गलाती 3:16 - पश्चिम तामाङ16 पर्मेस्वर्चे अब्रहामतेङ् थेइ सन्तान्त बाचा स्य्हेङ्जेत्ज्यी। धर्म छ्येःचे, “सन्तान्मात” बी अपङ्, चुचेम् य्हक्को म्हीमात सङ्केत् लब, तर धर्म छ्येःचेम्, “सन्तान्त” बी पङ्ब, चुचेम् म्ही गीःत सङ्केत् लब, हुजुमी ख्रीस्ट् य्हीन्ब। အခန်းကိုကြည့်ပါ။ |
गलाती 3:16
28 ပူးပေါင်းရင်းမြစ်များ
पर्मेस्वर्चे अब्रहाम्तेङ् थेइ सन्तान्मात जम्बुलीङ्की हक् न्हङ्स्ये मुब बी बाचा स्य्हेङ्जेत्ज्यी। पर्मेस्वर्चे अब्रहाम्त मोसाचे ब्रीबे नीयम् ङ्येन्बल तज्यीम् अय्हीन् तर थेचे पर्मेस्वर्री स्य्हेङ्बे बीस्वास् ग्यम्से थे धर्मी ठार्तीबल तज्यीम् चु बाचा थेत न्हङ्जेत्पल य्हीन्ब।
होत्तज्यीम् चु बाचा बीस्वास् ग्यम्से यङ्ब। चु पर्मेस्वर्चे ओलेन्नो न्हङ्बे बर्दान् य्हीन्ब। ओसेम् ङ्य्हङ्मातेङ् अब्रहाम्ल र्हङ्बे बीस्वास् मुज्यी पङ्सम् ङ्य्हङ्माचे मोसाचे ब्रीबे नीयम् ङ्येन्लएनो वुइ अङ्येन्लएनो चु बाचा ङ्य्हङ्मा जम्मचे पक्कनो यङ्ब। तलेपङ्सम् अब्राहाम बीस्वास् स्य्हेङ्बलमा जम्मइ लागीरी आत्मीक् अप य्हीन्ब।
थेङ्यीमा इस्रएलीमा य्हीन्ब, पर्मेस्वर्चे थेङ्यीमात र्हङ्की ज जमेमा स्य्हेङ्जेत्ज्यी। थेङ्चे र्हङ्की महीमा थेङ्यीमात ङोन्जेत्ज्यी, थेङ्यीमातेङ् करार्मा स्य्हेङ्जेत्ज्यी, थेङ्यीमात मोसाचे ब्रीबे पर्मेस्वर्की नीयम् न्हङ्जेत्ज्यी, थेङ्त तेन्ब लोप्पीन्जेत्ज्यी, ओसेम् थेङ्यीमाचे पर्मेस्वर्की बाचामा यङ्ज्यी।
होले पङ्सम् पर्मेस्वर्चे मोसाचे ब्रीबे नीयम् तले न्हङ्ज्यी स्यीम्? मोसाचे ब्रीबे नीयम म्हीमाकी पाप ङोन्बरी पीन्बल मुबल। तर पर्मेस्वर्चे अब्रहाम्त बाचा स्य्हेङ्जेत्पे सन्तान अब्योन्युगते सम्मकीनो ङ्येन्ज्यीम् ब्रबे लागीरी हुजु नीयम् न्हङ्बल मुबल। मोसाचे ब्रीबे नीयम् स्वर्गदुत्मा ग्यम्से मोसत पीन्ज्यी, ओसेम् मोसा पर्मेस्वर्तेङ् म्हीइ गुङ्री तम् स्येत्बे म्ही तज्यी।
पर्मेस्वर्चे यहुदी अय्हीन्बे म्हीमातएनो बीस्वास् ग्यम्से धर्मी स्य्हेङ्जेत्प पङ्बे तम् य्हक्को ङोन्ग्यम्नो धर्म छ्येःरी ब्रीबल मुबल। होत्तज्यीम् पर्मेस्वर्चे अब्राहाम्त, “ए ग्यम्सेनो जम्बुलीङ्री मुबे जम्मनो जातीमाचे पर्मेस्वर्की मोलम् यङ्स्ये मुब” बी ज्यबे सम्तर् स्येत्जेत्ज्यी।
चोले एङ्यीमा छार् म्हीमा तबल तज्यीम् यहुदी म्हीमा य्हीन्लेएनो वुइ यहुदी अय्हीन्बे म्हीमा य्हीन्लेएनो, ल्हीःरी खतना स्य्हेङ्बे म्हीमा य्हीन्लेएनो वुइ खतना अस्य्हेङ्बे म्हीमा य्हीन्लेएनो, बानमा य्हीन्लेएनो वुइ बानमा अय्हीन्लेएनो, अखेत्पे म्हीमा य्हीन्लेएनो, असभ्य म्हीमा य्हीन्लेएनो, हुजुमामी तेएनो फरक् अत, तर ख्रीस्ट्नो जम्मनो स्हेः य्हीन्ब ओसेम् जम्मतेङ्नो थेङ् स्य्हुजेत्प।
ကြော်ငြာတွေ