हीब्रु 1:3 - पश्चिम तामाङ3 थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब। အခန်းကိုကြည့်ပါ။ |
हीब्रु 1:3
42 ပူးပေါင်းရင်းမြစ်များ
पर्मेस्वर् अपचे येसुत स्हेस न्हङ्ज्यीम् थेङ्की केत्पट्टीचे थेन्जेत्ज्यी। ओसेम् र्हङ्चे स्य्हेङ्जेत्पे बाचा अनुसार येसुत पबीत्र आत्मा न्हङ्जेत्ज्यी। येसुचे हुजु पबीत्र आत्मा ङ्य्हङ्मात पीत्युजेत्पल मुब, तीन्हम्स्यो एङ्यीमाचे म्रङ्बतेङ् थ्येःबे चु तम्मा हुजुनो य्हीन्ब।
होले तज्यीम् ङ्य्हङ्मात खल्चे दन्ड पीन्ब? खल्चेएनो अपीन्, तलेपङ्सम् येसु ख्रीस्ट् ङ्य्हङ्माकी लागीरी स्यीजेत्ज्यी। थेङ् स्यीबकीएनो अय्हीन् ङ्य्हङ्माकी लागीरी स्यीब ग्यम्से सोएनो सोजेत्ज्यी, ओसेम् पर्मेस्वर्की केत् फ्या पट्टीचे स्य्हुटीब मुब, ओसेम् ङ्य्हङ्माकी लागीरी पर्मेस्वर्तेङ् फ्याएनो लपीन्जेत्टीप।
ङ्य्हङ्माकी बीस्वास् तीप्जेत्पतेङ् टोप् लजेत्पे येसुत च्यास्यीनो टीइ। क्रुस्की दुखचे लज्यीम् थेङ् ग्यप्चे सार्तीअजेत्, तर हुजुइ देब्री दुख नाब बीसेम् यङ्स्येकी तङ्बइ लागीरी म्हीमाचे क्रुस्री पेत्नलबे तम्त तएनो अय्हीन् बी म्हेन्जेत्ज्यी। देरेम् थेङ् पर्मेस्वर्की ठीःइ केत् फ्या पट्टी स्य्हुजेत्पल मुब।
तलेपङ्सम् ङ्य्हङ्की प्रभु येसु ख्रीस्ट् ङ्हच्छ्यङ् महीमातेङ् सक्तीरी दोःज्यीम् ब्योन्युजेत्स्ये मुब पङ्बे तम् ङ्यीमाचे एङ्यीमात म्हीमाचे स्य्हेङ्बे अर्तमा ग्यम्से पङ्बल अय्हीन्। तर ङ्यीमाकी र्हङ्की मीःचेनो थेङ्की ङ्हच्छ्यङ् महीमा म्रङ्बल तज्यीम् चु तम् पङ्बल य्हीन्ब।
ကြော်ငြာတွေ