गलाती 4:19 - पश्चिम तामाङ19 ङइ ज्यीद कोलमा, एङ्यीमा ख्रीस्ट्की स्वभाब थोःज्यीम् अब्रगदे सम्म कोल न्हबरी ल्हङ्दु खबतेङ् तब र्हङ्बे दुख ङत तस्यीनो टीब। အခန်းကိုကြည့်ပါ။ |
गलाती 4:19
28 ပူးပေါင်းရင်းမြစ်များ
पर्मेस्वर्चे चोले स्य्हेङ्जेत्ज्यी, तलेपङ्सम् एङ्यी यहुदी अय्हीन्बे म्हीमाचेएनो थेङ्की छुम्ज्यीम् थेन्बे महीमीत तम् गोब खम्खइ पङ्बे थुः लजेत्ज्यी। ओसेम् ख्रीस्ट् एङ्यीमातेङ् स्य्हुजेत्प पङ्बे तम्नो छुम्ज्यीम् थेन्बे तम् य्हीन्ब। चु पङ्बलमी एङ्यीमाचे पर्मेस्वर्की महीमा यङस्ये मुब पङ्बल य्हीन्ब।
येसु ख्रीस्ट्की लक् स्य्हेङ्बे एङ्यीमान्हङ्की इपाफ्रास पङ्बे अलेचेएनो लस्सो पीत्खबल मुब। थेचे एङ्यीमाकी लागीरी खेम पङ्लेनो प्रार्थना स्य्हेङ्स्यीनो टीब। पर्मेस्वर्चे थुः लजेत्पे जम्मनो तम्मा एङ्यीमाचे ज्यनले ङ्येन्ज्यीम् च्यीप्पे बीस्वासीमा तखइ पङ्बे प्रार्थना थेल मुब।
येसु चु जम्बुलीङ्री स्य्हुजेत्पे बेलोरी र्हङ्त स्यीब ग्यम्से थर्नलजेत्प खम्बे पर्मेस्वर्तेङ् बङ्ले क्रा-क्राज्यीम् मीचे मीख्ली तइज्यीम् फ्या लज्यीम् प्रार्थना स्य्हेङ्जेत्ज्यी। ओसेम् र्हङ्चे र्हङ्तनो सेम् य्हङ्सेनो सोप्तीजेत्पल तज्यीम् थेङ्की प्रार्थनात पर्मेस्वर्चे सेन्जेत्ज्यी।
ကြော်ငြာတွေ