हीब्रु 10:35 - पश्‍चिम तामाङ

³⁵ होत्‍तज्‍यीम् आर् लज्‍यीम् टीब थपीतो, चु ग्‍यम्सेनो एङ्‍यीमाचे ङ्‍हच्‍छ्‌यङ् बक्सीस् यङ्‍स्‍ये मुब।

हीब्रु 10:35 ပူးပေါင်းရင်းမြစ်များ

मत्‍ती 10:32

“ङत म्‍हीमाइ ङ्‍होन्‍सङ् स्‍वीकार स्‍य्‍हेङ्‍बलमात ङचेएनो थेङ्‌यीमात ङइ स्‍वर्‌गइ अपइ ङ्‍होन्‍सङ् स्‍वीकार स्‍य्‍हेङ्‌स्‍ये मुब।

मत्‍ती 10:42

खल्‍चे ज्‍यीद बीम ज्‍यीदत ङइ डब पङ्‍ज्‍यीम् बोङ्‍ननङ् स्‍यीम् यी थुङ्‍पुङ्‍ल देमेन्‍नो थेचे बक्सीस् यङ्‍स्‍येनो मुब।”

मत्‍ती 5:12

हुजु बेलोरी एङ्‍यीमा य्‍हक्‍को तङो, तलेपङ्‍सम् स्‍वर्‌गरी एङ्‌यीमाकी लागीरी ङ्‍हच्‍छ्‍यङ् बक्सीस् मुब। तलेपङ्‍सम् दङ्‌बोइ अगम्‍बक्‍तमातएनो चोलेनो दुख पीन्‍बल मुबल।

लुका 14:14

ओसेम् एचे मोलम् यङ्‌स्‍ये मुब। तलेपङ्‍सम् एत थेङ्‍यीमाचे खीत् फाब अखम्। तर धर्‌मी म्‍हीमाकी पुनरुत्‍थान् तबतेङ् पर्‌मेस्‍वर्‌चे एत खीत् न्‍हङ्‌स्‍ये मुब।”

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

एफीसी 3:12

ओसेम् ङ्‍य्‍हङ्‍मा ख्रीस्‍ट्‍री तज्‍यीम् ओसेम् थेङ्‍री बीस्‍वास् लज्‍यीम्‍नो ङ्‍य्‍हङ्‍माचे पर्‌मेस्‍वर्‌की ङोन्‍री ङ्‌यीबे आर्‌तेङ् भर् यङ्‌बल मुब।

हीब्रु 10:19

होत्‍तज्‍यीम् बीस्‍वासी र्‌होमा, येसुइ काचे लज्‍यीम् ङ्‍य्‍हङ्‍माचे गोदोब्‍न्‍हङ्‍की पबीत्र ग्‍लारी आर्‌ले वङ्‌ब खम्‍ब।

हीब्रु 11:26

मीस्र य्‍हुल्‍की य्‍हक्‍को धन् सम्‍पत्‍ती बीमम् ख्रीस्‍ट्‍की लागीरी नीन्‍द नापनो ज्‍यब म्‍हेन्‍ज्‍यी, तलेपङ्‍सम् थेचे पर्‌मेस्‍वर्‌चे न्‍हङ्‍जेत्‍स्‍येकी ङ्‍हच्‍छ्‍यङ् बक्सीस् च्‍याटीब मुबल।

हीब्रु 2:2

तलेपङ्‍सम् स्‍वर्‌गदुत्‍मा ग्‍यम्‍से सुङ्‍जेत्‍पे पर्‌मेस्‍वर्‌की फ्रोइत म्‍हीमाचे ङ्‍येन्‍थोःब मुबल, ओसेम् पर्‌मेस्‍वर्‌चे हुजु फ्रोइत ङ्‌येन्‍ज्‍यीम् अब्रबलमातेङ् पाप् स्‍य्‍हेङ्‍बलमात थेङ्‍यीमाचे यङ्‍थोबे सजाय न्‍हङ्‍जेत्‍ज्‍यी।

हीब्रु 3:14

ङ्‍य्‍हङ्‍माचे सुरुरी स्‍य्‍हेङ्‌बे बीस्‍वास्‍री ङ्‍य्‍हङ्‍मा सोगदे सम्‍मनो कोङ्‍ज्‍यीम् टीज्‍यी पङ्‌सम्, ङ्‍य्‍हङ्‍मा ख्रीस्‍ट्‍तेङ् बक्‍च्‍य हक् यङ्‌बल तस्‍ये मुब।

हीब्रु 3:6

तर ख्रीस्‍ट्‍मी पर्‌मेस्‍वर्‌की जम्‍मनो म्‍हीमाइ गुङ्‍री अधीकार् यङ्‍बे ज र्‌हङ्‌बे बीस्‍वासीलो मुब। ओसेम् ङ्‍य्‍हङ्‍माचे ख्रीस्‍ट्‌री थेन्‍बे ङ्‍य्‍हङ्‍माकी आस्‍री र्‌हङ्‍की आर्‌तेङ् भर् थेन्‍स्‍यीनो टीज्‍यी पङ्‌सम् ङ्‍य्‍हङ्‍मा पर्‌मेस्‍वर्‌की म्‍हीमा य्‍हीन्‍ब।

हीब्रु 4:14

होत्‍तज्‍यीम् ङ्‍य्‍हङ्‍माचे स्‍य्‍हेङ्‌बे बीस्‍वास्‍री झेन् कोङ्‍ज्‍यीम टीइ, तलेपङ्‍सम् स्‍वर्‌गरी स्‍येःजेत्‍पे पर्‌मेस्‍वर्‌की ज येसुनो ङ्‍य्‍हङ्‍माकी गोदोब्‍न्‍हङ्‍की ङ्‍य्‍हच्‍छ्‌यङ् लम्‍बु य्‍हीन्‍ब।

२ युहन्‍ना 1:8

होत्‍तज्‍यीम् चोङ्‍ले टीउ, एङ्‍यीमाचे ता यङ्‌बे लागीरी लक् स्‍य्‍हेङ्‍टीब हुजु इनाम् म्‍हनले अय्‍हीन् तर जम्‍मनो यङ्‍नले टीउ।