हीब्रु 10:19 - पश्‍चिम तामाङ

¹⁹ होत्‍तज्‍यीम् बीस्‍वासी र्‌होमा, येसुइ काचे लज्‍यीम् ङ्‍य्‍हङ्‍माचे गोदोब्‍न्‍हङ्‍की पबीत्र ग्‍लारी आर्‌ले वङ्‌ब खम्‍ब।

हीब्रु 10:19 ပူးပေါင်းရင်းမြစ်များ

रोमी 5:2

प्रभु येसु ख्रीस्‍ट्‌चेनो ङ्‍य्‍हङ्‍मात बीस्‍वास् ग्‍यम्‍से पर्‌मेस्‍वर्‌की अनुग्रहरी वङ्‍म्‍यङ्‍न लजेत्‍पल मुब। देरे ङ्‍य्‍हङ्‍मा चु अनुग्रहरी सोटीब मुब। ओसेम् ङ्‍य्‍हङ्‍मा पर्‌मेस्‍वर्‌की महीमारी र्‌हुब् तस्‍येकी आसारी तङ्‍ब।

रोमी 8:15

तलेपङ्‍सम् ङ्‍य्‍हङ्‍मात देबेनो बाना स्‍य्‍हेङ्‌ज्‍यीम् लोङ्‍बरी थेन्‍बे आत्‍मा अय्‍हीन् तर ङ्‍य्‍हङ्‍मात पर्‌मेस्‍वर्‌की ज जमे तन लबे आत्‍मा ङ्‍य्‍हङ्‍माचे यङ्‌बल मुब, होत्‍तज्‍यीम् ङ्‍य्‍हङ्‍माचे पर्‌मेस्‍वर्‌त “अब्‍बा, अप” पङ्‍ज्‍यीम् ङ्‍होत्‍प।

एफीसी 2:18

ओसेम् थेङ् ग्‍यम्सेनो यहुदीतेङ् यहुदी अय्‍हीन्‍बे म्‍हीमा ङ्‌य्‍हङ् जम्‍मनो थो गीःइ पबीत्र आत्‍मारी पर्‌मेस्‍वर् अपइ ङोन्‍री ङ्‍यीम्‍यङ्‍बल मुब।

एफीसी 3:12

ओसेम् ङ्‍य्‍हङ्‍मा ख्रीस्‍ट्‍री तज्‍यीम् ओसेम् थेङ्‍री बीस्‍वास् लज्‍यीम्‍नो ङ्‍य्‍हङ्‍माचे पर्‌मेस्‍वर्‌की ङोन्‍री ङ्‌यीबे आर्‌तेङ् भर् यङ्‌बल मुब।

२ तीमोथी 1:7

तलेपङ्‍सम् पर्‌मेस्‍वर्‌चे ङ्‍य्‍हङ्‍त लोङ्‍बे आत्‍मा अय्‍हीन् तर सक्‍तीतेङ् म्‍होइब ओसेम् र्‌हङ्‌चे र्‌हङ्‍त दुल्‍बे आत्‍मा न्‍हङ्‌जेत्‍पल मुब।

हीब्रु 10:18

होत्‍तज्‍यीम् ङ्‍य्‍हङ्‍माकी चु जम्‍मनो पाप्‍मा क्षमा तबल तज्‍यीम् देबेएनो पाप् ख्रुबे ठा पीन्‍टीअथो।

हीब्रु 10:35

होत्‍तज्‍यीम् आर् लज्‍यीम् टीब थपीतो, चु ग्‍यम्सेनो एङ्‍यीमाचे ङ्‍हच्‍छ्‌यङ् बक्सीस् यङ्‍स्‍ये मुब।

हीब्रु 12:28

होत्‍तज्‍यीम् य्‍होङ्ब अखम्‍बे य्‍हुल् यङ्‌बल तज्‍यीम् ङ्‍य्‍हङ्‍माचे पर्‌मेस्‍वर्‌त व्‍होर्‌छ्‌ये पीन्‍गे। ओसेम् थेङ्‌त तङ्‍नलबरी स्‍य्‍हेस लज्‍यीम् थेङ्‌तेङ् लोङ्‌ज्‍यीम् थेङ्‌त तेन्‍के।

