एफीसी 1:15 - पश्‍चिम तामाङ

¹⁵ एङ्‍यीमाचे प्रभु येसुत स्‍य्‍हेङ्‌बे बीस्‍वास् ओसेम् एङ्‍यीमाचे पर्‌मेस्‍वर्‌की जम्‍मनो म्‍हीमात म्‍होइब पङ्‍बे तम् ङचे थ्‍येःबल तज्‍यीम्,

एफीसी 1:15 ပူးပေါင်းရင်းမြစ်များ

प्रेरीत् 20:21

ङचे यहुदीमातेङ् ग्रीक म्‍हीमात पस्‍चताप स्‍य्‍हेङ्‌ज्‍यीम् पर्‌मेस्‍वर् पट्‍टी दोःगो, ओसेम् प्रभु येसुत बीस्‍वास् स्‍य्‍हेङो पङ्‍ज्‍यी।

रोमी 1:8

ङोन्‍ग्‍यम् ङ एङ्‍यीमा जम्‍मइ लागीरी ङइ पर्‌मेस्‍वर्‌त येसु ख्रीस्‍ट् ग्‍यम्‍से व्‍होर्‌छ्‍ये पीन्‍ब, तलेपङ्‍सम् एङ्‌यीमाइ बीस्‍वास्‍की बारेरी जम्‍बुलीङ्‌की जम्‍मनो ग्‍लामारी थ्‍येःटीब।

गलाती 5:6

तलेपङ्‍सम् ङ्‍य्‍हङ्‍माचे येसु ख्रीस्‍ट्‍त बीस्‍वास् लब बीसेम् खतन स्‍य्‍हेङ्‌लेनो अस्‍य्‍हेङ्‍लेनो तएनो अत। तर तोबे तम्‍मी चु य्‍हीन्‍ब, ङ्‍य्‍हङ्‍माकी बीस्‍वास्‍चे लज्‍यीम् ङ्‍य्‍हङ्‍माचे ल्‍हो-ल्‍होमात म्‍होइब।

एफीसी 1:1

पर्‌मेस्‍वर्‌की थुः अनुसार् येसु ख्रीस्‍ट्‍की प्रेरीत ङ पावल ग्‍यम्‍से एफीसस सहर्‌री टीबे ओसेम् येसु ख्रीस्‍ट्‍त बीस्‍वास् स्‍य्‍हेङ्‌बे पबीत्र म्‍हीमात चु चीठी ब्रीटीब मुब।

एफीसी 3:18

पर्‌मेस्‍वर्‌की जम्‍मनो म्‍हीमातेङ् ख्रीस्‍ट्‍की म्‍होइब गत्‍ते र्‌हीङ्‍ब, गत्‍ते ब्‍लेक्‍प, गत्‍ते नोब ओसेम् गत्‍ते नुप्‍प मुब बी ज्‍यनले गोब खम्स्‍ये मुब।

१ थेस्‍लोनीकी 1:3

ङ्‌य्‍हङ्‌माकी पर्‌मेस्‍वर् अपइ ङोन्‍ग्‍यम् एङ्‍यीमाचे ङ्‍य्‍हङ्‍की प्रभु येसु ख्रीस्‍ट्‍री बीस्‍वास् लज्‍यीम् स्‍य्‍हेङ्‌बे लक्‍तेङ् म्‍होइज्‍यीम् स्‍य्‍हेङ्‌बे लक् ओसेम् एङ्‍यीमाचे थेङ्‍री धैर्‌य लज्‍यीम् थेन्‍बे आस्‍त ङ्‌यीमाचे व्‍हल् लब।

१ थेस्‍लोनीकी 4:9

एङ्‍यीमा गीःचे गीःत म्‍होइबे बारेरीम् खल्‍चेएनो तए ब्रीअतो, तलेपङ्‍सम् पर्‌मेस्‍वर्‌चेनो एङ्‌यीमात गीःचे गीःत म्‍होइब लोप्‍जेत्‍पल मुब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

१ तीमोथी 1:14

ओसेम् ङ्‍य्‍हङ्‍की प्रभुचे ङत य्‍हक्‍को अनुग्रह न्‍हङ्‍जेत्‍ज्‍यी। येसु ख्रीस्‍ट्‍तेङ् मुबे म्‍होइबतेङ् बीस्‍वास् पर्‌मेस्‍वर्‌चेनो ङत न्‍हङ्‍जेत्‍ज्‍यी।

१ तीमोथी 1:5

ङ्‍य्‍हङ्‍चे लोप्‍पे चु तम्‍की उदेस्‍यमी चोखो सेम्‍तेङ् ज्‍यबे लो ओसेम् देमेन्‍की बीस्‍वास् ग्‍यम्‍से डोङ्‌बे म्‍होइबत छर्‌नलब य्‍हीन्‍ब।

फीलेमोन 1:5

तलेपङ्‍सम् प्रभु येसुत एचे स्‍य्‍हेङ्‌बे बीस्‍वास्‍तेङ् पर्‌मेस्‍वर्‌की जम्‍मनो म्‍हीमात म्‍होइबे तम् ङचे थ्‍येःबल मुब।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ युहन्‍ना 3:17

जम्‍बुलीङ्‌री सोबरी तोःबे स्‍हेःमा मुबलचे र्‌हङ्‍की बीस्‍वासी र्‌होमात हुजु स्‍हेः तोबल म्रङ्‍ज्‍यीमएनो सेम् कोङ्‍ज्‍यीम् अपीन्‍ज्‍यी पङ्‌सम् थेमाचे खले पर्‌मेस्‍वर्‌त म्‍होइब?

१ युहन्‍ना 4:21

खल्‍चे पर्‌मेस्‍वर्‌त म्‍होइब थेचे ल्‍हो-ल्‍हो बीस्‍वासी र्‌होमातएनो म्‍होइथोब। चुनो ङ्‌य्‍हङ्‍मात ख्रीस्‍ट्‍चे कुल्‍जेत्‍पे अर्‌ती य्‍हीन्‍ब।