हीब्रु 1:6 - पश्‍चिम तामाङ

⁶ ओसेम् पर्‌मेस्‍वर्‌चे र्‌हङ्‍की गीकीनो जत जम्‍बुलीङ्‌री पीत्‍युजेत्‍पे बेलोरी चोले सुङ्‌जेत्‍ज्‍यी, “पर्‌मेस्‍वर्‌की जम्‍मनो स्‍वर्‌गदुत्‍माचे थेत तेन्‍खइ।”

हीब्रु 1:6 ပူးပေါင်းရင်းမြစ်များ

मत्‍ती 24:14

ओसेम् स्‍वर्‌गइ य्‍हुल्‍की ज्‍यबे सम्‍तर् जम्‍बुलीङ्‌की जम्‍मनो ग्‍लामारी जम्‍म जातीमात गवाहीकी लागीरी स्‍येत्‍स्‍ये मुब, हुजु लीप्‍चे जम्‍बुलीङ् नास् तस्‍ये मुब।

युहन्‍ना 1:14

फ्रोइ म्‍ही तजेत्‍ज्‍यीम् ङ्‌य्‍हङ्‌माकी गुङ्‍री स्‍य्‍हुजेत्‍ज्‍यी। थेङ् अनुग्रहतेङ् देमेन्‍चे प्‍लीङ्‍जेत्‍पल मुबल। ङ्‍य्‍हङ्‍माचे थेङ्‌की महीमा म्रङ्‍ज्‍यी। हुजु महीमा अप ग्‍यम्‍से गीकीनो मुबे जत युबल मुबल।

युहन्‍ना 1:18

खल्‍चेएनो पर्‌मेस्‍वर्‌त खेमेएनो म्रङ्‌बल अरे। अपतेङ् बक्‍च्‍य मुबे गीकीनो ज र्‌हङ्‌नो पर्‌मेस्‍वर्‌चे अपत स्‍येन लजेत्‍पल मुब।

युहन्‍ना 3:16

तलेपङ्‍सम् पर्‌मेस्‍वर्‌चे जम्‍बुलीङ्‌की म्‍हीमात य्‍हक्‍को म्‍होइज्‍यीम् र्‌हङ्‌की गीःकीनो मुबे जत पीत्‍युजेत्‍ज्‍यी। खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेङ्‍यीमा खलएनो नास् तस्‍ये अरे तर थेङ्‍यीमाचे खेमेएनो अबेबे जीवन् यङ्‍स्‍ये मुब।

रोमी 8:29

ख्रीस्‍ट् य्‍हक्‍को अले अङमाइ अज्‍यो ग्रेन् तखइ पङ्‍ज्‍यीम् पर्‌मेस्‍वर्‌चे ङोन्‍ग्‍यम्‍नो खेम्‍जेत्‍पलमात र्‌हङ्‍की ज र्‌हङ्‍ब तबरी दम्‍जेत्‍ज्‍यी।

कलस्‍सी 1:15

म्रङ्‌ब अखम्‍बे पर्‌मेस्‍वर्‌की रुप्‍मी ख्रीस्‍ट्‍नो य्‍हीन्‍ब। थेङ् पर्‌मेस्‍वर्‌चे स्‍य्‍हेङ्‍जेत्‍पे जम्‍मनो स्‍हेमा बीम ग्रेन् य्‍हीन्‍ब।

कलस्‍सी 1:18

थेङ्‌की ल्‍हीः मन्‍डली य्‍हीन्‍ब ओसेम् हुजुइ क्रमी थेङ् य्‍हीन्‍ब। थेङ्‍नो सुरु य्‍हीन्‍ब ओसेम् स्‍यीब ग्‍यम्‍से सोबलमान्‍हङ्‍री गोदोब्‍न्‍हङ् ङोन्‍ग्‍यम् सोबलएनो ख्रीस्‍ट्‍नो य्‍हीन्‍ब। होत्‍तज्‍यीम् थेङ् गोदोब्‍न्‍हङ्‍री ग्रेन् य्‍हीन्‍ब।

हीब्रु 1:5

तलेपङ्‍सम् पर्‌मेस्‍वर्‌चे खेमेएनो स्‍वर्‌गदुत्‍मात चोले सुङ्‍अजेत, “ए ङइ ज य्हीन्‍ब, तीङ्‌यी ङ एइ अप तबल मुब।” ओसेम् थेङ्‍चे देबेएनो, “ङ थेइ अप तस्‍ये मुब, ओसेम् थे ङइ ज तस्‍ये मुब” बी खजु स्‍वर्‌गुदुत्‍तएनो खेमेएनो सुङ्‍अजेत्।

हीब्रु 10:5

होत्‍तज्‍यीम् जम्‍बुलीङ्‌री ब्‍योन्‍युबे बेलोरी ख्रीस्‍ट्‍चे पर्‌मेस्‍वर्‌त चोले सुङ्‌जेत्‍ज्‍यी, “थेङ्‍चे सेम्‍ज्‍येन्की ठातेङ् भेटीमा म्‍हइअजेत्, तर थेङ्‍चे ङइ लागीरी थेङ्‍त ठा पीन्‍बरी ल्‍हीः गीः टोप् लजेत्‍पल मुब।”

१ पत्रुस 3:22

थेङ् स्‍वर्‌गरी स्‍येजेत्‍ज्‍यी, ओसेम् देरे पर्‌मेस्‍वर्‌की केत् पट्‍टीचे स्‍य्‍हेस यङ्‍बे ग्‍लारी स्‍य्‍हुजेत्‍ज्‍यी। ओसेम् जम्‍मनो स्‍वर्‌गइ स्‍वर्‌गदुत्‍मा, स्‍वर्‌गइ अधीकार्‌तेङ् सक्‍ती मुबे आत्‍मामा थेङ्‌की अधीन्‍री मुब।

१ युहन्‍ना 4:9

पर्‌मेस्‍वर्‌चे थेङ्‌की म्‍होइब ङ्‌य्‍हङ्‍मात चोले ङोन्‍जेत्‍ज्‍यी, की ङ्‍य्‍हङ्‍माचे जीवन् यङ्‍खइ पङ्‍ज्‍यीम् थेङ्‌की गीःकीनो मुबे जत जम्‍बुलीङ्‌री पीत्‍युजेत्‍ज्‍यी।

प्रकास 1:5

बीस्‍वास्‍योग्‍य साक्षी ओसेम् स्‍यीब ग्‍यम्‍से सोबलमान्‍हङ्‍री जम्‍मन्‍हङ्‍री ङोन्‍ग्‍यम् सोजेत्‍पल, ओसेम् जम्‍बुलीङ्‌की ग्‍यल्‍बोमाकी ग्‍यल्‍बो येसु ख्रीस्‍ट् ग्‍यम्‍से एङ्‍यीमात अनुग्रहतेङ् सान्‍ती। येसु ख्रीस्‍ट्‍चे ङ्‍य्‍हङ्‍मात म्‍होइजेत्‍प ओसेम् र्‌हङ्‍की काचे ङ्‍य्‍हङ्‍मात ङ्‍य्‍हङ्‍माकी पाप्‍मा ग्‍यम्‍से फेःपीन्‍जेत्‍पल मुब।