गलाती 3:27 - पश्‍चिम तामाङ

²⁷ ओसेम् एङ्‌यी ख्रीस्‍ट्‍री बप्‍तीस्‍मा कीन्‍बलमा जम्‍मनो ख्रीस्‍ट् र्‌हङ्‍बनो तबल मुब।

गलाती 3:27 ပူးပေါင်းရင်းမြစ်များ

लुका 15:22

तर अपचे थेइ योक्‍पोमात पङ्‌ज्‍यी, ‘ग्‍योन्-ग्‍योन् चुत जम्‍मा न्‍हङ्‌री ज्‍यबे येन् बज्‍यीम् येन्‍बीनो। ओसेम् थेइ यारी च्‍यप्‍तेङ् कङ्‌री पनेइ येन्‍बीनो।

प्रेरीत् 16:15

हुजु लीप्‍चे लीडीयातेङ् थेइ दीम्‍की म्‍हेम्‍यमाचे बप्‍तीस्‍मा कीन्‍ज्‍यी। ओसेम् थेचे फ्‍या लज्‍यीम्, “थेङ्‍माचे ङत प्रभुत बीस्‍वास् स्‍य्‍हेङ्‌बे अङ म्‍हेन्‍सम् ङइ दीम्‍री ब्‍योन्‍खज्‍यीम् स्‍य्‍हुजेतो” बी पङ्‍ज्‍यीम् ङ्‍यीमात थेइ दीम्‍री ङ्‌यीबरी कर् लज्‍यी।

प्रेरीत् 2:38

ओसेम् पत्रुसचे थेङ्‌यीमात पङ्‍ज्‍यी, “देरेम् एङ्‍यीमा जम्‍मचेनो र्‌हङ्-र्‌हङ्‍की पापमाकी क्षमाकी लागीरी पस्‍चताप स्‍य्‍हेङो ओसेम् येसु ख्रीस्‍ट्‍की छेन्‍री बप्‍तीस्‍मा कीनो। ओसेम् एङ्‍यीमाचे पबीत्र आत्‍माइ बक्सीस् यङ्‍स्‍ये मुब।

प्रेरीत् 8:16

तलेपङ्‍सम् हुजु बेलोसम्‍म थेङ्‍यीमा खलइ जोरीएनो पबीत्र आत्‍मा ब्‍योन्‍युबल अरेबल। थेङ्‍यीमा प्रभु येसुइ छेन्‍रीकीनो बप्‍तीस्‍मा तबल मुबल।

प्रेरीत् 9:18

हननीयाचे चोले पङ्‍ब साच्‍चेनो साऊलकी मीः ग्‍यम्‍से गोरा र्‌हङ्‍ब तइज्‍यी। ओसेम् थेचे देबेएनो म्रङ्‍खम्‍ज्‍यी। म्रङ्‌ब बीसेम् रेःज्‍यीम् बप्‍तीस्‍मा कीन्‍ज्‍यी।

रोमी 13:14

तर एङ्‌यीमा प्रभु येसु ख्रीस्‍ट् र्‌हङ्‍ब तज्‍यीम् ब्रउ। ओसेम् एङ्‌यीमाकी ल्‍हीःकी पापी स्‍वभाब् अनुसार् लक् स्‍य्‍हेङ्‌बे सेम्‍त ख्‍लागो।

रोमी 3:22

येसु ख्रीस्‍ट्‍री बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌चे धर्‌मी स्‍य्‍हेङ्‌जेत्‍प। थेङ्‍चे खलतएनो ज्‍यीद ङ्‍हच्‍छ्‍यङ् म्‍हेन्‍अजेत्।

१ कोरीन्‍थी 10:2

ओसेम् थेङ्‍यीमा जम्‍मचेनो मोसाइ लीप्‍चे ब्रज्‍यीम् मुक्‍पतेङ् समुन्‍द्ररी बप्‍तीस्‍मा यङ्‌बल मुबल।

१ कोरीन्‍थी 12:13

तलेपङ्‍सम् ङ्‍य्‍हङ्‍मा यहुदी य्‍हीन्‍लेएनो, ग्रीक् य्‍हीन्‍लेएनो, बान य्‍हीन्‍लेएनो ओसेम् बाना अय्‍हीन्‍लेएनो ङ्‍य्‍हङ्‍माचे गीःनो पबीत्र आत्‍मा ग्‍यम्‍से बप्‍तीस्‍मा यङ्‌बल तज्‍यीम् ल्‍हीः गीःनो तबल मुब, ओसेम् ङ्‍य्‍हङ्‍मा जम्‍मचेनो गीःनो पबीत्र आत्‍मा यङ्‌बल मुब।

एफीसी 4:24

ओसेम् पर्‌मेस्‍वर्‌चे एङ्‌यीमात थेङ् र्‌हङ्‍ब तबे छार् स्‍वरुप् न्‍हङ्‌जेत्‍पल मुब। होत्‍तज्‍यीम् एङ्‌यीमाचे र्‌हङ्‍की जीवन् देमेन्‍की धार्‌मीक्‍तातेङ् पबीत्रतारी सोथोःब।

कलस्‍सी 3:10

देरेम् एङ्‌यीमाचे छार् जीवन् यङ्‌बल मुब। ओसेम् जम्‍मनो स्‍हेमा स्‍य्‍हेङ्‍जेत्‍पे पर्‌मेस्‍वर्‌त एङ्‍यीमाचे देमेन्‍नो स्‍येःखइ पङ्‍ज्‍यीम् थेङ्‍चे एङ्‌यीमात थेङ् र्‌हङ्‍बनो तनलजेत्‍टीब।

१ पत्रुस 3:21

हुजु यीचे बप्‍तीस्‍माकी सङ्‍केत् स्‍य्‍हेङ्‌ब, हुजुचे देरेम् एङ्‍यीमात थर्‌नलब। चु ल्‍हीइ ख्रीती ख्रुप र्‌हङ्‍ब अय्‍हीन्, तर चोखो बीबेक्‍चे पर्‌मेस्‍वर्‌तेङ् स्‍य्‍हेङ्‌बे बाचा य्‍हीन्‍ब। येसु ख्रीस्‍ट् स्‍यीजेत्‍ज्‍यीम् सोजेत्‍पल ग्‍यम्‍से एङ्‍यीमा थर्‌ब।