गलाती 6:2 - पश्‍चिम तामाङ

² एङ्‍यीमाचे गीःचे गीःकी दुखरी र्‌हो लउ। चोले एङ्‍यीमाचे ख्रीस्‍ट्‍की नीयम् ङ्‍येन्‍स्‍ये मुब।

गलाती 6:2 ပူးပေါင်းရင်းမြစ်များ

मत्‍ती 8:17

चोले यसैया अगम्‍बक्‍तचे पङ्‍बे तम् टोप् तज्‍यी- “थेङ्‌चे ङ्‌य्‍हङ्‌माकी नबमा नोम्‍जेत्‍ज्‍यी, ओसेम् ङ्‌य्‍हङ्‌माकी रोगमात नाजेत्‍ज्‍यी।”

लुका 11:46

ओसेम् येसुचे सुङ्‌ज्‍यी, “धीक्‍कार एङ्‌यी धर्‌म लोप्‍पोन्‍मातएनो! तलेपङ्‍सम् एङ्‍यीमाचे म्‍हीमात य्‍हक्‍को ल्‍हीबे दोत् कल्‍पीन्‍बल मुब। तर एङ्‍यीमाचे थेङ्‌यीमात या जुमी गीःएनो छ्‌यपीन्‍बल अरे।”

युहन्‍ना 13:34

देरेम् ङ एङ्‌यीमात छार् अर्‌ती गी कुल्‍ब, एङ्‍यीमा गीःचे गीःत म्‍होइगो। ङचे एङ्‌यीमात म्‍होइब र्‌हङ्‌लेनो, एङ्‌यीमाचेएनो गीःचे गीःत म्‍होइगो।

युहन्‍ना 15:12

“ङचे कुल्‍बे अर्‌ती चुनो य्‍हीन्‍ब, खले ङचे एङ्‌यीमात म्‍होइज्‍यी, होलेनो एङ्‌यीमाचेएनो गीःचे गीःत म्‍होइगो।

रोमी 15:1

ङ्‌य्‍हङ्‌मा बीस्‍वास्‍री कोङ्‌बलमाचे र्‌हङ्‌तकीनो तङ्‌न लब अय्‍हीन्, बीस्‍वास्‍री अकोङ्‌बलमातएनो र्‌हो लथोब।

रोमी 8:2

येसु ख्रीस्‍ट् ग्‍यम्‍से जीवन् न्‍हङ्‌बे आत्‍माइ सक्‍तीचे ङ्‍य्‍हङ्‍मात पाप्‍तेङ् स्‍यीबइ सक्‍ती ग्‍यम्‍से फेःपीन्‍जेत्‍पल मुब।

१ कोरीन्‍थी 9:21

यहुदी अय्‍हीन्‍बे म्‍हीमाकी गुङ्‍री थेङ्‍यीमाचे ख्रीस्‍ट्‍त बीस्‍वास् स्‍य्‍हेङ्‌खइ पङ्‍ज्‍यीम् ङचेएनो यहुदी नीयम् अरेबलमाचे रहङ्‍ब स्‍य्‍हेङ्‌ज्‍यी। चु पङ्‍बलमी ङचे मोसाचे ब्रीबे पर्‌मेस्‍वर्‌की नीयम्‍त अङ्‍येन् पङ्‍बल अय्‍हीन्, ङ ख्रीस्‍ट्‍की नीयम्‍त ङ्‍येन्‍ब।

गलाती 6:5

तलेपङ्‍सम् जम्‍मचेनो र्‌हङ्‌चे यङ्‍बे लक्‍की जीम्‍मा र्‌हङ् र्‌हङ्‍चेनो टोप् लथोब।

