एफीसी 3:12 - पश्‍चिम तामाङ

¹² ओसेम् ङ्‍य्‍हङ्‍मा ख्रीस्‍ट्‍री तज्‍यीम् ओसेम् थेङ्‍री बीस्‍वास् लज्‍यीम्‍नो ङ्‍य्‍हङ्‍माचे पर्‌मेस्‍वर्‌की ङोन्‍री ङ्‌यीबे आर्‌तेङ् भर् यङ्‌बल मुब।

एफीसी 3:12 ပူးပေါင်းရင်းမြစ်များ

युहन्‍ना 14:6

येसुचे सुङ्‌ज्‍यी, “ङनो ग्‍यम्, देमेन् ओसेम् जीवन् य्‍हीन्‍ब। ङ ग्‍यम्‍से बीमा खलएनो अपज ङ्‍यीब अखम्।

रोमी 3:22

येसु ख्रीस्‍ट्‍री बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌चे धर्‌मी स्‍य्‍हेङ्‌जेत्‍प। थेङ्‍चे खलतएनो ज्‍यीद ङ्‍हच्‍छ्‍यङ् म्‍हेन्‍अजेत्।

रोमी 5:2

प्रभु येसु ख्रीस्‍ट्‌चेनो ङ्‍य्‍हङ्‍मात बीस्‍वास् ग्‍यम्‍से पर्‌मेस्‍वर्‌की अनुग्रहरी वङ्‍म्‍यङ्‍न लजेत्‍पल मुब। देरे ङ्‍य्‍हङ्‍मा चु अनुग्रहरी सोटीब मुब। ओसेम् ङ्‍य्‍हङ्‍मा पर्‌मेस्‍वर्‌की महीमारी र्‌हुब् तस्‍येकी आसारी तङ्‍ब।

२ कोरीन्‍थी 3:4

ङ्‌यीमाचे चोले पङ्‍ब तलेपङ्‍सम् ख्रीस्‍ट् ग्‍यम्‍से पर्‌मेस्‍वर्‌की ङोन्‍री ङ्‌यीमा ढुक्‍क मुब।

एफीसी 2:18

ओसेम् थेङ् ग्‍यम्सेनो यहुदीतेङ् यहुदी अय्‍हीन्‍बे म्‍हीमा ङ्‌य्‍हङ् जम्‍मनो थो गीःइ पबीत्र आत्‍मारी पर्‌मेस्‍वर् अपइ ङोन्‍री ङ्‍यीम्‍यङ्‍बल मुब।

हीब्रु 10:35

होत्‍तज्‍यीम् आर् लज्‍यीम् टीब थपीतो, चु ग्‍यम्सेनो एङ्‍यीमाचे ङ्‍हच्‍छ्‌यङ् बक्सीस् यङ्‍स्‍ये मुब।

हीब्रु 3:6

तर ख्रीस्‍ट्‍मी पर्‌मेस्‍वर्‌की जम्‍मनो म्‍हीमाइ गुङ्‍री अधीकार् यङ्‍बे ज र्‌हङ्‌बे बीस्‍वासीलो मुब। ओसेम् ङ्‍य्‍हङ्‍माचे ख्रीस्‍ट्‌री थेन्‍बे ङ्‍य्‍हङ्‍माकी आस्‍री र्‌हङ्‍की आर्‌तेङ् भर् थेन्‍स्‍यीनो टीज्‍यी पङ्‌सम् ङ्‍य्‍हङ्‍मा पर्‌मेस्‍वर्‌की म्‍हीमा य्‍हीन्‍ब।

१ पत्रुस 3:18

तलेपङ्‍सम् खेम पङ्‌लेनो योनले ख्रीस्‍ट् पाप्‍माकी लागीरी तीक्‍ख्‍यप् स्‍यीपीन्‍जेत्‍ज्‍यी। थेङ्‍चे पाप स्‍य्‍हेङ्‌अजेत्‍लेनो एङ्‌यीमात पर्‌मेस्‍वर्‌ज बबरी एङ्‌यी पापीमाकी लागीरी स्‍यीपीन्‍जेत्‍ज्‍यी। थेङ् ल्‍हीरी स्‍यीजेत्‍ज्‍यी, तर आत्‍मारी सोम्‍बो तजेत्‍ज्‍यी।

१ युहन्‍ना 2:28

ओसेम् म्‍होइबे कोलमा, थेङ् दोःज्‍यीम् ब्‍योन्‍युबे बेलोरी ङ्‍य्‍हङ्‍माचे आर् यङ्‍खइ, ओसेम् थेङ् ब्‍योन्‍युबे बेलोरी ङ्‍य्‍हङ्‍मा पेत् अतोःखइ पङ्‍ज्‍यीम् थेङ्‍तेङ् गी तउ।

१ युहन्‍ना 3:21

ङइ म्‍होइबे र्‌होमा, ङ्‌य्‍हङ्‍मात र्‌हङ्‌की सेम्‍चे दोस् अङोन्‍ज्‍यी पङ्‌सम् पर्‌मेस्‍वर्‌की ङोन्‍री ङ्‌य्‍हङ्‌माकी सेम् देब।