गलाती 4:25 - पश्‍चिम तामाङ

²⁵ बाना हागार्‌मी अरब् य्‍हुल्‍की सीनइ गङ् य्‍हीन्‍ब, ओसेम् हागर्‌त तीन्‍हम्‍स्‍य्‍होकी यरुस्‍लेम्‍तेङ्‍एनो व्‍हब खम्‍ब, तलेपङ्‍सम् यरुसलेम्‍की जम्‍मनो म्‍हीमा मोसाचे ब्रीबे नीयम्‍की बाना तबल मुब।

गलाती 4:25 ပူးပေါင်းရင်းမြစ်များ

मत्‍ती 23:37

“ओ यरुसलेम्‍की म्‍हीमा! एचे अगम्‍बक्‍तमात सेत्‍प, ओसेम् पर्‌मेस्‍वर्‌चे पीत्‍खजेत्‍पे चवमात युङ्‌बचे प्रुङ्‍ब। नक ममचे र्‌हङ्‌की ब्‍यब्‍चे कोलमात उप्‍प र्‌हङ्‌ले ङचे य्‍हक्‍को ख्‍यप् एङ्‌यीमात उप्‍पे सेम् लज्‍यी, तर एचे अङ्‍येन्।

लुका 13:34

“यरुसलेमकी म्‍हीमा! एङ्‍यीमाचे अगम्‍बक्‍तमात सेत्‍प ओसेम् पर्‌मेस्‍वर्‌चे पीत्‍युजेत्‍पे चवमात युङ्‌ब प्रुङ्‌ज्‍यीम् सेत्‍प। ङचे एङ्‌यीमाकी कोलमात नक ममाचे थेइ कोलमात ब्‍यब्‍चे उप्‍प र्‌हङ्‌ले उप्‍प छ्‌यज्‍यी, तर एङ्‌यीमा अङ्‌येन्।

लुका 19:44

ओसेम् थेङ्‍यीमाचे एइ सहर्‌तेङ् एइ कउरु न्‍हङ् मुबे म्‍हीमात नास् लस्‍ये मुब। ओसेम् थेङ्‍यीमाचे युङ्‌ब गीःएनो अस्‍हीनले थेन्‍स्‍ये अरे। तलेपङ्‍सम् पर्‌मेस्‍वर्‌चे एत थर्‌नलबरी ब्‍योन्‍युबे बेलो एचे अस्‍ये।”

प्रेरीत् 1:11

ओसेम् हुजु म्‍ही ङ्‍य्‍हीचे पङ्‍ज्‍यी, “गालील्‍की म्‍हीमा, तले एङ्‍यीमा रप्‍ज्‍यीम् नम्‍तीङ् च्‍याटीब? थेङ् एङ्‍यीमा ग्‍यम्‍से स्‍वर्‌गरी नोम्‍जेत्‍पल मुब। एङ्‍यीमाचे थेङ्‌त स्‍वर्‌गरी नोम्‍जेत्‍पल म्रङ्‌ब र्‌हङ्‌लेनो तीरेत् थेङ् देबेएनो दोःज्‍यीम् ब्‍योन्‍युस्‍ये मुब।”

गलाती 1:17

ओसेम् ङ बीम ङोन्‍नो प्रेरीत तबलमाज सल्‍ल कीन्‍बरीएनो ङ यरुसलेम्‍री अङ्‍यी, तर ङमी ग्‍योन् ग्‍योन्‍नो अरब् य्‍हुल्‍री ङ्‍यीज्‍यी। ओसेम् लीक्‍यम् ङ दमस्‍कस सहर्‌री दोःखज्‍यी।

गलाती 4:24

चु तम् ग्‍यम्‍से ङ्‍य्‍हङ्‍चे गोब खम्‍ब, की हुजु अमकोल ङ्‍य्‍ही पर्‌मेस्‍वर्‌चे र्‌हङ्‍की म्‍हीमातेङ् स्‍य्‍हेङ्‌बे करार् ङ्‍य्‍ही य्‍हीन्‍ब। बाना हागार्‌मी सीनइ पङ्‍बे गङ्‍री पर्‌मेस्‍वर्‌चे मोसात न्‍हङ्‌बे नीयम् य्‍हीन्‍ब। हुजु नीयम्‍त ङ्‍येन्‍बलमा हुजु नीयम्‍की बानामा य्‍हीन्‍ब।

गलाती 4:26

तर स्‍वर्‌गइ यरुस्‍लेम्‍मी स्‍वतन्‍त्र मुब, ओसेम् थेनो ङय्‍हङ्‍माकी अम य्‍हीन्‍ब।

हीब्रु 12:18

एङ्‍यीमा छुब खम्‍बे सीनइ पङ्‍बे गङ्‍री इस्राएली म्‍हीमा खब र्‌हङ्‌ले खबल अरे, हुजुरीमी मेइ ल्‍हम् लुम्‍टीब मुबल, य्‍हक्‍को म्‍हुन्‍दुङ् मुबल, म्‍लङ् मुक्‍पचे गप्‍टीब मुबल, ओसेम् लाबलुङ् खटीब मुबल।