१ थेस्‍लोनीकी 5:14

ङइ र्‌होमा, ङ्‌यीमा एङ्‌यीमात फ्‍या लज्‍यीम् पङ्‍ब, लक् स्‍य्‍हेङ्‌बरी ब्‍लेकु तबलमात एङ्‍यीमाचे चेतावनी पीनो, लोङ्‍बलमात आर् पीनो, अखम्‍बलमात र्‌हो लउ, ओसेम् जम्‍मतनो नाको।

याकुब 1:25

तर एङ्‍यीमाचेम् म्‍हीमात पाप ग्‍यम्‍से फे:पीन्‍बे सीद्‍द नीयम्‍त ज्‍यनले ङ्‌येन्‍ज्‍यीम् एङ्‍यीमाचे थ्‍येःबे हुजु नीयम्‍त म्‍लेत्‍प अय्‍हीन्, तर नीयम अनुसार ब्रसम् पर्‌मेस्‍वर्‌चे एङ्‌यीमात मोलम् न्‍हङ्‌जेत्स्‍ये मुब।

याकुब 2:12

होत्‍तज्‍यीम् एङ्‍यीमाचे तइ तम् पङ्‌लेनो ओसेम् त स्‍य्‍हेङ्‍लएनो ङ्‍य्‍हङ्‍मात पाप ग्‍यम्‍से फे:पीन्‍बे नीयम अनुसार न्‍याय यङ्‍बलमाल र्‌हङ्‍ब तथोब।

याकुब 2:8

धर्‌म छ्‍ये:री यङ्‍बे, “र्‌हङ्‍की खीम्‍सेत र्‌हङ्‍त र्‌हङ्‌लेनो म्‍होइगो” पङ्‍बे पर्‌मेस्‍वर्‌की य्‍हुल्‍की नीयम्‍त एङ्‍यीमाचे ङ्‍येन्‍ज्‍यी पङ्‌सम् ज्‍यब स्‍य्‍हेङ्‌ब।

१ पत्रुस 2:24

ङ्‍य्‍हङ्‍माचे पाप स्‍य्‍हेङ्‌ब पीत्‍ज्‍यीम् धार्‌मीक् जीवन् सोखइ पङ्‍ज्‍यीम् ख्रीस्‍ट्‍चे ङ्‍य्‍हङ्‍माकी पाप थेङ्‌की ल्‍हीःरी नाजेत्‍ज्‍यीम् क्रुस्‍री च्‍योजेत्‍ज्‍यी। थेङ्‌की म्‍हगमा ग्‍यम्‍से एङ्‍यीमा फेन्‍बल मुब।

२ पत्रुस 2:21

तलेपङ्‍सम् पर्‌मेस्‍वर्‌चे कुल्‍जेत्‍पे पबीत्र तम् थेङ्‍यीमाचे स्‍येःज्‍यीम्‍एनो हुजु तम् र्‌हङ्‌ले ब्रबरी अङ्‌येन्‍ब बीमम् बरु थेङ्‍यीमाचे धार्‌मीक्‍ताकी ग्‍यम् खेमेएनो अस्‍येःबल य्‍हीन्‍सम् ज्‍यब तस्‍येल।

२ पत्रुस 3:2

दङ्‍बोइ पबीत्र अगम्‍बक्‍तमाचे पङ्‍बे तम् ओसेम् एङ्‌यीमाकी प्रेरीत्‍मा ग्‍यम्‍से स्‍येत्‍पे ङ्‍य्‍हङ्‍की प्रभुतेङ् मुक्‍तीदाताचे कुल्‍जेत्‍पे फ्रोइत एङ्‍यीमाचे खेम पङ्‌लेनो व्‍हल् लथोब।

१ युहन्‍ना 4:21

खल्‍चे पर्‌मेस्‍वर्‌त म्‍होइब थेचे ल्‍हो-ल्‍हो बीस्‍वासी र्‌होमातएनो म्‍होइथोब। चुनो ङ्‌य्‍हङ्‍मात ख्रीस्‍ट्‍चे कुल्‍जेत्‍पे अर्‌ती य्‍हीन्‍ब।