हीब्रु 10:25 - पश्‍चिम तामाङ

²⁵ गदे म्‍हीमालमी सङ्‍गतीरी अङ्‍यीबे बानी तब, तर ङ्‍हय्‍ङ्‍माचेमी तीच्‍छङ् र्‌हुब् तब पीत्‍प अत। एङ्‍यीमाचेमी प्रभुइ दीन् ज्‍यदङ् खटीबल म्रङ्‌बल तज्‍यीम् गीःचे गीःत झेन् आर् पीनो।

हीब्रु 10:25 ပူးပေါင်းရင်းမြစ်များ

मत्‍ती 10:15

ङ एङ्‌यीमात देमेन्‍नो पङ्‍ब, न्‍यायकी दीन्‍री हुजु ग्‍लाकी दुख बीमम् सदोम्‍तेङ् गमोरा सहर्‌की दुख नाखम्‍बल तस्‍ये मुब।

मत्‍ती 18:20

तलेपङ्‍सम् खन ङइ मीन्‍री ङ्‍य्‍ही वुइ सोम् र्‌हुब तब, ङ थेङ्‌यीमाकी गुङ्‌री तस्‍ये मुब।”

युहन्‍ना 12:48

ङत स्‍वीकार अस्‍य्‍हेङ्‍बलमातेङ् ङइ तम् अङ्‍येन्‍बलमाकी न्‍याय स्‍य्‍हेङ्‌स्‍ये मुब। ङचे पङ्‍बे तम्‍सेनो ज्‍युःकी दीन्‍री थेङ्‌यीमाकी न्‍याय स्‍य्‍हेङ्‌स्‍ये मुब।

प्रेरीत् 16:16

तीरेत् ङ्‌यीमा प्रार्‌थना स्‍य्‍हेङ्‌बे ग्‍लारी य्‍हर्‌टीमम् ङ्‌यीमातेङ् बाना अमकोल गीः खदु तज्‍यी। थेत दुस्‍ट आत्‍मा स्‍यप्‍पल मुबल। ओसेम् थेचे हुजु म्‍हङ्‍की सक्‍ती ग्‍यम्‍से म्‍हुदु च्‍याज्‍यीम् थेइ न्‍याबोमात य्‍हक्‍को टङ छाज्‍यीम् पीन्‍ब मुबल।

प्रेरीत् 2:1

पेन्‍तीकोस् पङ्‍बे पर्‌बइ दीन्‍री येसुत बीस्‍वास् स्‍य्‍हेङ्‌बे म्‍हीमा जम्‍मनो तीत्‍छङ् र्‌हुब तबल मुबल।

प्रेरीत् 2:42

ओसेम् थेङ्‍यीमा खेम पङ्‍लेएनो प्रेरीतमातेङ् लोप्‍परी, सङ्‍गती स्‍य्‍हेङ्‌बरी, डोन् चबरी ओसेम् प्रार्‌थना स्‍य्‍हेङ्‌बरी बक्‍च्‍य तस्‍यीनो टीब मुबल।

प्रेरीत् 20:7

अइतबारकी ङ्‍येस्‍येरी ङ्‌यीमा जम्‍मनो गेङ् क्‍युत्‍ज्‍यीम् चबरी र्‌हुब तज्‍यी। ओसेम् पावलचे न्‍हम्‍स्‍य्‍होर्‌हङ् य्‍हर्‌बे सेम् लबल तज्‍यीम् म्‍हुन् डेत् सम्‍म तम् लस्‍यीनो टीज्‍यी।

रोमी 12:8

आर् पीन्‍बे बर्‌दान् यङ्‌बलमाचे आर् पीन्‍खइ, पीन्‍बे बर्‌दान् यङ्‌बलमाचे सेम् य्‍हङ्‌से पीन्‍खइ। अगुवाइ स्‍य्‍हेङ्‌बे बर्‌दान् यङ्‌बलमाचे सेम् य्‍हङ्‌सेनो अगुवाइ स्‍य्‍हेङ्‌खइ, ओसेम् दय स्‍य्‍हेङ्‌बे बर्‌दान् यङ्‌बलमाचे तङ्‌तङ्ज्‍यीम् दय स्‍य्‍हेङ्‌खइ।

१ कोरीन्‍थी 11:20

एङ्‍यीमा र्‌हुब् तबतेङ् चब थुङ्‍ब स्‍य्‍हेङ्‍बमी देमेन्‍नो प्रभु डोन् अय्‍हीन्।

१ कोरीन्‍थी 14:23

मन्‍डलीरी जम्‍मनो र्‌हुब् तज्‍यीम् जम्‍मचेनो ल्‍हो-ल्‍हो ग्‍योत्‍री तम् पङ्‍ब तीप्‍ज्‍यी पङ्‌सम् ख्रीस्‍ट्‍त बीस्‍वास् अस्‍य्‍हेङ्‌बे म्‍हीमातेङ् चु तम्‍मा अगोबे म्‍हीमा हुजुरी खबल मुसम् ता थेङ्‍यीमाचे एङ्‌यीमात म्‍योनेम् बी अपङो स्‍यीम्?

