गलाती 1:15 - पश्चिम तामाङ15-16 तर पर्मेस्वर्चे र्हङ्की अनुग्रह अनुसार् ङ न्हब बीम ङोन्नो ङत दम्जेत्ज्यी, ओसेम् र्हङ्की लक् स्य्हेङ्बरी ङ्होत्जेत्ज्यी। ङचे यहुदी अय्हीन्बे म्हीमात ज्यबे सम्तर् प्रचार् स्य्हेङ्ब खम्खइ बी थेङ्चे र्हङ्की ज येसु ख्रीस्ट्त ङचे स्येःन लजेत्परी थेङ् तङ्जेत्ज्यी। हुजु बेलोरी ङचे खल म्हीतेङ्एनो सल्ल कीन्बरी अङ्यी। အခန်းကိုကြည့်ပါ။ |
गलाती 1:15
31 ပူးပေါင်းရင်းမြစ်များ
हुजु बेलोरीनो येसु पबीत्र आत्माचे प्लीङ्ज्यीम्, तङ्ज्यीम् सुङ्ज्यी, “अप, स्वर्गतेङ् जम्बुलीङ्की परमप्रभु, ङ थेङ्त होर्छ्ये पीन्ब। तलेपङ्सम् थेङ्चे बुद्दी मुबे म्हीमातेङ् स्येःब खेःबे म्हीमा ग्यम्चे छुम्ज्यीम् थेन्बे चु जम्मनो तम्मा तेएनो अस्येःबे म्हीमात ङोन्जेत्ज्यी। अप, चोलेनो स्य्हेङ्जेत्बे थेङ्की थुः मुबल।”
तलेपङ्सम् जम्बुलीङ्की म्हीमाचे र्हङ्की बुद्दी ग्यम्से पर्मेस्वर्त स्ये:ब खम्स्ये अरे पङ्ज्यीम् पर्मेस्वर्चे खेम्जेत्ज्यी। होत्तज्यीम् ङ्यीमाचे स्येत्पे ज्यबे सम्तर्त म्हीमाचे मुर्ख तम् य्हीन्ब पङ्लेनो, हुजु सम्तर्त बीस्वास् स्य्हेङ्बलमात पर्मेस्वर्चे थर्नलबरी ज्यब म्हेन्जेत्ज्यी।
तर देरे ङ खतेब मुब हुजु पर्मेस्वर्की अनुग्रह ग्यम्से मुब, ओसेम् थेङ्चे ङत न्हङ्जेत्पे अनुग्रह खेर अय्हर्। ङचे ल्हो-ल्हो जम्मनो प्रेरीत्माचे बीम् य्हक्को लक् स्य्हेङ्ज्यी। तर हुजु जम्मनो लक्मा ङचे र्हङ्चेनो स्य्हेङ्बल अय्हीन्, ङतेङ् स्य्हुजेत्पे पर्मेस्वर्की अनुग्रह ग्यम्से स्य्हेङ्बल य्हीन्ब।
ကြော်ငြာတွေ