21 ङ्य्हङ्माकी म्होइबे ओसेम् प्रभुइ लक् स्य्हेङ्बे बीस्वासीलो अले तुखीकस्चे एङ्यीमात ङ खतेब मुब ओसेम् ता स्य्हेङ्टीब पङ्बे जम्मनो तम्मा स्येत्स्ये मुब।
ओसेम् पावलतेङ् बक्च्य बेरीया सहर्री टीबे पुरसकी ज सोपात्रोस, थेसलोनीके सहर्री टीबे अरीस्तार्खसतेङ् सीकन्दस, डर्बी सहर्री टीबे गायसतेङ् तीमोथी ओसेम् एसीया प्रदेस्चे खबे तुखीकसतेङ् त्रोफीमस् ङ्यीबल मुबल।
होत्तज्यीम् ङचे एङ्यीमाज तीमोथीत पीत्खटीबल मुब। थे प्रभुरी ङइ म्होइबतेङ् बीस्वासीलो ज य्हीन्ब। ङचे जम्मा ग्लामातेङ् मन्डलीमारी लोप्प र्हङ्ले येसु ख्रीस्ट्री ङइ छार् जीवन् खतेब मुब पङ्बे तम् थेचे एङ्यीमात व्हल् लपीन्स्ये मुब।
बीस्वासी र्होमा, ङइ जोरी खबे तम्माचे ज्यबे सम्तर् ठम्बरी र्हो स्य्हेङ्बल मुब पङ्बे तम् एङ्यीमाचे स्येःखइ बी ङचे म्हेन्ब।
एङ्यीमात चु ज्यबे सम्तर्की बारेरी ङ्यीमातेङ् बक्च्य लक् स्य्हेङ्बे म्होइबे र्हो इपाफ्रास्चे लोप्पल मुबल। थे ङ्यीमाकी देब्री एङ्यीमाकी गुङ्री ख्रीस्ट्की लक् स्य्हेङ्बे बीस्वासीलो अले य्हीन्ब।
एचे चु तम्मा बीस्वासीमात लोप्प पङ्सम् एचे बीस्वास् स्य्हेङ्बे सम्तर्तेङ् देमेन्की फ्रोइमारी बङ्ज्येन् तज्यीम् ए येसु ख्रीस्ट्की ज्यबे योक्पो तस्ये मुब।
तुखीकस्त ङचे एफीसस् सहर्री पीत्पल मुब।
अर्तीमसतेङ् तुखीकस् ङ्य्हीरी खल पङ्लेनो गीःत ङचे एज पीत्खब साच्चेनो ए ङत खतु लबरी खले लज्यीम् पङ्लेनो नीकोपोलीस लीङ्स्री खोउ। तलेपङ्सम् चु सेर्क ल ङचे हुजुरीनो टीबे सेम् लबल मुब।
देरेम् थे बानाकीनो अय्हीन्, तर बाना बीमएनो य्हक्को म्होइबे बीस्वासी अले य्हीन्ब। ङचेम् थेत य्हक्कोनो म्होइब। ओसेम् एइ लागीरीम् थे बानइ रुप्रीतेङ् प्रभुरी अलेइ रुप्री झेन् गत्ते य्हक्को म्होइबल तल।
बीस्वासीलो अले सीलासत र्हो लबुङ्ज्यीम् ङचे चु तुन्ज चीठी एङ्यीमात ब्रीबल मुब। ङचे चु जम्मनो तम्मा पर्मेस्वर्की देमेन्की अनुग्रहकी गवाही पीन्बरी ओसेम् एङ्यीमात आर् पीन्बरी ब्रीबल य्हीन्ब। चु अनुग्रहरी एङ्यीमा कोङ्नले टीउ।
ओसेम् ङ्य्हङ्की प्रभुइ धैर्यमी म्हीमा थर्खइ बी न्हङ्बे मौक य्हीन्ब बी म्हेनो। ङ्य्हङ्की म्होइबे अले पावलचेएनो पर्मेस्वर् ग्यम्से यङ्बे बुद्दी ग्यम्से चु तम् एङ्यीमात ब्रीबल मुबल।