कलस्‍सी 4:18 - पश्‍चिम तामाङ

¹⁸ ङ पावलचे र्‌हङ्‍की याचेनो एङ्‍यीमात लस्‍सो पङ्‍ज्‍यीम् ब्रीबल य्‍हीन्‍ब। ओसेम् ङ जेल्‍रीनो मुब पङ्‍बे तम् थम्‍लेतो। पर्‌मेस्‍वर्‌की अनुग्रह एङ्‌यीमातेङ् तखइ।

कलस्‍सी 4:18 ပူးပေါင်းရင်းမြစ်များ

रोमी 16:20

ओसेम् सान्‍ती न्‍हङ्‌बे पर्‌मेस्‍वर्‌चे ग्‍योःनेनो सैतान्‍त एङ्‌यीमाकी कङ् थीङ् दुङ्‌री प्‍लेःनलपुङ्‍जेत्‍स्‍ये मुब। ङ्‍य्‍हङ्‍की प्रभु येसुइ अनुग्रह एङ्‍यीमातेङ् तखइ।

रोमी 16:22

पावलचे पङ्‍ब अनुसार् चु चीठी ब्रीपीन्‍बे ङ तर्‌तीयस्‍चे प्रभुइ छेन्‍री एङ्‍यीमात लस्‍सो पीत्‍खबल मुब।

रोमी 16:23

ङ टीबे दीम्‍की न्‍याबो गायसचे एङ्‌यीमात लस्‍सो पङ्‍बल मुब। थेइ दीम्‍री बीस्‍वासीमा र्‌हुब् तब। चु सहर्‌की कोस् अध्‍यक्ष इरास्‍तस् ओसेम् ङ्‍य्‍हङ्‍की अले क्‍वार्‌टस्‍चेएनो एङ्‍यीमात लस्‍सो पङ्‍बल मुब।

१ कोरीन्‍थी 16:21

ङ पावल र्‌हङ्‍की लस्‍सोमी ङइ याचेनो ब्रीटीब मुब।

फीलीप्‍पी 1:7

एङ्‍यीमात ङचे खेम पङ्‌लेनो ङइ सेम्‍री थेन्‍बल मुब। एङ्‌यीमाकी बारेरी चोतेब म्‍हेन्‍ब ङचे ज्‍यब म्‍हेन्‍ज्‍यी, तलेपङ्‍सम् देरे ङ जेल्‍री मुलेएनो ओसेम् जेल्‍री अरेलेएनो, एङ्‍यीमा ङतेङ् बक्‍च्‍य ज्‍यबे सम्‍तर् स्‍येत्‍परी ओसेम् जोगाइतीबरी परमेस्‍वरचे न्‍हङ्‍जेत्‍पे अनुग्रहरी ङतेङ् बक्‍च्‍य मुब।

कलस्‍सी 4:3

ओसेम् ख्रीस्‍ट्‍की छुम्‍ज्‍यीम थेन्‍बे ज्‍यबे सम्‍तर्‌की बारेरी म्‍हीमात स्‍येत्‍परी पर्‌मेस्‍वर्‌चे ङ्‍यीमात मौक न्‍हङ्‍जेत्‍खइ पङ्‍ज्‍यीम् ङ्‍यीमाकी लागीरीएनो प्रार्‌थना स्‍य्‍हेङ्‌पीनो, हुजुइ लागीरीनो ङ जेल्‍री च्‍युप्पल मुब।

२ थेस्‍लोनीकी 3:17

ङ पावलचे र्‌हङ्‌की याचेनो लस्‍सो ब्रीटीब मुब। ङचे ब्रीबे जम्‍म चीठीमाकी चीनो चुनो य्‍हीन्‍ब। ओसेम् चोलेनो ब्रीब।

१ तीमोथी 6:21

तलेपङ्‌सम् डेत् डेत् म्‍हीमाचे चोतेबे तम्‍माकी लीप्‍चे ब्रज्‍यीम् बीस्‍वास् स्‍य्‍हेङ्‍बनो पीत्‍लाबल मुब। एङ्‍यीमा जम्‍मतेङ्‍नो पर्‌मेस्‍वर्‌की अनुग्रह तटीखइ।

२ तीमोथी 1:8

होत्‍तज्‍यीम् ङ्‍य्‍हङ्‍की प्रभुइ सम्‍तर् स्‍येत्‍परी थपेतो, ओसेम् ङतेङएनो थपेतो, ङचे थेङ्‌की बारेरी प्रचार स्‍य्‍हेङ्‍बल तज्‍यीम् ङ जेल्‍री दोःबल य्‍हीम्‍ब, बरु एचेएनो पर्‌मेस्‍वर् ग्‍यम्‍से बङ् यङ्‌ज्‍यीम् ज्‍यबे सम्‍तर् स्‍येत्‍परी दुख नाको।

२ तीमोथी 4:22

प्रभु एइ आत्‍मातेङ् बक्‍च्‍य तखइ। ओसेम् एङ्‌यीमातेङ् थेङ्‌की अनुग्रह तखइ।

तीतस 3:15

ओसेम् ङतेङ् मुबलमा जम्‍मचेनो एत लस्‍सो पीत्‍खबल मुब। हुजुरी मुबे ङ्‌य्‍हङ्‌मात म्‍होइबे र्‌होमाएनो गोदोब्‍त ङ्‌यीमा ग्‍यम्‍से लस्‍सो पङ्‍पीनो। पर्‌मेस्‍वर्‌की अनुग्रह एङ्‍यीमा जम्‍मतेङ् तखइ।

हीब्रु 13:25

परमेस्‍वरकी अनुग्रह एङ्‍यीमा जम्‍मतेङ्‍नो तटीखइ।

हीब्रु 13:3

जेल्‍री मुबलमात एङयीमाचे र्‌हङएनो थेङ्‍यीमातेङ् बक्‍च्‍य जेल्‍री मुबल र्‌हङ्‍ब म्‍हेन्‍ज्‍यीम् व्‍हल् लउ। दु:ख यङ्‌बलमात एङ्‍यीमाचे र्‌हङ्‍चेनो दु:ख यङ्‌बल र्‌हङ्‌ले म्‍हेन्‍ज्‍यीम् र्‌हो लउ।