हीब्रु 10:38 - पश्‍चिम तामाङ

³⁸ “ङइ धर्‌मी म्‍हीम् बीस्‍वास् ग्‍यम्‍से सोस्‍ये मुब, तर खल पङ्‌लेनो ङत पीत्‍ज्‍यीम् य्‍हर्‌ज्‍यी पङ्‌सम्, ङ थेतेङ् तङ्‍स्‍ये अरे।”

हीब्रु 10:38 ပူးပေါင်းရင်းမြစ်များ

मत्‍ती 12:18

“च्‍यागो, ङचे दम्‍बे योक्‍पो चुनो य्‍हीन्‍ब, थेत ङ य्‍हक्‍को म्‍होइब, थेतेङ् ङ य्‍हक्‍को तङ्‍बल मुब। ङ ङइ आत्‍मा थेइ जोरी पीत्‍युस्‍ये मुब, ओसेम् थेचेनो जम्‍म जात्‍की म्‍हीमात न्‍यायकी प्रचार स्‍य्‍हेङ्‌स्‍ये मुब।

मत्‍ती 13:21

तर थेङ्‌यीमाकी सेम्‍री टा अङ्‍यीबल तज्‍यीम् य्‍हम्‍बगीकीनो टीब। ओसेम् पर्‌मेस्‍वर्‌की फ्रोइ ङ्‌येन्‍बल तज्‍यीम् दुख खब साच्‍चेनो थेङ्‍यीमाचे थेङ्‌की फ्रोइत बीस्‍वास् स्‍य्‍हेङ्‌ब पीत्‍लाब।

रोमी 1:17

म्‍हीत पर्‌मेस्‍वर्‌चे खले धर्‌मी तनलजेत्‍प बी ज्‍यबे सम्‍तर्‌चे ङोन्‍ब, ओसेम् पर्‌मेस्‍वर्‌की ङोन्‍री धर्‌मी ङोन्‍बे तम् बीस्‍वास् ग्‍यम्‍से तीप्‍ज्‍यीम् बीस्‍वास् ग्‍यम्सेनो बुत्‍प। धर्‌म छ्‍येःचेएनो चोले पङ्‍ब, “धर्‌मी म्‍ही बीस्‍वास् ग्‍यम्‍से सोस्‍ये मुब।”

गलाती 3:11

होत्‍तज्‍यीम् ङ्‍य्‍हङ्‍माचे स्‍येःब मोसाचे ब्रीबे पर्‌मेस्‍वर्‌की नीयम् ङ्‌येन्‍ज्‍यीम् खलएनो पर्‌मेस्‍वर्‌की ङोन्‍री धर्‌मी तब अखम्, तलेपङ्‍सम् धर्‌म छ्‌येःरी ब्रीबल मुब, “पर्‌मेस्‍वर्‌की ङोन्‍री बीस्‍वास् ग्‍यम्‍से धर्‌मी तबे म्‍ही सोस्‍ये मुब।”

१ थेस्‍लोनीकी 2:15

हुजु यहुदीमाचे प्रभु येसुतेङ् अगम्‍बक्‍तमात सेत्‍ज्‍यी ओसेम् ङ्‍यीमातएनो ल्‍हब्‍ज्‍यी। थेङ्‍यीमाचे पर्‌मेस्‍वर्‌त सेम्‍री अङ्‍यीबे लक् स्‍य्‍हेङ्‌ज्‍यी ओसेम् जम्‍म म्‍हीमाइ बीरोद् स्‍य्‍हेङ्‌ब।

हीब्रु 10:39

तर ङ्‍य्‍हङ्‍मामी थेङ्‍त पीत्‍पतेङ् नास् तबे म्‍हीमा र्‌हङ्‍ब अय्‍हीन्, ङ्‍य्‍हङ्‍मामी थेङ्‍त बीस्‍वास् स्‍य्‍हेङ्‌बे म्‍हीमातेङ् थर्‌बे म्‍हीमा य्‍हीन्‍ब।

याकुब 5:6

एङ्‍यीमाचे र्‌हङ्‍त बीरोद् अलबे म्‍हीमात दोस् ल्‍हइदीज्‍यीम् सेत्‍पल मुब।

१ युहन्‍ना 2:19

थेङ्‍यीमा ङ्‍य्‍हङ्‍ल अय्‍हीन्‍ब मुबल, होत्‍तज्‍यीम् थेङ्‍यीमा ङ्‌य्‍हङ्‍मात ख्‍लेथेन्‍ज्‍यीम् य्‍हर्‌ज्‍यी। थेङ्‍यीमा ङ्‍य्‍हङ्‍ल य्‍हीन्‍सम् ङ्‍य्‍हङ्‍मातेङ् टीस्‍येल। ङ्‌यीमाचे ङ्‌य्‍हङ्‍मात ख्‍लेथेन्‍ज्‍यी हुजु तम्‍चे थेङ्‍यीमा ङ्‍य्‍हङ्‍ल अय्‍हीन् पङ्‍बे तम् ङोन्‍ब।