१ कोरीन्‍थी 14:3

तर अगम्बानी पङ्‍बलचे म्‍हीमाचे गोबे ग्‍योत्‍री तम् पङ्‍ब। ओसेम् हुजु तम् म्‍हीमाकी बीस्‍वास्‍त कोङ्‍न लबरी, आर् पीन्‍बरी ओसेम् सान्‍ती पीन्‍बरी पङ्‍ब।

१ कोरीन्‍थी 3:13

जम्‍मनो म्‍हीमाचे स्‍य्‍हेङ्‌बे लक् न्‍यायकी दीन्‍री म्रङ्‌स्‍ये मुब। तलेपङ्‍सम् हुजु दीन्‍री थेङ्‍यीमाचे स्‍हेङ्‍बे लक् खतेब टीम् बी मेरी युज्‍यीम् जाच्‍तीस्‍ये मुब।

फीलीप्‍पी 4:5

एङ्‍यीमाचे जम्‍मतेङ्‍नो स्‍य्‍हेङ्‌बे ज्‍यबे ब्‍यबहार् जम्‍मनो म्‍हीमाचे स्‍येःखइ। प्रभु ग्‍योनेनो ब्‍योन्‍खजेत्‍स्‍ये मुब।

१ थेस्‍लोनीकी 4:18

होत्‍तज्‍यीम् चु तम्‍मा ग्‍यम्‍चे एङ्‍यीमा गीःचे गीःत आर् पीनो।

१ थेस्‍लोनीकी 5:11

होत्‍तज्‍यीम् एङ्‍यीमाचे देरे स्‍य्‍हेङ्‍टीब र्‌हङ्‌ले गीःचे गीःत आर् पीन्‍ज्‍यीम् गीःचे गीःत कोङ्‍न लउ।

हीब्रु 10:24

ङ्‍य्‍ङ्‍मा गीःचे गीःत म्‍होइबतेङ् ज्‍यबे लक् स्‍य्‍हेङ्‌बे लागीरी खले आर् पीन्‍ब पङ्‍बे तम् म्‍हेन्‍के।

हीब्रु 10:37

तलेपङ्‍सम् धर्‌म छ्‌येःरी पर्‌मेस्‍वर्‌चे चोले सुङ्‌बल मुब, “य्‍हम्‍बगीरीनो युस्‍येलमी युस्‍येनो मुब, ओसेम् थे गेःस्‍ये अरे।”

हीब्रु 13:22

बीस्‍वासी र्‌होमा, ङ एङ्‍यीमात फ्‍यालब, एङ्‍यीमाचे ङइ अर्‌तीमा ज्‍यनले ङ्‌येनो तलेपङ्‍सम् ङचे तुन्‍जले ब्रीबल मुब।

हीब्रु 3:13

तर खेमसम्‍म “तीङ्‍यीइ दीन्” पङ्‍बे तम् मुब, होदे सम्‍मनो गीःचे गीःत आर् पीनो। होले स्‍य्‍हेङ्‌सम् पाप्‍की छल्‍माचे एङ्‌यीमाकी सेम् कोङ्‌स्‍ये अरे।

याकुब 5:8

होलेनो एङ्‌यीमाएनो धैर्‌य लज्‍यीम् टीउ, ओसेम् प्रभुरी भरोसा कोङनले थेनो, तलेपङ्‌सम् प्रभु ब्‍योन्‍युबे दीन् ज्‍यदङ् खटीबल मुब।

१ पत्रुस 4:7

जम्‍बुलीङ्‌की जम्‍मनो स्‍हेमा बेबे बेलो ज्‍यतङ् खबल मुब। होलेतज्‍यीम् एङ्‍यीमा प्रार्‌थनाकी लागीरी सेम् दुल्‍ज्‍यीम् चोङ्‍ले टीउ।

२ पत्रुस 3:11

जम्‍मनो स्‍हेमा चोले नास् स्‍य्‍हेङ्‍स्‍ये तबल तज्‍यीम् एङ्‍यीमाचे र्‌हङ् खतेबे म्‍ही तथोब? एङ्‍यीमा पबीत्रतेङ् पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‌ज्‍यीम् ब्रबे म्‍ही तथोब।

२ पत्रुस 3:14

होत्‍तज्‍यीम् म्‍होइबे र्‌होमा, हुजु दीन् ब्रेन्‍बतेङ् पर्‌मेस्‍वर्‌की ङोन्‍री पबीत्रतेङ् तइ दागएनो अरेबल तबरी ओसेम् थेङ्‍तेङ् सान्‍तीले टीबरी बङ् लो।

२ पत्रुस 3:9

र्‌हङ्‌चे स्‍य्‍हेङ्‍जेत्‍पे बाचा टोप् लबरी प्रभुचे गेःजेत्‍प बी डेत्‍डेत् म्‍हीमाचे पङ्‌लेनो थेङ् गेःअजेत, बरु एङ्‍यीमान्‍हङ्‍री खलेएनो नास् अतखइ, तर जम्‍मचेनो र्‌हङ्‍की पाप्की पस्‍चताप स्‍य्‍हेङ्‌खइ पङ्‍बे थुः थेङ्‌ल मुबल तज्‍यीम् थेङ्‍चे एङ्‍यीमात ब्रेन्‍जेत्‍टीब मुब।

यहुदा 1:19

एङ्‌यीमात थीनलबे म्‍हीमा चुमानो य्‍हीन्‍ब। थेङ्‍यीमाचे र्‌हङ्‍की सेम्‍चे ता स्‍य्‍हेङ्‍गे म्‍हेन्‍ज्‍यी हुजु स्‍य्‍हेङ्‌ब, ओसेम् थेङ्‍यीमातेङ् पर्‌मेस्‍वर्‌की आत्‍मा अत।