एफीसी 4:23 - पश्‍चिम तामाङ

²³ पर्‌मेस्‍वर्‌की आत्‍माचे एङ्‌यीमाकी सेम्‍त छार् स्‍य्‍हेङ्‍जेत्‍खइ।

एफीसी 4:23 ပူးပေါင်းရင်းမြစ်များ

रोमी 12:2

एङ्‍यीमा चु जम्‍बुलीङ्‌की म्‍हीमा च्‍याज्‍यीम् थेङ्‍यीमा र्‌हङ्‌ले थब्रउ, तर पर्‌मेस्‍वर्‌त एङ्‌यीमाकी सेम छार् स्‍य्‍हेङ्‍पुङ्‍ज्‍यीम् एङ्‌यीमा टोप्‍ले पोउ। हुजुलीप्‍चे एङ्‍यीमाचे पर्‌मेस्‍वर्‌की ज्‍यबतेङ् तङ्‍न लबे ओसेम् सीद्‍द थुः ता टीम् बी ज्‍यनले स्‍येब खम्‍स्‍ये मुब।

रोमी 6:4

तलेपङ्‌सम् ङ्‍य्‍हङ्‍माएनो बप्‍तीस्‍मा ग्‍यम्‍से येसु ख्रीस्‍ट्‌तेङ् बक्‍च्‍य स्‍यीज्‍यीम् बुब्‍ज्‍यी। होत्‍तज्‍यीम् पर्‌मेस्‍वर् अपइ महीमीत् सक्‍ती ग्‍यम्‍से येसु ख्रीस्‍ट् स्‍यीब ग्‍यम्‍से सोजेत्‍प र्‌हङ्‌ले देरेम् ङ्‍य्‍हङ्‍माएनो छार् जीवन् सोब।

रोमी 8:6

ल्‍हीःकी पाप् स्‍वभाब्‍चे म्‍हेन्‍बे तम्‍री सेम् पीन्‍बमी स्‍यीबरी दोःब य्‍हीन्‍ब, तर पबीत्र आत्‍माचे म्‍हेन्‍बे तम्‍री सेम् पीन्‍बमी खेमेनो अबेबे जीवन्‍तेङ् सान्‍तीरी दोःब य्‍हीन्‍ब।

एफीसी 2:10

तलेपङ्‍सम् ङ्‍य्‍हङ्‍माचे ज्‍यबे लक्‍मा स्‍य्‍हेङ्‌बे लागीरी पर्‌मेस्‍वर्‌चे ङ्‍य्‍हङ्‍मात येसु ख्रीस्‍ट्‍री छार् म्‍ही स्‍य्‍हेङ्‍जेत्‍ज्‍यी। ङ्‍य्‍हङ्‍माचे हुजु अनुसार् ब्रखइ पङ्‍ज्‍यीम् पर्‌मेस्‍वर्‌चे ङोन्‍ग्‍यम्‍नो हुजु ज्‍यबे लक्‍मा टोप् लजेत्‍पल मुबल।

कलस्‍सी 3:10

देरेम् एङ्‌यीमाचे छार् जीवन् यङ्‌बल मुब। ओसेम् जम्‍मनो स्‍हेमा स्‍य्‍हेङ्‍जेत्‍पे पर्‌मेस्‍वर्‌त एङ्‍यीमाचे देमेन्‍नो स्‍येःखइ पङ्‍ज्‍यीम् थेङ्‍चे एङ्‌यीमात थेङ् र्‌हङ्‍बनो तनलजेत्‍टीब।

तीतस 3:5

ङ्‍य्‍हङ्‍त थर्‌न लजेत्‍ज्‍यी। ङ्‍य्‍हङ्‍माचे ज्‍यबे लक् स्‍य्‍हेङ्‍बल तज्‍यीम् अय्‍हीन् तर थेङ्‌चे ङ्‍य्‍हङ्‍त कृपा स्‍य्‍हेङ्‌जेत्‍पल तज्‍यीम् ङ्‍य्‍हङ्‍त थर्‌न लजेत्‍ज्‍यी। थेङ्‌चे ङ्‍य्‍हङ्‍की पापमा ख्रुजेत्‍ज्‍यीम् पबीत्र आत्‍मा ग्‍यम्‍से छार् जीवन न्‍हङ्‍जेत्‍प।

१ पत्रुस 1:13

होत्‍तज्‍यीम् एङ्‍यीमाचे र्‌हङ्‍की सेम् दुल्‍ज्‍यीम् तयार्‌ले टीउ। ओसेम् येसु ख्रीस्‍ट् दोःज्‍यीम् ब्‍योन्‍युजेत्‍पतेङ् एङ्‍यीमाचे यङ्‌स्‍येकी अनुग्रहरी एङ्‍यीमाचे आस् लउ।