कलस्‍सी 3:25 - पश्‍चिम तामाङ

²⁵ अज्‍यब स्‍य्‍हेङ्‍बल खल्‍चे पङ्‌लेनो सजाय नास्‍ये मुब। पर्‌मेस्‍वर्‌चे खल्‍लएनो लीः च्‍याज्‍यीम् न्‍याय स्‍य्‍हेङ्‍अजेत्।

कलस्‍सी 3:25 ပူးပေါင်းရင်းမြစ်များ

मत्‍ती 16:27

तलेपङ्‍सम् म्‍हीइ ज र्‌हङ्‌की स्‍वर्‌गदुत्‍मातेङ् बक्‍च्‍य थेइ अपइ महीमारी युस्‍ये मुब। ओसेम् थेचे म्‍ही र्‌हङ्‍स्‍यीनो थेङ्‍यीमाइ लक् अनुसार न्‍याय स्‍य्‍हेङ्‌स्‍ये मुब।

लुका 20:21

हुजु म्‍हीमाचे येसुत ङ्‌योत्‍ज्‍यी, “लोप्‍पोन्, ङ्‌यीमात था मुब, थेङ्‌चे तबे तम्‍कीनो सुङ्‌बतेङ् लोप्‍जेत्‍प। ओसेम् थेङ्‌चे म्‍हीमाइ ली स्‍हीःज्‍यीम् फ्रोइ असुङ्। तर थेङ्‌चे पर्‌मेस्‍वर्‌की देमेन्‍की ग्‍यम् ङोन्‍जेत्‍प।

प्रेरीत् 10:34

हुजु लीप्‍चे पत्रुसचे पङ्‍ज्‍यी, “देमेन्‍नो पर्‌मेस्‍वर्‌चे जम्‍मनो म्‍हीमात च्‍योच्‍यो म्‍हेन्‍जेत्‍प। चु तम् देरे ङचे म्रङ्‌ज्‍यी।

रोमी 2:11

तलेपङ्‍सम् पर्‌मेस्‍वर्‌चे खल्‍लेनो लीः च्‍याज्‍यीम् न्‍याय स्‍य्‍हेङ्‍अजेत्।

२ कोरीन्‍थी 5:10

तलेपङ्‍सम् ङ्‍य्‍हङ्‍मा जम्‍मनो तीरेत् न्‍यायकी लागीरी ख्रीस्‍ट्‍की ङोन्‍री रप्‍थोब। जम्‍मचेनो चु जीवन्‍री ज्‍यबतेङ् अज्‍यब तात लक् स्‍य्‍हेङ्‍बल मुब, हुजु अनुसार्‌की न्‍याय यङ्‍स्‍ये मुब।

एफीसी 6:8

तलेपङ्‍सम् बान य्‍हीन्‍लेएनो अय्‍हीन्‍लेएनो खजु म्‍हीचे ज्‍यबे लक् स्‍य्‍हेङ्‌ब प्रभुचे थेत इनाम् न्‍हङ्‌जेत्स्‍ये मुब पङ्‍बे तम् एङ्‍यीमाचे स्‍येःबलनो मुब।

एफीसी 6:9

मालीक्‍मा, होलेनो एङ्‌यीमाचेएनो र्‌हङ्‍की बानमात ज्‍यब स्‍य्‍हेङो ओसेम् थेङ्‍यीमात धम्‍की पीन्‍ब पीतो, तलेपङ्‍सम् एङ्‍य्‍हीलनो गीकीनो मालीक् स्‍वर्‌गरी मुब, ओसेम् थेङ्‍चे खल्‍तएनो लीः च्‍याज्‍यीम् न्‍याय स्‍य्‍हेङ्‍अजेत्।

कलस्‍सी 4:1

मालीक्‍मा, एङ्‌यीमाकी योक्‍पोमात बेख्‍ले अलनले ज्‍यब स्‍य्‍हेङो, तलेपङ्‍सम् एङ्‌यीमालएनो स्‍वर्‌गरी र्‌हङ्‍की मालीक् मुब पङ्‍बे तम् थम्‍लेतो।

१ थेस्‍लोनीकी 4:6

चु तम्‍री एङ्‍यीमा खल्‍चेएनो ल्‍हो-ल्‍हो बीस्‍वासीत अज्‍यब थस्‍य्‍हेङो। चोतेबे तम्‍मारी प्रभुचेनो सजाय न्‍हङ्‍जेत्‍प। ङ्‌यीमाचे एङ्‌यीमात चु तम्‍की बारेरी ङोन्‍नो ङ्‍हच्‍छ्‍यङ् चेतावनी पीन्‍ज्‍यीन्‍बल मुब।

२ थेस्‍लोनीकी 1:6

पर्‌मेस्‍वर्‌चे ठीक् न्‍याय स्‍य्‍हेङ्‌जेत्‍प, होत्‍तज्‍यीम् थेङ्‌चे एङ्‌यीमात दुख पीन्‍बलमात दुख न्‍हङ्‌जेत्स्‍ये मुब।

फीलेमोन 1:18

थेचे एत ताए अज्‍यब स्‍य्‍हेङ्‍बल मुसम् वुइ एत ताए फाथोस्‍ये मुसम् ङइ मीन्‍री ब्रीज्‍यीम् थेनो।

हीब्रु 2:2

तलेपङ्‍सम् स्‍वर्‌गदुत्‍मा ग्‍यम्‍से सुङ्‍जेत्‍पे पर्‌मेस्‍वर्‌की फ्रोइत म्‍हीमाचे ङ्‍येन्‍थोःब मुबल, ओसेम् पर्‌मेस्‍वर्‌चे हुजु फ्रोइत ङ्‌येन्‍ज्‍यीम् अब्रबलमातेङ् पाप् स्‍य्‍हेङ्‍बलमात थेङ्‍यीमाचे यङ्‍थोबे सजाय न्‍हङ्‍जेत्‍ज्‍यी।

१ पत्रुस 1:17

एङ्‍यीमाचे प्रार्‌थना स्‍य्‍हेङ्‌बे बेलोरी पर्‌मेस्‍वर्‌त अप बी पङ्‍ब। थेङ्‌चे खल्‍लएनो लीः अस्‍हीनले जम्‍मनो म्‍हीमात र्‌हङ् र्‌हङ्‍ले स्‍य्‍हेङ्‌बे लक् अनुसार् न्‍याय स्‍य्‍हेङ्‌जेत्‍प। होत्‍तज्‍यीम् जम्‍बुलीङ्‌री टीगदे एङ्‌यीमा पर्‌मेस्‍वर्‌तेङ् लोङ्‍ज्‍यीम् टीउ।

यहुदा 1:16

चु म्‍हीमा खेमेएनो सन्‍तोक् अत, खेम पङ्‌लेनो ल्‍हो-ल्‍होइ दोस् ङोन्‍ब ओसेम् र्‌हङ्‍की अज्‍यबे सेम् अनुसार् ब्रब, र्‌हङ्‌चे र्‌हङ्‍त घमन्‍ड लबलमा ओसेम् र्‌हङकी लक् स्‍य्‍हेङ्‌बे लागीरी ल्‍हो-ल्‍होत छ्‍युगु फोर्‌ब।