गलाती 6:14 - पश्‍चिम तामाङ

¹⁴ तर ङमी ल्‍हो-ल्‍हो तइ तम्‍रीएनो अय्‍हीन्, ङ्‍य्‍हङ्‍की प्रभु येसु ख्रीस्‍ट्‍की क्रुस्‍रीकीनो घमन्‍ड स्‍य्‍हेङ्‍ब। थेङ् क्रुस्‍री स्‍यीजेत्‍पल तज्‍यीम् जम्‍बुलीङ् ङइ लागीरी स्‍यीबल मुब ओसेम् ङ जम्‍बुलीङ्‌की स्‍हेःमाकी लागीरी स्‍यीबल मुब।

गलाती 6:14 ပူးပေါင်းရင်းမြစ်များ

लुका 20:16

ङ एङ्‌यीमात पङ्‌ब, थे खज्‍यीम् थेङ्‌यीमात सेत्‍लाज्‍यीम् हुजु अङ्‌गुर्‌की म्रङ् ल्‍हो-ल्‍होमात पीन्‍स्‍ये मुब।” म्‍हीमाचे चु थ्‍येःज्‍यीम् पङ्‌ज्‍यी, “चोतेब खेमेएनो अतखइ!”

रोमी 1:16

ङ चु ज्‍यबे सम्‍तर् स्‍येत्‍परी अपेत्। तलेपङ्‌सम् चु बीस्‍वास् स्‍य्‍हेङ्‌बलमा जम्‍मइ मुक्‍तीइ लागीरी पर्‌मेस्‍वर्‌की सक्‍ती य्‍हीन्‍ब, ङोन्‍ग्‍यम् यहुदीमाकी लागीरी ओसेम् यहुदी अय्‍हीन्‍बे म्‍हीमाइ लागीरीएनो य्‍हीन्‍ब।

रोमी 6:2

होले स्‍य्‍हेङ्‍ब अत! ङ्‍य्‍हङ्‍मामी पाप्‍की लागीरी स्‍यीज्‍यी, होलेपङ्‌सम् ङ्‍य्‍हङ्‍माइ जीवन्‍री देबेएनो खले पाप स्‍य्‍हेङ्‍स्‍यीनो टीब खम्‍ब?

रोमी 6:6

ङ्‍य्‍हङ्‍माचे स्‍येब, पाप्‍की सक्‍तीचे सासन् स्‍य्‍हेङ्‌बे ङ्‍य्‍हङ्‍माकी जीवन् नास् तखइ ओसेम् ङ्‍य्‍हङ्‍मा पाप्‍की बाना तटीअथोखइ पङ्‍ज्‍यीम् ङ्‍य्‍हङ्‍माकी ङोन्‍ग्‍यम्‍की जीवन् ख्रीस्‍ट्‌तेङ् बक्‍च्‍य क्रुस्‍री च्‍योलाज्‍यी।

१ कोरीन्‍थी 1:23

तर ङ्‍यीमाचेमी क्रुस्‍री च्‍योज्‍यीम् सेत्‍पे ख्रीस्‍ट्‍की प्रचार् स्‍य्‍हेङ्‍ब। यहुदीमाकी लागीरी चु तम् थोक्‍पे तम् तज्‍यी, ओसेम् ग्रीक्‍माकी लागीरी चु मुर्‌ख तम् तज्‍यी।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

१ कोरीन्‍थी 2:2

तलेपङ्‍सम् ङ एङ्‌यीमातेङ् मुबे बेलोरी येसु ख्रीस्‍ट्‍तेङ् थेङ् क्रुस्‍री च्‍योज्‍यीम् स्‍यीजेत्‍पे तम्कीनो स्‍येत्‍पे सेम् लज्‍यी।

१ कोरीन्‍थी 3:21

होत्‍तज्‍यीम् खल्‍चेएनो म्‍हीचे स्‍य्‍हेङ्‍ब खम्‍बे लक्‍री घमन्‍ड अस्‍य्‍हेङ्‌खइ। तलेपङ्‍सम् जम्‍मनो एङ्‌यीमालनो य्‍हीन्‍ब,

२ कोरीन्‍थी 11:12

हुजु र्‌हङ्‌चे र्‌हङ्‍त कोत्‍ज्‍यीम् प्रेरीत् पङ्‍बे म्‍हीमाचे ङ्‌यीमाचे र्‌हङ्‍बे लक् स्‍य्‍हेङ्‌ज्‍यी पङ्‍ज्‍यीम् घमन्‍ड लअम्‍यङ्‍खइ बी ङचे स्‍य्‍हेङ्‍टीबे लक् ङ स्‍य्‍हेङ्‍स्‍यीनो टीस्‍ये मुब।

