कलस्‍सी 3:7 - पश्‍चिम तामाङ

⁷ ङोन्‍ग्‍यम्‍मी एङ्‌यीमाचेएनो होतेबे लक्‍मा स्‍य्‍हेङ्‌ज्‍यीम् ब्रब मुबल।

कलस्‍सी 3:7 ပူးပေါင်းရင်းမြစ်များ

रोमी 7:5

तलेपङ्‌सम् ङ्‍य्‍हङमा ङोन्‍ग्‍यम्‍की पापी स्‍वभाब अनुसार सोबे बेलोरी हुजु नीयम्‍चे ङ्‍य्‍हङ्‍मात झेन् य्‍हक्‍को पाप् स्‍य्‍हेङ्‍गे म्‍हेन्‍न लज्‍यीम् ङ्‍य्‍हङ्‍माचे य्‍हक्‍को पाप्‍मा स्‍य्‍हेङ्‍ब मुबल, ओसेम् स्‍यीब बबे रोरो रोःन लब मुबल।

१ कोरीन्‍थी 6:11

एङ्‍यीमान्‍हङ्‍री गदे म्‍हीमामी ङोन्‍ग्‍यम् चोतेबनो मुबल। तर देरेम् एङ्‌यीमाकी पाप ख्रुपीन्‍जेत्‍ज्‍यी, एङ्‍यीमात पबीत्र स्‍य्‍हेङ्‍जेत्‍ज्‍यी, ओसेम् प्रभु येसु ख्रीस्‍ट्‍तेङ् ङ्‍य्‍हङ्‍की पर्‌मेस्‍वर्‌की आत्‍मा ग्‍यम्‍से एङ्‍यीमा पर्‌मेस्‍वर्‌की ङोन्‍री तइ दोस्‍एनो अरेबल तज्‍यी।

एफीसी 2:2

हुजु बेलोरी एङ्‍यीमा जम्‍बुलीङ्‌की अज्‍यबे पेठीम्‍मा ङ्‌येन्‍ज्‍यीम् ओसेम् म्‍हङ्‍माकी य्‍हुल्‍री राज्‍य स्‍य्‍हेङ्‌बे सैतान्‍की तम् ङ्‌येन्‍ज्‍यीम् ब्रटीब मुबल। ओसेम् पर्‌मेस्‍वर्‌चे कुल्‍जेत्‍पे तम्‍मा अङ्‍येन्‍बे म्‍हीमात हुजु सैतान्‍चे देरेएनो र्‌हङ्‍की अधीन्‍री थेन्‍बल मुब।

कलस्‍सी 2:13

ङोन्‍ग्‍यम् एङ्‌यीमा र्‌हङ्‍की पाप्‍माचे लज्‍यीम् ओसेम् एङ्‌यीमाकी पाप् स्‍वभाब् दवम् ख्‍लाबल अरेज्‍यीम् आत्‍मीक्‍री स्‍यीबल मुबल। तर देरेम् पर्‌मेस्‍वर्‌चे ङ्‍य्‍हङ्‍माकी जम्‍मनो पापमा क्षमा स्‍य्‍हेङ्‍जेत्‍ज्‍यीम् ख्रीस्‍ट्‍तेङ्‍नो सोनलजेत्‍पल मुब।

तीतस 3:3

तलेपङ्‍सम् ङोन्‍ग्‍यम् ङ्‍य्‍हङ्‍माएनो मुर्‌ख, पर्‌मेस्‍वर्‌त अङ्‍येन्‍बल, बराल्‍तीज्‍यीम् ब्रबल। ङ्‍य्‍हङ्‍मा अज्‍यबे सेम्‍तेङ् मनमोज्‍की बाना मुबल। ओसेम् र्‌होत न्‍होङ्‍न लबे सेम् थोःबतेङ् स्‍हेर्‌बल, म्‍हीमाचे ङ्‍य्‍हङ्‍त अखोबल ओसेम् ङ्‍य्‍हङ्‍मा न्‍हङ्‍एनो गीःचे गीःत अखोबल मुबल।