गलाती 3:23 - पश्चिम तामाङ23 तर पर्मेस्वर्चे ङ्य्हङ्मात ख्रीस्ट्री बीस्वास्की ग्यम् ङोन्जेत्प बीम ङोन्ग्यम् मोसाचे ब्रीबे पर्मेस्वर्की नीयम्चेनो ङ्य्हङ्मा जम्मत जेल्री च्युप्पे म्हीत स्यीपाइचे रुङब र्हङ्ले रुङ्ज्यीम् थेन्बल मुबल। အခန်းကိုကြည့်ပါ။ |
गलाती 3:23
15 ပူးပေါင်းရင်းမြစ်များ
होले पङ्सम् पर्मेस्वर्चे मोसाचे ब्रीबे नीयम् तले न्हङ्ज्यी स्यीम्? मोसाचे ब्रीबे नीयम म्हीमाकी पाप ङोन्बरी पीन्बल मुबल। तर पर्मेस्वर्चे अब्रहाम्त बाचा स्य्हेङ्जेत्पे सन्तान अब्योन्युगते सम्मकीनो ङ्येन्ज्यीम् ब्रबे लागीरी हुजु नीयम् न्हङ्बल मुबल। मोसाचे ब्रीबे नीयम् स्वर्गदुत्मा ग्यम्से मोसत पीन्ज्यी, ओसेम् मोसा पर्मेस्वर्तेङ् म्हीइ गुङ्री तम् स्येत्बे म्ही तज्यी।
चु जम्मनो म्हीमा पर्मेस्वर्चे न्हङ्ब बी बाचा स्य्हेङ्जेत्पे स्हेमा अयङ्ननो बीस्वास्रीनो स्यीज्यी, तर पर्मेस्वर्चे न्हङ्ब बी बाचा स्य्हेङ्जेत्पे स्हेमात थारीङ् ग्यम्सेनो म्रङ्ज्यीम् थेङ्यीमाचे स्वागत स्य्हेङ्ज्यी। थेङ्यीमाचे र्हङ्त चु य्हुल्री ल्हो-ल्हो य्हुल्की म्हीमातेङ् र्होइ य्हुल्री य्हम्की लागीरी टीबे म्हीमा म्हेन्ज्यी।
ङ्य्हङ्माकी बीस्वास् तीप्जेत्पतेङ् टोप् लजेत्पे येसुत च्यास्यीनो टीइ। क्रुस्की दुखचे लज्यीम् थेङ् ग्यप्चे सार्तीअजेत्, तर हुजुइ देब्री दुख नाब बीसेम् यङ्स्येकी तङ्बइ लागीरी म्हीमाचे क्रुस्री पेत्नलबे तम्त तएनो अय्हीन् बी म्हेन्जेत्ज्यी। देरेम् थेङ् पर्मेस्वर्की ठीःइ केत् फ्या पट्टी स्य्हुजेत्पल मुब।
ကြော်ငြာတွေ