍यी। थेङ्‍यीमा प्रङ्‍न तज्‍यीम् ग्‍युतेङ् रइ डीमा येन्‍ज्‍यी, ओसेम् म्‍हीमाचे पीन्‍बे दुखमातेङ् अज्‍यबे ब्‍यबहार्‌मा नाज्‍यीम् ब्रथोज्‍यी।

हीब्रु 4:9

होत्‍तज्‍यीम् पर्‌मेस्‍वर्‌चे ङ्‌यीस् रेत्‍कुनो दुःब न्‍हजेत्‍प र्‌हङ्‌ले पर्‌मेस्‍वर्‌की म्‍हीमाकी लागीरी दुःब न्‍हबे ग्‍ला मुब।

याकुब 1:20

तलेपङ्‍सम् म्‍हीइ बोमोचे पर्‌मेस्‍वर्‌त सेम्‍री ङ्‌यीबे धार्‌मीक् लक् अस्‍य्‍हेङ्।

याकुब 5:5

एङ्‍यीमा चु जम्‍बुलीङ्‌री सुखले मनमोज्‍यी लज्‍यीम् टीबल मुब। सेत्‍पे लागीरी सोबल बी सेम्‍ज्‍येन्‍माचे अगोज्‍यीम छोब र्‌हङ्‌ले एङ्‍यीमा पर्‌मेस्‍वर्‌चे न्‍हङ्‍स्‍येकी सजाय अगोज्‍यीम् मनमोज्‍यीले टीबल मुब।

१ पत्रुस 2:10

तीख्‍यप्‍की बेलोरी एङ्‍यीमा तएनो अय्‍हीन्‍ब मुबल, तर देरेम् पर्‌मेस्‍वर्‌की म्‍हीमा तबल मुब। तीख्‍यप्‍की बेलोरी एङ्‍यीमाचे पर्‌मेस्‍वर्‌की कृपा यङ्‌बल अरेबल, देरेम् थेङ्‌की कृपा यङ्‌बल मुब।

प्रकास 18:7

ओसेम् थेचे गदे घमन्‍डतेङ् मनमोज्‍यी लज्‍यीम् टीज्‍यी, थेत होदेनो कस्‍टतेङ् दुख पीनो। तलेपङ्‍सम् थेचे सेम्‍न्‍हङ्‌रीनो पङ्‍ब, ‘ङमी ङ्‍हच्‍छ्‍यङ् ग्‍यल्‍मो तज्‍यीम् टीबल मुब, ङ र्‌हेम्‍बो स्‍यीबे अमकोल अय्‍हीन्, ङचे खेमेएनो दुख लथोस्‍ये अरे।’