एफीसी 1:22 - पश्‍चिम तामाङ

²² पर्‌मेस्‍वर्‌चे जम्‍मनो स्‍हेःमा ख्रीस्‍ट्‍की अधीन्‍री थेन्‍पीन्‍जेत्‍ज्‍यी, ओसेम् मन्‍डलीइ लागीरी थेङ्‍तनो जम्‍मनो स्‍हेःमाकी क्र स्‍य्‍हेङ्‍पीन्‍जेत्‍ज्‍यी।

एफीसी 1:22 ပူးပေါင်းရင်းမြစ်များ

मत्‍ती 16:18

ङ एत पङ्‍ब, ए पत्रुस य्‍हीन्‍ब। ङ ङइ मन्‍डली चु कोङ्‌बे युङ्‌ब जोरी स्‍य्‍हेङ्‌स्‍ये मुब, ओसेम् नर्‌कइ सक्‍तीमाचेएनो हुजुत डाब खम्‍स्‍ये अरे।

प्रेरीत् 20:28

देरेम् एङ्‌यीमा र्‌हङ्‌की स्‍य्‍हप्‍तो र्‌हङ्‌चेनो स्‍य्‍हेङो। ओसेम् पबीत्र आत्‍माचे एङ्‌यीमात सोप्‍तीपीन्‍जेत्पे बगेल्‍मातएनो स्‍य्‍हप्‍तो स्‍य्‍हेङो। पर्‌मेस्‍वर्‌की मन्‍डलीइ ज्‍यबे गोर्‌तेन् तउ, तलेपङ्‍सम् हुजु म्‍हीमात थेङ्‌की काचे ग्‍लुजेत्‍पल य्‍हीन्‍ब।

१ कोरीन्‍थी 11:3

तर एङ्‍यीमाचे चु तम् गोखइ पङ्‍बे सेम् ङल मुब। ख्रीस्‍ट् जम्‍मनो अपकोलमाकी क्र य्‍हीन्‍ब। म्रीङ्‍की क्र र्‌हेम्‍बो य्‍हीन्‍ब, ओसेम् ख्रीस्‍ट्‍की क्र पर्‌मेस्‍वर् य्‍हीन्‍ब।

एफीसी 3:21

पर्‌मेस्‍वर्‌तनो मन्‍डलीतेङ् येसु ख्रीस्‍ट्‍री खेम पङ्‌लेनो महीमा तखइ। आमेन्।

एफीसी 5:23

तलेपङ्‍सम् ख्रीस्‍ट् मन्‍डलीइ क्र य्‍हीन्‍ब, होलेनो र्‌हेम्‍बो म्रीङ्‍की क्र य्‍हीन्‍ब। ओसेम् र्‌हङ्‍की ल्‍हीः मन्‍डलीत मुक्‍ती न्‍हङ्‍बलेएनो ख्रीस्‍ट् र्‌हङ्‌नो य्‍हीन्‍ब।

कलस्‍सी 1:18

थेङ्‌की ल्‍हीः मन्‍डली य्‍हीन्‍ब ओसेम् हुजुइ क्रमी थेङ् य्‍हीन्‍ब। थेङ्‍नो सुरु य्‍हीन्‍ब ओसेम् स्‍यीब ग्‍यम्‍से सोबलमान्‍हङ्‍री गोदोब्‍न्‍हङ् ङोन्‍ग्‍यम् सोबलएनो ख्रीस्‍ट्‍नो य्‍हीन्‍ब। होत्‍तज्‍यीम् थेङ् गोदोब्‍न्‍हङ्‍री ग्रेन् य्‍हीन्‍ब।

कलस्‍सी 1:8

थेचेनो पबीत्र आत्‍माचे एङ्‌यीमात न्‍हङ्‍जेत्‍पे म्‍होइबइ बारेरी ङ्‍यीमात स्‍येत्‍ज्‍यी।

कलस्‍सी 2:10

ओसेम् एङ्‍यीमाचे ख्रीस्‍ट्‍रीनो देमेन्‍की जीवन् यङ्‌बल मुब, थेङ्‍नो जम्‍मनो सासक्‍मातेङ् अधीकार्‌की क्र य्‍हीन्‍ब।

कलस्‍सी 2:19

होतेबे म्‍हीमामी क्रतेङ् बक्‍च्‍य अटीनले फेःज्‍यीम् टीबल तब, हुजु क्रमी ख्रीस्‍ट् य्‍हीन्‍ब। तलेपङ्‍सम् ख्रीस्‍ट्‍चेनो ल्‍हीःकी जम्‍मनो अङ्‍गमात थेङ्‍री थुत्‍जेत्‍प, ओसेम् थेङ् ग्‍यम्‍से तज्‍यीम्‍नो ल्‍हीः बङ्‍ज्‍येन् तस्‍ये मुब ओसेम् पर्‌मेस्‍वर्‌की थुः अनुसार् छर्‌बोर्‌स्‍ये मुब।

१ तीमोथी 3:15

तलेपङ्‍सम् ङ एज खबरी गेःलेएनो चु चीठी ग्‍यम्सेनो पर्‌मेस्‍वर्‌की म्‍हेम्‍यमा खले चल्‍तीथोब बी एचे स्‍येको। ओसेम् पर्‌मेस्‍वर्‌की म्‍हेम्‍यमा सोम्‍बो पर्‌मेस्‍वर्‌की मन्‍डली य्‍हीन्‍ब, हुजुम् देमेन्‍त ते:बे थाम्‍तेङ् जग य्‍हीन्‍ब।

हीब्रु 2:8

थेङ्‍चे जम्‍मनो स्‍हेःमात थेइ अधीन्‍री थेन्‍पीन्‍जेत्‍ज्‍यी।” ङ्‍य्‍हङ्‍माचे चुरी, “जम्‍मनो स्‍हेमात” बी ब्रीबल म्रङ्‌ब, चु पङ्‍बलमी पर्‌मेस्‍वर्‌चे म्‍हीइ अधीन्‍री अतनले तएनो थेन्‍अजेत्। तर देरेइ बेलोरी ङ्‍य्‍हङ्‍माचे जम्‍मनो स्‍हेमा म्‍हीइ अधीन्‍री तबल अम्रङ्।