गलाती 1:4

ङ्‍य्‍हङ्‍माकी पर्‌मेस्‍वर् अपइ थुः अनुसार् ङ्‍य्‍हङ्‍मात चु दुस्‍ट् जम्‍बुलीङ् ग्‍यम्‍से फेःपीन्‍बे लागीरी येसु ख्रीस्‍ट्‍चे र्‌हङ्‌तनो ङ्‍य्‍हङ्‍माकी पाप्‍माकी लागीरी स्‍यीबरी सोप्‍तीपीन्‍जेत्‍ज्‍यी।

गलाती 2:17

ङ्‌यीमा ख्रीस्‍ट्‍री बीस्‍वास् स्‍य्‍हेङ्‌ज्‍यीम् धर्‌मी तब म्‍हइब, तर ल्‍हो-ल्‍हो म्‍हीमाचे ङ्‌यीमाएनो यहुदी अय्‍हीन्‍बे म्‍हीमा र्‌हङ्‌ले पापीनो यङ्‌ज्‍यी पङ्‌सम् त ख्रीस्‍ट्‍चेनो ङ्‍य्‍हङ्‍मात पाप स्‍य्‍हेङ्‍नलजेत्‍प स्‍यीम्? होले स्‍य्‍हेङ्‍अजेत्!

गलाती 2:19

तलेपङ्‍सम् ङ मोसाचे ब्रीबे पर्‌मेस्‍वर्‌की नीयम् अनुसार् सोब म्‍हइमम् हुजु नीयम्‍चे ङत दोसी ङोन्‍ज्‍यी। होत्‍तज्‍यीम् पर्‌मेस्‍वर्‌की लागीरी सोब खम्‍खइ पङ्‍ज्‍यीम् ङचे हुजु नीयम् ङ्‌येन्‍ज्‍यीम् ब्रब पीत्‍ज्‍यी।

गलाती 2:20

ङ ख्रीस्‍ट्‍तेङ् बक्‍च्‍य क्रुस्‍री च्‍योबल मुब, देरे य्‍हङ्‍से सोबल ङ अय्‍हीन्, तर ख्रीस्‍ट् ङन्‍हङ् सोजेत्‍प। देरे ल्‍हीःरी सोबे चु जीवन् ङ पर्‌मेस्‍वर्‌की जत बीस्‍वास् स्‍य्‍हेङ्‌ज्‍यीम् सोब, थेङ्‌चेनो ङत म्‍होइजेत्‍ज्‍यी, ओसेम् ङइ लागीरी र्‌हङ्‌की जीवन् न्‍हङ्‍जेत्‍ज्‍यी।

गलाती 3:21

होले पङ्‌सम् ता मोसाचे ब्रीबे नीयम् पर्‌मेस्‍वर्‌चे स्‍य्‍हेङ्‍जेत्‍पे बाचामाइ बीरोधी य्‍हीन्‍ब? य्‍हीन्‍नो अय्‍हीन्। मोसाचे ब्रीबे नीयम् म्‍हीचे जीवन् यङ्‍खइ पङ्‍ज्यीम् पीन्‍बल य्‍हीन्‍सम् मोसाचे ब्रीबे नीयम् ङ्‌येन्‍ज्‍यीम्‍नो म्‍हीमा पर्‌मेस्‍वर्‌की ङोन्‍ग्‍यम् धर्‌मी ङोन्‍स्‍ये मुबल।

गलाती 5:24

खजु म्‍हीमा येसु ख्रीस्‍ट्‍ल य्‍हीन्‍ब, थेङ्‍यीमाचे पापी स्‍वभाबतेङ् बक्‍च्‍य पापी स्‍वाभाबचे स्‍य्‍हेङ्‍ब म्‍हेन्‍बे दुस्‍ट लक्‍मात क्रुस्‍री च्‍योलाबल तब।

फीलीप्‍पी 3:18

ङचे एङ्‍यीमात य्‍हक्‍को ख्‍यप् पङ्‍ज्‍यीन्‍बे तम् ङ देबेएनो मीःनङ्‍ले मीख्‍ली लज्‍यीम् पङ्‍ब की य्‍हक्‍को म्‍हीमा ख्रीस्‍ट्‍की क्रुस्‍की सत्‍तुर्‌नो तज्‍यीम् ब्रब।

फीलीप्‍पी 3:3

तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

कलस्‍सी 2:20

एङ्‍यीमामी ख्रीस्‍ट्‍तेङ् बक्‍च्‍य स्‍यीज्‍यीम् चु जम्‍बुलीङ्‌की आत्‍माइ सक्‍तीमा ग्‍यम्‍से फेःज्‍यीन्‍बल मुब। तले एङ्‍यीमा चु जम्‍बुलीङ्‍ल र्‌हङ्‍ब तज्‍यीम् सोटीब? तले एङ्‌यीमाचे चु स्‍य्‍हेङ्‍ब अत, म्‍य्‍हङ्‍ब अत ओसेम् छुब अत पङ्‍बे नीयम्‍मा ङ्‌येन्‍ज्‍यीम् ब्रब?