हीब्रु 3:1

होत्‍तज्‍यीम् पर्‌मेस्‍वर्‌चे ङ्‌होत्‍जेत्‍पे पबीत्र बीस्‍वासी र्‌होमा, ङ्‍य्‍हङ्‍माचे प्रेरीत्‍तेङ् गोदोब्‍न्‍हङ्‍की ङ्‍हच्‍छ्‌यङ् लम्‍बु पङ्‍ज्‍यीम् स्‍वीकार् लबे येसुइ बारेरी एङ्‍यीमाचे ज्‍यनले म्‍हेनो।

हीब्रु 3:6

तर ख्रीस्‍ट्‍मी पर्‌मेस्‍वर्‌की जम्‍मनो म्‍हीमाइ गुङ्‍री अधीकार् यङ्‍बे ज र्‌हङ्‌बे बीस्‍वासीलो मुब। ओसेम् ङ्‍य्‍हङ्‍माचे ख्रीस्‍ट्‌री थेन्‍बे ङ्‍य्‍हङ्‍माकी आस्‍री र्‌हङ्‍की आर्‌तेङ् भर् थेन्‍स्‍यीनो टीज्‍यी पङ्‌सम् ङ्‍य्‍हङ्‍मा पर्‌मेस्‍वर्‌की म्‍हीमा य्‍हीन्‍ब।

हीब्रु 4:16

होत्‍तज्‍यीम् चेकेएनो अलोङ्‌नले पर्‌मेस्‍वर्‌की अनुग्रहकी ठीइ ङोन्‍री ङ्‍यीइ, ओसेम् तोःबे बेलोरी ङ्‍य्‍हङ्‍माचे र्‌हो यङ्‍बे लागीरी कृपातेङ् अनुग्रह यङ्‍स्‍ये मुब।

हीब्रु 7:25

होत्‍तज्‍यीम् थेङ् ग्‍यम्‍से पर्‌मेस्‍वर्‌ज खबलमात थेङ्‍चे खेम पङ्‌लेनो थर्‌नलजेत्‍प खम्‍ब, तलेपङ्‌सम् थेङ्‌यीमाकी लागीरी पर्‌मेस्‍वर्‌तेङ् प्रार्‌थना स्‍य्‍हेङ्‌बरी थेङ् खेम पङ्‌लेनोइ लागीरी सोस्‍यीनो टीजेत्‍पल मुब।

हीब्रु 9:12

थेङ्‍चे बोकमातेङ् ग्‍लब् य्‍हरुमाइ का नोम्‍अजेत्, तर र्‌हङ्‍की का नोम्‍ज्‍यीम् गोदोब्‍न्‍हङ्‍की पबीत्र ग्‍लारी खेमपङ्‍लेनोइ लागीरी तीक्‍ख्‍यप्‍कीनो वङ्‍जेत्‍ज्‍यी, ओसेम् चोले ङ्‍य्‍हङ्‍मात खेम पङ्‍लेनोइ लागीरी टीबे मुक्‍ती न्‍हङ्‍जेत्‍ज्‍यी।

हीब्रु 9:3

हुजु पर्‌दइ ग्‍यब्‍की कोठत गोदोब्‍न्‍हङ्‍की पबीत्र ग्‍ला पङ्‍ब मुबल।

१ युहन्‍ना 4:17

चोले ङ्‍य्‍हङ्‍मान्‍हङ् म्‍होइब टोप् तबल तब, ओसेम् न्‍यायकी दीन्‍री ङ्‍य्‍हङ्‍मा लोङ्‍अथो, तलेपङ्‍सम् ख्रीस्‍ट् खतेब मुब जम्‍बुलीङ्‌री ङ्‍य्‍हङ्‍एनो होतेब मुब।